مشكله فاميه وارجو منكم الحل

**Dr.M.Mowafy** · 08-06-2011 11:36 AM

سلام عليكم
اخواني انا كنت عايز احكي موقف واعرف رائكم فيه ضروري
الاول انا طالب في كليه طب
والمشكله تتعلق بالفاميه وانا حاطه مش منظر حاطه علشان الشمس لاني عامل عمليه في المخ
المهم بقي
معدي امبارح بليل الساعه 8 قدام اللجنه الي عند اول فيصل
وقفني عسكري وكان في ظباط كلهم بنجمه ونجميت بس عيال شكلهم عيال اساسا ومش ثابتين كده زي الي كنا نعرفه عنهم
المهم قالي الرخص قولتله ليه قالي علشان الفاميه قالي الرخص لو سمحت اديتهاله قالي طيب علي جنب بقي وتعالي هنسحب رخصه العربيه
المهم ركنت ونزلت وقولتله يعني انا حاطه علشان عامل عمليه في المخ ومعنتش مستحمل الشمس وكذا مره يغمي عليا وانا سايق بسبب الشمس
للعلم الشمس للي عامل عمليه في المخ زي الي عنده جرح وبيحط عليه شطه ده بس للتقريب والتوضيح وربنا يحفظ الجميع يارب من اي مرض
المهم قالي مينفعشي والرخصه هاتتسحب يا كده يا تدفع 40 جنيه
المهم دفعتهم وخت الوصل وانا مخنوق جدا ومضايق من الموقف
المهم لما روحت ببص في الورقه الي ادهالي لاقيته كاتب مخالفه وقوف في المخالف وفك كلابشات
طيب ازاي مش المفروض ان المخالفه تبقي زجاج ملون
وازاي اساسا ياخد فلوس مش الوزير قايل مفيش مخالفات فوريه << ولا خلاص رجعت تاني وانا معرفشي
انا طبعا كنت عايز ادفع الفلوس وامشي لاني مكنتش نمت يومين ومرهق وراجع من الامتحان وجايب اخري يعني فده الي مخلاش الكلام يجي في بالي ومشيت علي طول
مستني ردكم واعرف ايه الحل بقي
لانه قالي ركب يابيه ستاير بيطلع بيها رخصه عادي
مع العلم اني في الستاير فعلا مش بشوف نهائئ بقي وفي الفاميه بشوف وانا مركب الدارك لان دي الي بتمنع الشمس بس مش منعه الرويه بس باليل بشوف عادي بنزل الازاز وبشوف
علي فكره انا حاطط الفاميه علي الازاز وعلي الابواب كلها لكن في الخلف لا مش حاطط حاجه
وحتي هو قالي طول ما انت ماشي ومحدش بيكلمك بيكتبك مخالفه وانت بتعدي علي الكمين ولما تروح تجدد الرخصه هاتلاقيك عندك مخالفات كتيره
مع اني عمري ما عديت علي كمين ولاقيت حد ماسك ورقه اساسا وبيكتب حاجه
ايه الحل بقي مع العلم بردوا اني مش هقدر اشيله لان معني اني اشيل عازل للشمس اني هاموت بمعني الكلمه كده
ولو حد هايقول امال بتمشي في الشارع ازاي هاقوله بمشي بشمسيه لان فعلا الشمس مشكله ليا

**smsm_cato** · 08-06-2011 11:54 AM

ربنا يعافيك ويعافى كل المسلمين اولا نفسى نبقى زى دول الخليج وتصرح بالفامية ولو بدرجات معينة علشان نترحم من الشمس شوية لان فعلا مصر جوها شوية شوية وهيبقى زى دول الخليج الشمس بتبقى حارقة قوى من الصبح لحد اخر النهار ثانيا لو انت مش ناوى تشيل الفامية اعمل زى انا حاطط فامية بلاك لانى كل يوم على الطريق الصحراوى وربنا واعدنى بالشمس ناحيتى وانا رايح وانا راجع ايدى الشمال بقت سودة عن ايدى اليمين بشكل ملحوظ ده غير انها بتبقى ضربة فى وشى كمان ومستحمل بقالى كتير لكن الاسبوع اللى فات قررت افيم والنتيجة كويسة فحاول تعمل زيى لو ليك كذا طريق يوصلك للحتة اللى انت رايحها حاول تبعد عن الطرق اللى بيبقى فيها لجان بصفة مستمرة وامشى فى طرق فرعية انا بعمل كده لغاية ما بوصل للصحراوى انما على الصحراوى مفيش بديل فبمشى وبسيبها على الله

**Dr.M.Mowafy** · 08-06-2011 12:11 PM

تسلم يارب لردك وانا فعلا معنتش همشي قدام اللجنه دي تاني
بس بجد احنا عايزين حل بقي الواحد طهق من الحياه كده

**BLOODY_STONE** · 08-06-2011 12:33 PM

والله شكله خد الفلوس دي عشانه ... المفروض مفيش مخالفات فورية ... و من امتى و هو مسموح بالستاير ؟ ياما ناس كان بيترخم عليها بسبب حوار الستاير ده و كانوا بياخدوا مخالفات ...
عموما متشيلش هم ... صحتك بالدنيا .. عمليات المخ رخمة و عايزة صبر شوية .. حتعكنن نفسك عشان ظابط معفن؟

