الموضوع: أنابيب السلفيين و"سبابب" العلمانيين

المشاركة الأصلية كتبت بواسطة Dojuar

كفاية ....حرام عليك...كفاية أمثله

?????????????

المشاركة الأصلية كتبت بواسطة hobiko

لا معلش يا اسامة ....... دي أخر حاجة تنسبها ليهم


أنا واحد من الناس إلي كان بيشارك في المظاهرات الصبح و طول الليل واقف في اللجان الشعبية زي زي ناس كتير أوي


و من أول يوم .....



السلفيين إلي حضرتك نسبت ليهم ....... أفضل تنظيم للجان شعبية


ظهروا أول 3 أو 4 ليالي فقط يلفوا مع بعض في الشوراع في مجموعات كبيرة ....... في مشهد استعراضي بحت


و بعد كدة ...... بخخخ ...... ولا كنا بنشوفهم



احنا إلي كنا ندخل الجوامع ...... و نكلم بعد صلاة العشا و نشجع الناس انها تنزل ..... و لما كان العدد بيقل في الشارع كنا ندخل الجامع و نكلم في الميكرفون و نطلب الناس تنزل


و حاقولك أماكن معينة بما انك من اسكندرية ...... سيدي بشر ..... جمال عبد النصر ..... محمد نجيب .... ميامي ...... شارع الإقبال ....... جليم على الترام و أبو قير ..... فلمنج ...... الابراهيمية أبو قير ...... بحري من أولها لاخرها ...... سموحة عند جرين بلازا


دي أماكن كان فيها أصحابي و أهلي ..... و رحتها و شفتها بنفسي ......


من أشهر المواقف ...... المجرمين إلي كانو بيلفو في السيوف و فيكتوريا و في الأخر إستخبو في فيكتوريا كولدج و قعدو يضربو نار على الناس ....... مين إلي فضل محاصر المدرسة طول الليل مع الجيش لغاية لما مسك المجرمين ...... الناس البسيطة العادية


أسف مرة تانية ...... بس إنت بتقول بلاش نبخس الناس حقوقهم ...... الناس إلي بجد وقفت في الثورة في وش الموت .



و بالنسبة للحاجات إلي كانو بيبيعوها أيام الثورة ...... أنا ماشفتش غير عربية خضار واحدة ...... قعدت 3 أيام و كنت تبع الاخوان المسلمين

يا استاذ محمد
اولا واحشني

ثانيا : انا مأنكرتش دور اللجان الثانية
بس انا بكلم على افضل الناس اللي كانوا منظمين وانا بكلم من وجهت نظري ومبخستش حد

وموضوع اول كام يوم
يا استاذ محمد اللكلام اللي بقوله دا كلام قائد المنطقة الشمالية نفسه مش كلامي

دا غير مثلا عندك خزان اقسام المنتزة والمسروقات قدر كبير منهم كان السلفيين حموهم

وبعدين انا بكلم عن استمرار اللجان
انا شفت في مناطق اللجان شغالة أكثر من شهر

وانا بكلم كغالب مش بكلم على مناطق معينة
يعني اا ممكن اقول كذا مثال لمناطق


انا بقيس بغالب اعم


وموضوع الخضار حضرتك اه مشفتش في ناس تانية شافت انا منهم
وراعي حضرتك انا بتكلم على عدد محدود بيوفر خدمات يعني مش شرط كل واحد هيشوف حاجة من دي


مووضع عربية خضار الأخوان بردوا كويسة .. اي حد يعمل نشاط يسد بيه حاجة انا اشكره

دا اللي اقصده

مش اثبط حد .

المشاركة الأصلية كتبت بواسطة samoevil911

?????????????

