الموضوع: مشكله فاميه وارجو منكم الحل

الف سلامة عليك يا دوكتور مقدما...الحل الوحيد أن أنت تعل الإزاز كهربا و أول ما تشوف لجنة تنزلة و مش هياخدو بالهم

شفاك الله وعافاك بس هو الموضوع مالهوش قاعده على حسب مزاج الظابط
لو مشكلتك في الحرارة والسخونه ممكن تركب عازل حراري لو المشكلة في الإضاءة مشيها ستاير هاتتعود عليها وهاتقدر تشيلها

جزاكم الله خيرا جميعا وشكرا بجد لرجودكم الجميله دي وربنا يجزيكم خير
والحمد لله ع كل حال
هي المشكله فعلا في الحراره والاضائه مع بعض
والفكره بس الي مضيقاني اني بقيت احس اني في بلدي وبلدي بتحترمني وبتحترم كل واحد ماشي في الشارع مش انا وبس ولما لاقيته عمل كده اتضايقت
كنت فعلا بطلت تفكير في اني اسافر برا مصر و فعلا بقيت احس ان دي بلدي وانها ليها حق اني افضل قاعد ولو هاعمل حاجه برا لا اعملها هنا اذا كنت هاعمل ابحاث ولا حاجه لا اعملها هنا انشالا اصرف عليها من جيبي بس بلدي اولي بيا بدل ما اطلع برا وخيري يخده بلد تانيه غير بلدي
بس بعد الي حصل ده امبارح حسيت اننا عمرنا ما هتبقي العلاقه بين المواطن وظابط الشرطه عدله وهاتفضل طول عمرها كده هما عاملين زي البيرسول واحنا زي الحشرات كل ما نشم رحته في حته نبعد عنه في حته تانيه وده فعلا الي بنعمله كل ما نعرف طريق فيه كمين بنروح من طريق تاني وده الي انا هاعمله خلاص بدل مخش فيصل من عند كبري صفط اللبن لا خلاص اخشه من وري وخلاص
الي حزني اني قولتله اني مريض وفي غيري كتير وحتي لو مش مريض هو مش حقي اني ابقي راكب عربيتي وخطبتي جمبي ومحدش باصص عليها وعمال يتفرج علينا وهي بتتكلم معايا ولا يتفرج علي مراتي وهي ماسك ايدي بسبب ان جوزها بيتالم وهي بتواسيه
ده انا لما فيمت العربيه وخرجت ولدتي واحتاجت تاخد دوا وخدته في العربيه من غير ماحد يبص عليها قعدت تدعيلي تقولي انا كنت بكره الخروج برا البيت
هو مش من حقنا يكون للانسان خصوصيه
هاتلاقي الردود الغريبه الي بعتبرها متخلفه مع احترامي لاصحابها
الي يقولك ما هو ممكن نعمل حاجه غلط في العربيه
انا عايز اقوله لو عايز تعمل حاجه هاتعملها في العربيه ولا حتي في غيرها هاتعمله انشالا تكون ماشي في الشارع
ما بنبقي قاعدين في المكروباص والواد بيبقي قاعد وجمبه بنت وعمال يتحرش بيها يعني الي عايز اقوله لو كنا الانسان فين وعايز يعمل حاجه غلط هيعملها مش الفكره في ستاره هتداريه ولا فاميه هيمنع ان حد يشوفه
لكن الفكره في الي ضايقني هو الاحترام بجد كنت بقيت احس اننا مواطنين لينا احترام في بلدنا
لكن لما بسافر اي بلد تانيه بحس اني محترم وليا احترامي مع انها مش بلدي
ممممم هاقول ايه بس الي جوايا بعد الموقف ده خلي حاجات كتيره حسيتها بعد الثوره راحت
الاحساس الجميل الي حسيته في وقت الثوره والناس الي كنا بننقذها وتفوق وتقف علي رجليها تاني بعد ما نسعفها وتقوم تكمل ثورتها ومناضلتها
راح الاحساس الجميل ده لاني كنت حسيت اننا شعب قادر يقول لا علي الظلم
لكن بقي الصعب اننا دلوقتي اقول لحد علي مشكله زي دي ويقولي ما ده قانوني وفعلا الفاميه مينفعشي يعني معتشي في مطلب جماعي
بجد جزاكم الله خيرا بس ملقتشي مكان افضفض فيه لحد خاصه ان ده منتدي متخصص يعني وانا هاكلم الدكتور الي بتعالج معاه يكتبلي شهاده طبيه ومع الاشاعه هاوديها ليها ونشوف بقي اخرتها ايه
بجد جزاكم الله خيرا ومعلشي صدعتكم بقي

سلام عليكم
معلشي بتعبكم معايا بس اتقفلت قوي في وشي مش عارف بجد هعمل ايه
والدي راح للظابط بتاع اداره المرور في 6 اكتوبر
وقاله علي الحاله وكده
وقاله لا مينفعشي اطلعله تصريح فاميه
يا تكون العربيه جايه فيها فاميه ومتثبت في ورق العربيه من المصنع يا كده يا مش ينفع اطلعله ترخيص فاميه
ايه الحل دلوقتي يا جماعه