تجربت شراء كاوتش من سمير بيومى اللى فى الدقى

**hamahmy** · 08-06-2011 02:53 PM

الكاوتش عندى حالته كانت تعبت اوى بدأت ادور على كاوتش فى ظل الاسعار المرتفعة و لاقيت سمير بيومى اللى فى شارع التحرير بالدقى جمب جاد ارخص من السوق ب 50 جنيه الفرده طبعا معرفش المفاجأة فى توفيرى للمبلغ ده

فرحت و اشتريت منه 4 فرد كاوتش هانكوك كورى مقاس r13 155/65 و يادوب بعد يومين على الطريق السريع فردة منهم فرقعت روحت لاتنين بتوع كاوتش متخصصين علشان ماظلمش الراجل قلت يمكن مسمار او حاجة قالولى ده عيب صناعة و حرام نصلح فيها حاجة و رجعها احسن للبائع و قالولى ده ضعف من جمب الكاوتش و شرخ من الجمب

روحت و كان معايا الحاج و الحاجة ماحترمش اى حد و ان فيه ناس كبيره معايا و قعد يزعأ الأول و بعدين بدأ الناس تتلم عليا و هما قرايب فى بعض و لاقيت الايدين بدأت تطول و عاوزين يضربونى لولا ولاد الحلال بدأوا يخلصونى من ايديهم

و قالى مش حارجع الفرده و مش عاجبك روح للتوكيل بتاعها قولتله طيب ادينى فاتورة بيع او بيان قالى لأ علشان انا مش بطلع اى حاجة من المحل علشان الضرايب قولتله طيب اروح للتوكيل بأى صفة و انا مش معايا فاتورة بيع من المكان اللى اشتريت منه و تاريخ الشراء لها قالى هوة كده اذا كان عاجبك

مشيت و قولت :b4_611: حسبى الله و نعم الوكيل بس حابيت احكى الموضوع علشان باقى الاعضاء يستفيد منه و خصوصا احنا فى فترة كتير منا بيدور على الكاوتش الأرخص و المناسب للامكانيات

و شكرا

المهندس أحمد الحماحمى

**heshamzaky** · 08-06-2011 03:01 PM

ممكن جدا شكوتة فى الضرائب طالما مش راضى يديلك فاتورة بالبضاعة المباعة و ممكن تعمل محضر أثبات حالة أنة رافض يديلك فاتورة و تروح الى مكافحة التهرب الضريبى و تقدم شكوى و ترفق بها رقم محضر الشرطة الى عملتة لاثبات الحالة و تقدم شكوى فى المأمورية التابع لها و مكانها فى شارع وادى النيل و تقدم شكوى فى جهاز حماية المستهلك القصة بسيطة جدا من غير خناق و لا وجع دماغ حا يتظبط بعدها كويس جدا

**hamahmy** · 08-06-2011 03:09 PM

انا قدمت شكوى عبر البريد الالكترونى للابلاغ عن التهرب الضريبى لمصلحة الضرائب العامة و اتمنى يتم النظر ليها
اما موضوع اروح القسم و اقدم بلاغ اعتقد انه صعب لأنى ماعنديش وقت لكل ده لظروف عملى و انا حابيت اكتب الموضوع ده و احكى التجربة علشان باقى الأعضاء يستفيدوا و شكرا

**kar!m** · 08-06-2011 03:10 PM

بص بصراحة أنا اشتريت منه حاجات كتير .. بطارية و كاوتش ليه و لأخويا .. و مكدبش عليك أنا مبستريحلوش أوى .. بس هو أرخص سعر بلاقية .. فبشترى منه.

دايما يقول لك الفردة ب 400 جنية مثلا و ليك انت ب 350 بالبلف و الترصيص .. حتى لو أول مرة يشوفك

**heshamzaky** · 08-06-2011 03:13 PM

لآ تروح تعمل المحضر و تقدم الشكوى يدويا علشان تصطادة صح لو عاوز تاخد حقك
لو كان عفوا ضربك و عورك كنت حا تسكت أكيد لآ يا حا تضرب فية يا حا تعمل محضر و علشان يتم تقدير ضرائب محترمة علية و ما يتاخدش بالأقرار الى هو بيقدمة للضرائب و يتم فرض تقدير جزافى علية .
أدب الرجالة فلوس يا باشا مش خناق.
لو ثبت أنة بيتهرب ضريبيا العقوبة ممكن تكون حبس مش غرامة

**hamahmy** · 08-06-2011 03:18 PM

لا و ياريت الترصيص كويس ده بعد سرعة 100 لاقيت الدركسيون بيرعش و كنت اصلا رايح لواحد تانى يعيد الترصيص يعنى كده كده خسران و الغلط اننا دايما ندور على الرخيص مع ان ممكن الرخيص ده فى الاخر يكلفنا اغلى بكتير من الغالى
بس انا غلطان كنت روحت لتوكيل محترم زى بريدج استون بتاع عمارات العبور و اشتريت منه كاوتش اغلى شوية بس أفضل و احسن و اريح دماغى و فى حالة اى شكوى الاقى ادارة محترمة بترد عليا مش ناس تتلم علشان تضربنى

**amazingahmed** · 08-06-2011 04:32 PM

معلش، كلنا بنتعلم من أخطائنا. بس كتر خيرك أنك نبهتنا للموضوع ده علشان لو حد عاوز يجيب حاجة يروح يشتري من مكان محترم و ميعرضش نفسه للإهانة. خصوصا الناس اللي زي دول معظمها بتاعة سوق و ميفهموش غير أنهم ياخدوا فلوس و بس لكن ميعرفوش حق الناس.
كلنا اتنصب علينا قبل كده للأسف علشان ثقافة الناس بقت إخطف و اجري.
أنا بقيت بدور على الحاجة الأغلى و أشتريها علشان بعرف أني هريح دماغي خصوصا لو كانت أغلى لأن الخدمة أحسن.
ربنا يعوضك و أنا رأيي أنك متسيبش حقك منه و تخليك إيجابي و تعمل محضر علشان بعد كده يفكر ألف مره قبل ما يمد إيده على زبون . و ربنا معاك.

**Ashraf_Ibrahim** · 09-06-2011 01:14 AM

متسيبش حقك !

**amribrahim** · 09-06-2011 03:38 AM

المشاركة الأصلية كتبت بواسطة heshamzaky

ممكن جدا شكوتة فى الضرائب طالما مش راضى يديلك فاتورة بالبضاعة المباعة و ممكن تعمل محضر أثبات حالة أنة رافض يديلك فاتورة و تروح الى مكافحة التهرب الضريبى و تقدم شكوى و ترفق بها رقم محضر الشرطة الى عملتة لاثبات الحالة و تقدم شكوى فى المأمورية التابع لها و مكانها فى شارع وادى النيل و تقدم شكوى فى جهاز حماية المستهلك القصة بسيطة جدا من غير خناق و لا وجع دماغ حا يتظبط بعدها كويس جدا

يااااه ربنا يديك و يدينا طولت العمر هههههههة

-

الموضوع: تجربت شراء كاوتش من سمير بيومى اللى فى الدقى

LinkBack

أدوات الموضوع

عرض

-

-

-

-

المواضيع المتشابهه

رقم تليفون سمير بيومى ( شركه الايمان )

يرضيكم اللى عملوه مودرن الدقى معايا .. هو ده المنتظر من نيسان

تجربتى للاسف عند الحاج سمير بيومى

بركولى امبارح اشتريت 4 فرد كاوتش جديدة من سمير بيومى هانكوك

الكلمات الدلالية لهذا الموضوع

المفضلات

المفضلات

ضوابط المشاركة