في ناس بتتعب لما تيجي سيرة الاسلاميين بكلمة كويسة...عشان كده بقولك حرام

المشاركة الأصلية كتبت بواسطة hobiko

و إنت كمان وحشني ...... يا رب تكون بخير إنت و الوالد :))))))


و أنا كمان بتكلم عن الغالب الأعم على فكرة ...... و بكلم على الإستمرارية


المناطق إلي أنا ذكرتها استمرت اللجان فيها من يوم 28 يناير يمكن لغاية 18 فبراير ...... و أنا مش بنقل شهادة حد أنا شفت بعيني و أقسم بالله العلي العظيم دة إلي شفته


أنا بس عايز نضع كل شيء في مقداره و اطاره الصحيح من غير زيادة ولا نقصان


دة غير إن اعدادهم أصلاً مش بالضخامة دي ........


أنا حضرت المؤتمر الشعبي إلي كانوا عاملينوه في الشارع قبل الإستفتاء بيوم واحد ...... ماكنش فيه حد من غير لحية غيري :))))))


و العدد بأي حال من الأحوال كان لا يتجاوز الألف

ياستاذ محمد
أنا عموما مش بتناقش على عددهم
ولا يعنيني الأمر

انا اللي يعنيني انهم فعلا بيشتغلوا مش زي مالأعلام مصورهم انهم وحوش وانتهازيين لدرجة انهم قالوا عليهم ثورة مضادة

واللي قال انهم متخلفين واللي قال عقولهم مظلمة


وانا بقول لحضرتك في موضوع ان حضرتك شفت انا مش بكدب حضرتك

بس اللي اقصدوا ان هما اعدادهم ممكن متغطيش كل المناطق
خاصة وحضرتك اصلا معظم الأماكن اللي بتقلها دي في مركز واحد يعني اعتقد معظمها متركز شرق

لكن حضرتك عندك

1- العجمي
2- العامرية
3- البرج
4- الدخيلة
5- وادي القمر
6- المكس
7- الورديان
8- القباري
9- كفر عشري
1-- كرموز
11- محطة مصر
13- المنشية
14- العطاريين
15- بحري
16- الأنفوشي
17- محطة الرمل
18- الحي اللاتيني
19- الشاطبي
20- وناخد بقى خط بورسعيد كله وخط الترام وخط ابو قير بكل مناطقة يعني حوالي 10 مناطق مثلا
21- ندخل على المندرة
22- المنتزة
23- الطابية
24- طوسن

دا غير عبد القادر وام زغيو و و و

كل دي مناطق يعني حضرتك الحصر الشخصي مينفعش

عشان كدا انا قلت دا كلام قائد المنطقة الشمالية وشكر الدعوة السلفية على جهودها في اللجان الشعبية

ايا كان والله انا لا يعنني زي مقلت
انا كل اللي اقصده انهم ناس بتشتغل
منهدمهمش ولا نثبطهم ولا ننكر جهودهم


وكلنا في الأخر عايزين الخير لمصر
فمش نشكك في نوايا حد



يعني انا ممكن اذكر لحضرتك جهود الدعوة السلفية في حملة امة واحدة
ودي ملهاش علاقة بمصر
واعتقد حضرتك يمكن مسمعتش عنها
ولا الأعلام اتكلم عنها نهائيا

عشان كدا انا بكلم في غالب مش من منظور شخصي



اما موضوع عددهم
زي ميطلع مش فارقة

بس اللي انا اعرفه ان مؤتمر زي مسجد عمرو بن العاص حضر اكثر من 100 الف


اما موضوع ان غالبية الناس بلحى للأسف اصلا دي مشكلة عندنا ان الكثير لا يبحث عن العلم
ومعظم الندوات بيبقى العامل الرئيسي فيها شهرة المحاضر
يعني مثلا يوم مؤتمر الشيخ محمد حسان في كلية الحقوق حضر عندنا فوق ال ستة الاف رغم انه كان يوم اجازة ومتمش الإعلان اصلا عن الندوة بصورة قوية