**hosammoner** · 08-06-2011 02:27 PM

الف سلامه عليك وطظ فى الفلوس وطظ فالمرور والشرطة خليك حاطط الفاميه زى مانت ولا يهمك ولو دخلت على لجنة حاول تفتح الازاز كله وان شاء الله مش هيقابلك لجان تانى

**w-m-a** · 08-06-2011 02:34 PM

الف سلامه عليك يا دكتور
ممكن تجرب الستائر المروحه
او الستائر الكبس

**dramir1** · 08-06-2011 02:46 PM

الف سلامه عليك يادكتور ....ممكن حضرتك تاخد شهاده من الدكتور اللي عمل لحضرتك العمليه شهاده تثبت ان الشمس ضاره ليك
وتمشي بيها في اللجان ويوم تجديد الرخصه

**Dr.M.Mowafy** · 08-06-2011 03:23 PM

الف شكر ليكم يا جماعه والحمد لله ع كل حال
واه فعلا بيغمي عليا لو فضلت متعرض للشمس اكتر من ربع ساعه او لدرجه حراره عاليه وفيه ضغط صعبي جامد عليا
وفعلا عملت كذا حادثه بسبب الموضوع ده قبل ما احط فاميه بس الحمد لله لما بقيت احطه الموضوع بقي هين قوي
بالنسبه لاننا نلتزم بالقواعد لو حضرتك شايف ان القاعده دي صحيحه انا هلتزم بيها بس للاسف القاعده دي مش سليمه نهائئ ومش راضيين يحطوا استثنائات فخلاص بقي عمري ما هلتزم بيها خاصه انها بتيجي علي صحتي وصحه غيري مهو لما التزمت بيها خبطت ناس بسبب ان اغمي عليا مش الناس دي اتضرت بردوا ولا ايه
بالنسبه للستاير والحاجات التانيه دي مش بتمنع الشمس لان انا مش مجرد محتاج لعزل جزء من الشمس لا عايز عزل زي عزل الفاميه كده لكن الستاير وكده بتدخل جزء وده بردوا بيتعبني اه مش بسرعه بس بيتعبني

صحيح بالنسبه للشهاده اني تعبان وكده مش عارف ناس كتيره قالتلي مش هيديك حاجه ولا هيصرحلك بحاجه وكمان مش عندي وقت اروح بس مم ممش عارف الصراحه اعمل ايه

وفعلا محتاج لنصيحه حد فعلا

انا كمان عرضت الموضوع لاننا عايزين حل عايزين ان القانون ده يتغير وقوانين المرور الغلط دي
لازم يكون في تجمع لينا او حتي بيان نمضي عليه ونقدمه للمسؤلين

**magid1010** · 08-06-2011 04:14 PM

المشاركة الأصلية كتبت بواسطة dr.m.mowafy

الف شكر ليكم يا جماعه والحمد لله ع كل حال
واه فعلا بيغمي عليا لو فضلت متعرض للشمس اكتر من ربع ساعه او لدرجه حراره عاليه وفيه ضغط صعبي جامد عليا
وفعلا عملت كذا حادثه بسبب الموضوع ده قبل ما احط فاميه بس الحمد لله لما بقيت احطه الموضوع بقي هين قوي
بالنسبه لاننا نلتزم بالقواعد لو حضرتك شايف ان القاعده دي صحيحه انا هلتزم بيها بس للاسف القاعده دي مش سليمه نهائئ ومش راضيين يحطوا استثنائات فخلاص بقي عمري ما هلتزم بيها خاصه انها بتيجي علي صحتي وصحه غيري مهو لما التزمت بيها خبطت ناس بسبب ان اغمي عليا مش الناس دي اتضرت بردوا ولا ايه
بالنسبه للستاير والحاجات التانيه دي مش بتمنع الشمس لان انا مش مجرد محتاج لعزل جزء من الشمس لا عايز عزل زي عزل الفاميه كده لكن الستاير وكده بتدخل جزء وده بردوا بيتعبني اه مش بسرعه بس بيتعبني

صحيح بالنسبه للشهاده اني تعبان وكده مش عارف ناس كتيره قالتلي مش هيديك حاجه ولا هيصرحلك بحاجه وكمان مش عندي وقت اروح بس مم ممش عارف الصراحه اعمل ايه

وفعلا محتاج لنصيحه حد فعلا

انا كمان عرضت الموضوع لاننا عايزين حل عايزين ان القانون ده يتغير وقوانين المرور الغلط دي
لازم يكون في تجمع لينا او حتي بيان نمضي عليه ونقدمه للمسؤلين

صح و الله فية قوانين محطوطه من غير معنى ممكن مثلا يسمحو بالفاميه درجه خفيفه جدا تبين اللى جوه العربيه و زياده الحد فى السرعه لبعض الطرق زى الزراعى فيه حتت بمشى على 60 و كلنا نمضى او نثير الموضوع ده بس لما امور البلد تستقر شويه و الف سلامه ليك

-

الموضوع: مشكله فاميه وارجو منكم الحل

LinkBack

أدوات الموضوع

عرض

-

-

-

-

-

-

المواضيع المتشابهه

مشكله فى الباور وارجو الافاده

عندي مشكله وارجو المساعده

مشكله وارجو الافاده

عيب لم يدلني أحد على حله (وارجو ايجاد الحل عند خبرائكم)

عندي مشكله مع معرض سياراااات ومحتاج بالله الحل منكم ومساعدتكم ومشورتكم

الكلمات الدلالية لهذا الموضوع

المفضلات

المفضلات

ضوابط المشاركة