الاخ نور و الاخ ahmed2y

اشكر الاخوة نور بيجو و احمد بيتلز علي استقبالهم الجميل في قسم البيجو اللي شرفت بانضمامي له و الروح الحلوة و التعاون المثمر بين الناس انا خلصت في البيجو ال 405 مو 91 فابريكة بره و جوة كاملة ماعدا الانذار كوتش جديد بطارية جديدة فرش زيرو موتور ممتاز عفشة جيدة جدا كل حاجة تعمل بكفاة و السعر 37 الف فيها رخصة سنة اللون ابيض حليبي و علي فكرة انا ركبت كل الموديلات لكن البيجو مختلفة انا عرفت يعني ايه متعة القيادة مع العربية دي و انا بذاكر العربية دي من شهر و عرفت ان قطع الغيار المستعملة منها كتير و اسعارها حلوة حد يصدق واحد صاحبي جاب دنجل استيراد ب 300 جنية كامل بكل حاجتة و منها جوز مساعدين مونرو جداد نوفي غير الطنابير و الستابليزر و المساعدين حتي ضفادع الفرامل بتاعة البيجو الحديث و ما شاء الله العربية عليت و بقت حكاية يا ريت نناقش مع بعض موضوع التفاوت الغريب في قطع الغيار ال 405 لان الموضوع ده مهم و يا ريت نركز في الاستيراد لان معظمنا موظفين و قطع الغيار الجديد صعبة يا ريت نساعد بعض عشان بتوع قطع الغيار ما يستغلوناش و يلعبو بينا

السلام عليكم...ربنا يبارك لحضرتك فيها ويديك خيرها ويكفيك شرها..ومع حضرتك أستاذ نور ماشاء الله ناقص له شوية ويتعين فى مصنع بيجو....

الف مبرك عليك ياباشا اختيار ممتاز طبعا نحيك عليه
وربنا يرزقك خيرها ويكفيك شرها

يا باشا لا شكر على واجب والحمد لله الواحد هنا فى المنتدى اتعلم كتير وعرف ناس محترمة جدا وعمر ما حد بخل على حد بحاجة

بس اهم حاجة تعملها زى ما قالك الاخ نور تعمل سرفيس على العربية واهم حاجة سير الكاتينة خد بالك من الموضوع دة سير الكاتينة بذات عشان تبقى عارف عمرة ومشيت بية قد اية

والاهم متروحش بيها لاى ميكانيكى روح لبتوع البيجو وفى ميكانيكى وكهربائى متخصصين بيجو مش بنتعامل غير معاهم فى عربية الحج لو عاوز تروحلهم تحت امرك زى ما قولتلك قبل كدة بس هيبقو بعيد عاليك لانك واضح انك ساكن فى الجيزة ولو حبيت تروحلهم قولى

واسال برضو الشباب يمكن يكون فى حد قريب منك ومتخاليش اى حد يلعب فيها عشان تفضل زى ما هى

وربنا يبارلك فيها انشاء الله

شكرا يا ابو حميد و ان شاء الله نتواصا عن اي مستجدات بس انا اليومين دول مشغول في امتحانات الثانوية العامة و ربنا يسهل و اقولك وصلت لايه و شكر خاص للاستاذ محمد عادل علي الاهتمام