فمش معييار ثانيا احنا اصلا ميهمناش عددهم


المهم ان كل شخص منا يحاول ان ينتج

المشاركة الأصلية كتبت بواسطة samoevil911

لا يا سيدي حضرتك أختزلت الثورة في البرادعي وانصاره
طب ازاي
دا البرادعي مثلا نزل يوم 28 مش 25
وانا مش بقول بكدا انه مشاركش
بس ما اقصده انه لم يفجرها دا بالعكس فضل برا لحد ميشوف هو في ناس نازله ولا لأ
ومش معنى واحد قال ثورة يبقى هو اللي فجرها
خاصة وان مصر لم تقم بثورتها إلا بعد ثورة تونس
يعني انا ارى ان العامل المشجع الأول ثورة تونس لأنها اثبتت قدرة الشعب على اسقاط النظام

وحضرتك بتقول هو اول من قال بدستور جديد
دا متى ؟ قبل الثورة ؟
قبل الثورة والله اعلم كان كلام الدكتور عن تعديل الدستور وايا كان مش مهم تعديل تغيير مش فارقة
بس هقولك رد بسيط
اصلا اول منزلت تعديلات 2007 لو حضرتك كنت متابع مفيش حد منتقدهاش وقال انها عار
وكتب فقهاء القانون تكاد تنفجر من نقد هذه التعديلات والدعوى لإلغائها وتعديل الدستور
هدعوا حضرتك لقراءة كتاب واحد (القانون الدستوري اولي حقوق للدكتور مصطفى أبو زيد فهمي وزير العدل السابق بيتهيقلي على ما اتذكر اول 50 صفحة لنقد التعديلات فقط )

وبعدين حضرتك بتقول البرادعي قلب الدنيا لما قال هيترشح ضد مبارك
يا سيدي مأيمن نور والنعمان جمعة نزلوا في 2005
مش هي دي الفكرة
وبعدين البرادعي كان بيكلم من بدري اوي على انتخابات 2011
وكان مدعوم أمام الشعب المصري بجائزة نوبل علاوة على عدم استطاعت النظام الدخول في حرب مباشرة معه لتاريخه المعلوم وعدم استطاعتهم اعتقالهه خاصو وانه شخصية عالمية -ودا اللي ادى بعد كدا للأشعات اللي طلعوها عليه-


للعلم أنا لا انكر دور البرادعي .. عشان انا مش جاحد
بس انا برد على إختزال الثورة في البرادعي

يعني حضرتك بتقلي البرادعي وناس تانية بيقولوا صفحة خالد سعيد يعني انا مثلا ممكن اقولك وائل غنيم وهو اللي جمع الناس

يا سيدي الثورة نتيجة تراكم الكثير من الأعباء على كاهل الشعب
الثورة هي نتيجة ضغط دام 30 عاما
وكانت تونس فعلا هي اهم ما ألهم الشعب للقيام بثورة

والدليل ان انصار البرادعي قليلين بل على العكس الشعب المصري اعتقد كغالبية عظمى لا ترضى بالبرادعي
ولعلمك انا كنت مع انصار البرادعي في الإسكندرية وهما بنفسهم قالوا ان السواد الأعظم من الناس مش متقبله


دا غير حضرتك كدا نسيت شكلك كم الأخوان اللي اعتقلوا والسلفيين ايضا او اي حد اسلامي بسبب النظام السابق
ونسيت بردوا ان عدم دخول ولا مرشح أخوان في الدورة البرلمانية الأخيرة كان ليه دور قي فقدان الشعب الأمل في التغيير بالطرق العادية


يا سيدي اختزال عوامل الثورة في شخص وانصاره شيء صعب

يا سيدي انا فاكر ساعت موضوع خالد سعيد بعدها على طول حصل كلام ان انصاره انفسهم انتقدوا انه قاعد برا ومش راضي يجي يباشر حملته في مصر بنفسه (واصلا هذه الفكرة لا تعنين)

ويكفي انه قال انه غير منصب رئيس الجمهورية لن يقبل (في اون تيفي)

