السلام عليكم
فين دراسات الجدوى التفصيلية؟
وين خطط المشاريع الناجحة اللي هتنقل الناس من حال لحال أحسن إن شاء الله؟
عرض للطباعة
السلام عليكم
فين دراسات الجدوى التفصيلية؟
وين خطط المشاريع الناجحة اللي هتنقل الناس من حال لحال أحسن إن شاء الله؟
محل بلاستك و ورقيات و فوم وكارتون
مشروع اليوم هوا مشروعى حاليا انا لسه عامله... لذا اى حد محتاج اى حاجة فيه انا فى الخدمة
النشاط: بلاستيك ويشمل
الشنط البلاستيك بكل مقاستها صغير و متوسط وكبير و شنط قمامة باحجامها - والاكياس البلاستيك بكل انواعها و مقاستها ( اكياس فول و لبن و خلافه) من الاخر مفيش نشاط مبيستهلكش اكياس و شنط (سوبر ماركت - صيدلية - محلات الاكل - محلات الالبان- محلات العصير - محلات الطرشى - .....)
العلب البلاستيك و تشمل
علب الزبادى باحجامها - علب الكشرى - علب الجبنة اك - شوك - ملاعق - سكاكين - شاليمو..
نيجى للورقيات ودى حدث ولا حرج منتجات شركة فاين - فلورا - كارمن - روز - بركتول اند جامبل و حاجات تانية كتيير
وتشمل ( بامبرز-الويز-سندريلا - بيبى فاين - بيبى- مناديل جيب- مناديل مطبخ-مناديل تواليت- مناديل معطرة-........)
ورق لمحلات الكبابجية - محلات الحلويات - استرتش للتغليف الفاكهة و الخضروات
الفوم: عارفين اطباق الجبن والانشون البيضاء بتاعت السوبر ماركت هى دى كل الاحجام
اطباق الكرتون: حلويات و كبابجية
وبعض الاشياء الاخرى اللى ناسيها دلوقتى
المهم ... انا اضفت للمشروع دا منظفات - مع انه مشروع مختلف ولكن انا شايف ان المكان محتاج محل منظفات
ويشمل ( المطهرات : ديتول - لايف بوى , المسحايق: اريال - برسيل - اكسترا ..... بانواعهم اتوماتيك و عادى - كبير وصغير, صابون: صابون وش : كامى - لوكس - .... , صابون غسيل.....) وحاجات تانية
نيجى لدراسة الجدوى
المحل ايجارة بختلف من مكان لمكان ... بس نقول من 600 ل 750 جنيه
تجهزات للمحل على حسب المساحة هتجيب كام استاند اللى هوا بيتثبت فى الحائط ( من العتبة ) و كام رف خشب لان الحاجات مش تقيلة قوى... هنقول بتاع 1500 ل 1700 و باترينة زجاج هاتها مستعملة افضل ب 400 جنيه
نيجى للشغل
ورقيات و فوم و كارتون ب 15000 تقريبا , شنط و اكياس ب 2000 , منظفات نقول بداية من 4500
نيجى للارباح طبعا كاى مشروع محتاج دعاية و شغل مستناش الارباح فى الاول .. ولكن فى المعدل بتاع 3500 كارباح قابلة للزيادة والنقصان حسب المكان..... لو فى مكان بالسوق ان شاء الله يكون كويس جدا... الارباح دى لل ورقيات و الفوم و الكارتون من غييييييير مشروع المنظفات لانه لسة جديد و ربنا يسهل اشوف و ابقى اقول لكوا
ودى صور للمحل عندى
[IMG]http://img828.imageshack.us/img828/4...0520222330.jpg Uploaded with ImageShack.us[/IMG]
[IMG]http://img148.imageshack.us/img148/3...0520222336.jpg Uploaded with ImageShack.us[/IMG]
يتبع
معلش الفترة الجاية هكون مشغول شوية ... مش هعرف اكون على النت كتير
جزاكم الله خيرًا يا أستاذ عبد الحميد
حقيقي موضوع مميز جدا ومفيد وعملي
ربنا يباركلك في رزقك
جزا الله الاستاذ عبد الحميد خير الجزاء و جعله في ميزان حسناته ان شاء الله ليس لمجرد انه صاحب فكرة الموضوع الهايل و الايجابي جدا و انما مشارك و فعال لدرجة عظيمة جدا
مشاريع في منتهي الجمال و الله - خصوصا مشروع البلاي استيشن و ممكن حد موثوق فيه يشاركك بمجهوده فيه زي اخوك مثلا
مشروع الورقيات و الفوم لو مش فاضي اعتقد ممكن المدام لو متزوج تسد اوقات انشغالك و اعتقد انه مافيهوش اي حرج للزوجة خاصة و ان معظم المتعاملين او العملاء حيكونوا نساء و حتي لو فيه رجال مش حيكون فيه مشكلة لان المشاريع دي بتتعمل قريبة من محل السكن
اعتقد مشروع المغسلة اللي حيكون محتاج تفرغ او متابعة او تعمل نظام دقيق للمراقبة زي القهوجية كده بنظام الماركات بس طبعا الامر حيختلف في المشروع ده فممكن تعتمد علي متابعة كميات الشامبوهات او لو الماكينة ليها عداد فممكن تتابع قراءات العداد
و ربنا الموفق ان شاء الله
دراسة جدوي منقوله "غير محدثه" لمزرعه سمكيه :
تكلفة إنشاء الأحواض والجسور 2500 جنيه تقريباً للفدان
معدل إهلاك الإنشاءات علي 5 سنوات =500 جنيه / سنه
إيجار الفدان = 2500 جنيه / سنه
زريعة بلطي : 15 ألف زريعه × 50 جنيه = 750 جنيه
اصبعيات بوري : 2000 × 1200 = 2400 جنيه
8 طن علف مركز 25% × 2000 جنيه =16000 جنيه
نثريات ( تسميد – عماله – وقود – صيد = 2000 جنيه
الإجمالي = 21000 جنيه تقريباً
الإنتاج
3.6 طن أسماك بلطي × 7 جنيه للكيلو = 25 ألف جنيه تقريباً
400 كجم بوري × 15 جنيه = 6 آلاف جنيه
الإجمالي = 31 ألف جنيه تقريباً
صافي الربح للفدان 31- 21 = 10 ألف جنيه / فدان في الموسم
انا ناوي انفذ المشروع ده وهبدأ بفدان واحد (مع استخدام تقنيات جديده تستخدم بالخارج ) لو نجحت هتوسع ان شاء الله.
شكرا علي ردك . بالنسبه للمكان انا نزلت بورسعيد ولقيت مزرعه جاهزه فعلا وايجار الفدان كان 2500 جنيه زي الدراسه بالظبط .انا لو لقيت حاجه احسن يبقي كويس بس ليه البحيرة بالذات ؟؟اقتباس:
مشروع جميل واجمل ما فيه انك انتقلت لخطوة اقتصادية وهى الانتاج بل ربنا يسهل ويكون تصدير كمان
حضرتك هتبدى المشروع دا فى البحيرة؟؟؟؟