الموضوع: ان شاء الله حشترى سماره ايه رايكم

انا كان عندى سمارا موديل 95 و فضلت معايا حوالى 4 سنوات و بعتها و جبت عربية شاريد 80 و طلعت عينى رحت بايعها و رجعت اشتريت سمارا 97 تانى طبعا السمارا الأثنين كانوا 1300 و ان بنسبة مية فى المية ارشحها لك فهى اقتصادية فى الينزين كانت بتعمل معايا حوالى 290 كيلو فى الصفيحة فى مشوار من القاهرة للأسكندرية و قوية جدا و ناعمة لدرجة معقولة جدا و لاتقارنها ابدا باللادا العادية لأن دركسيونها على اسكترا و جر امامى فتحس انها هاف بور دة فى حالة انها عربية نظيفة و مفيهاش مشاكل طبعا و بصراحة انا كل عربية سمارا جبتها كنت بغيرلها الكاربراتير و اشتريلها واحد جديد لانج بحوالى 450 جنية لو لاقيت الكاربراتير عملى مشاكل
فتوكل على الله و اشتريها و قطع غيارها موجودة بالتوفيقية بالمركز الروسى و سيد نصار و اوتو لادا و كذا واحد هناك و اسعارها كويسة جدا
لكن حاول تشتريها موديل 95 الى 97 لأن شكلها احدث و اشيك من موديل 92 و اوعى تجيبها 1500 سى سى عشان استهلاكها فى البنزين اعلى كتير
و صالون السمارا واسع بشكل كويس جدا
ارجو ان اكون قد افدتك

المشاركة الأصلية كتبت بواسطة mohamadyoussif159

الف شكر ا استاذ محمود على المعلومات القيمه دى بس ممكن تقولى هو موديل 92 فيه مشاكل ولا ايه اصل انا معايا 15 الف والعربيه اللى قدامى بالسعر ده وممكن اعرف موديل 95 بيعمل كام والف شكر

لأ 92 مفيهاش مشاكل المهم تكون حالة العربية كويسة بس 15 الف دة سعر غريب على سمارا إلا إذا كانت 2 باب عموما إتأكد انها بحالة كويسة عشان متتعبكش و تكرهك فى السمارا اصل انا بعز العربية دى اوى
اما سعر السمارا 95 فى حدود 21 الف و ممكن تزيد الف أو تقل الف