دا غير كلامه المتضارب
يعني هو قال لو الدستور متغيرش مش هترشح للرئاسة .. وادي الدستور متغيرش وقال هترشح

وعموما انا لا يعنيني هذه الأمور ومش محل نقاشنا اصلا


لكن انا ضد الإختزال وضد اصلا فكرة انه مفجر الثورة .. لإن مش اي حد قال ثورة يبقى خلاص هو المفجر
اه ليه دور لكنه ليس رائد التغيير


وبعدين موضوع الأنبوبة

يا سيدي انا بكلم على مشكلة حدثت والناس بتحاول تحلها في ساعتها

وبعدين ايه دخل تاخد انبوبة بسعر عادل ومش حد بيتكرم عليك بالموضوع ؟
يا سيدي دي مشكلة حدثت وتغافلت عنها القوى السياسية والناس حاولوا يحلوها وانا كل كلامي ان ضد تثبيط الهمم وجحد عملهم

انا مش فاهم فين نقطة الخلاف حاليا اصلا ؟؟؟

وبعدين مش فاهم بردوا تدور على اللي يديك انبوبة والا يديك رفاهية ؟
تقصد تختار البرادعي والا السلفيين؟
اصل دا مش كلامي اصلا ولا دا المقصود منه
ولو دا قصد كلامك ان البرادعي وانصاره بيدوروا على الدستور الجديد وان دا اللي هيحقق كل دا
الرد بسيط
يا سيدي من قال ان ما فعله السلفيين له علاقة بالدستور اصلا ؟
ومن قال ا السلفيين ايضا لا يفكرون في دستور جديد ؟

وبمنطق حضرتك ابضا لو زي مانا فهمته كدا
ان احنا منحلش اي مشكلة تواجه الشعب حاليا وندور بس على الدستور
يعني الشعب يموت من الجوع مش مهم اهم حاجة ندور على الدستور اللي هيحقق الله اعلم بعد أد ايه الرفاهية؟
وكأن المشكلة في مصر هي الدستور وليس الشعب ؟


- وحقك تاخد الأنبوبة بسعر عادل مش جميل
يا سيدي ولو مخدتهاش بسعر عادل تعمل ايه ؟
ومن قال انها اصلا جميل ؟
و هو اصلا ايه اللي يجبرهم على عمل كدا ؟


وبكرر في النهاية انا مش بجحد مناداة البرادعي بالتغيير وان كان ليه دور لكنه ليس وحده ودوره ليس هو الدور الرئيسي حتى -من وجهة نظري المتواضعة ومن رؤية السواد الأعظم من الشعب والله اعلم-

المشاركة الأصلية كتبت بواسطة M.Mostafa80

بجد نفسى كل واحد بيقول احنا اللى قمنا بالثوره يعمل حاجه ايجابيه زى دى هنوصل كلنا لحال افضل لما كلنا نقف فى وش الأستغلال والسرقه ونهتم بالمحتاج وقلبنا يبقى على بعض ربنا هينصرنا ونبقى فى افضل حال
على فكره انا شخص عادى يعرف ربه ويعرف ما له وما عليه وله عقل يميز الصالح من الفاسد ولست ممن يطلق عليهم سلفيين ولو ان اللى كتير ما يعرفهوش ان كلنا سلفيين وطبعا يكون ليا الشرف انى ابقى دارس لعلوم دينى ومتقرب من الله ربنا يكتبلنا جميعا الهدايه بجد دا نموذج المفروض اللى بيجعجعو وخلاص وصوتهم عالى عمال على بطال وبيقولو اى كلام فى اكلام ياخدو الناس دى نموذج ويحتذو بيهم ويطبقو حسب امكانياتهم وثقافتهم الناس دى عشان بسيطه فكرت فى ابسط حاجه تعود على المسلم مباشرتا وعملوه لو كل واحد فينا فكر زيهم كدا والله هنبقى احسن دوله على مستوى العالم

الله يفتح عليكم