تكييف السيفك بقى ثلاجة ...بسم الله ماشاء الله

السلام عليكم
حبيت احكى تجربتى مع التكييف للإستفادة
اولا : وقبل اى كلام احب اشكر هيثم بية كمال لأنة السبب طبعا وبفضل توجهاتة الجميلة
روحت عند واحد بتاع تكييف فى الجراج .. اسمة سليمان الأطير (طبعا هيثم هو اللى عرفنى علية )
بداية كلمت هيثم فى التليفون وشرحلى الطريق وكمان بعتلى رسالة برقم تليفون سليمان
كلمتة وعرفتة بنفسى وقولتلوا انى جيلك من طرف هيثم كمال .. بصراحة الرجل رحب جدا وقالى اتفضل
قولتلو انت موجود قالى لأ بس الرجالة موجودة اتفضل وانا هكلمهم
فعلا توكلت على الله وروحت لقيت صنايعى محترم اسمة عبد الحميد فى انتظارى
قولتلوا انى كلمت سليمان قالى .. تمام وعرفنى انه عارف ومستنينى
حكيتلوا طبعا على العك اللى عندى والمحاولة الفاشلة اللى عملتها قبل كده (أنى جبت فريون 12 على حسابى وشحنتة ) والتكييف برضوا مش مضبوط وبحس بيية فى الطوالى فقط ومع الوقفة فى الأشارات بعرق جوة العربية واتخنق
الرجل بصراحة سمع كل كلامى باهتمام وكشف على العربية وقالى هنفضى الفريون ده عشان مش مرتاحلوة وهظبطلك التكييف كلة عشان متقفش تانى ان شاء الله
بداية ...
1- فضا دورة لتبريد كلها
2- فك الكويل (الثلاجة يعنى ) مش عايز اقول طلعت اية كان فيها بلاوى..وطبعا نضفها كويس جدا
3 - تغيير بلف
4 - تغيير ترموستات (الترموستات القديم كان بيفصل بدرى قوى )
5- بعد التركيب المحكم تم كبس الدورة بالهواء للتأكد من عدم وجود تسريب
6- تركيب جهاز كمبيوتر فى بلف التكييف (الجهاز بيسحب الزيت القديم والهواء الموجودين فى الكمبوريسور والدايراة .. وبعدها بيتم شحن 500 جرام فريون a134 ووضع زيت جديد للكمبريسور ) طبعا الجهاز بيعمل كل ده من دون اى تدخل ..
7- ضبط مسمار فكيوم التكييف على المستوى الصحيح لضبط اداء التكييف
8- غسيل سربنتية التكيف جيدا بالصابون وضغط الماء
9- غسيل العين الخاصة بمستوى الفريون (العدسة) مش عارف لية
طبعا الحكاية دى استغرقت وقت محترم انا محسبتش بالظبط بس مش اقل من ساعتين او اكتر
جربت التكييف فى طريق العوده للمنزل ... بسم الله ماشاء الله حاجة تانية خالص .... عقبال عندكم

فكرت بصراحة نعمل عرض مع صاحب الورشة يفيد أعضاء هوندا وطبعا كل اعضاء المنتدى ... واكيد مفيش غير سمسم هو اللى يقدر يوصل صوتنا للإدارة ويشوف امكانية الموضوع من عدمة
:bye:

ألف مبروك على التكييف يا باشا

وربنا يباركلك فى العربيه وتكون دايما راضى عنها وعن أدائها

وبخصوص العرض فكرة ممتازة وهو دة التواصل اللى كنا بنتكلم عنه بين الأعضاء

وعموم الفايدة لينا كلنا وجزاك الله كل خير

ممكن رقم تليفون الراجل ده, وهل عنده قطع غيار ولا لأ ؟؟؟

اقتباس:

---

المشاركة الأصلية كتبت بواسطة alaa74

ألف مبروك على التكييف يا باشا

وربنا يباركلك فى العربيه وتكون دايما راضى عنها وعن أدائها

وبخصوص العرض فكرة ممتازة وهو دة التواصل اللى كنا بنتكلم عنه بين الأعضاء

وعموم الفايدة لينا كلنا وجزاك الله كل خير

---

ربنا يبارك فيك .. بنحاول نضيف افكار عشان الناس تتنشط شوية

اقتباس:

---

المشاركة الأصلية كتبت بواسطة khaled_rafea

ممكن رقم تليفون الراجل ده, وهل عنده قطع غيار ولا لأ ؟؟؟

---

سليمان الأطير ...0101953673

اولا الف مبروك عليك التكييف
ثانيا هو الرجل عند محطة الجراج فى جسر السويس و هل هى قريبه من الحرفيين
ثالثا ياريت تقولنا الموضوع اتكلف كام و بالتفصيل يعنى ايه اتغير و بكام و اخذ مصنعيه كام

اقتباس:

---

المشاركة الأصلية كتبت بواسطة douha_wise

اولا الف مبروك عليك التكييف
ثانيا هو الرجل عند محطة الجراج فى جسر السويس و هل هى قريبه من الحرفيين
ثالثا ياريت تقولنا الموضوع اتكلف كام و بالتفصيل يعنى ايه اتغير و بكام و اخذ مصنعيه كام

---

ربنا يبارك فيك ... عقبالك
الرجل عند الجراج بالظبط امام سنترال النزهة ... يعنى بعد ما تعدى قضيبالقطر تدخل يمين وتمشى شوية صغيرة تسيب اول دخلة يمين وتدخل يمين اللى بعدها على طول
التكلفة..
200 شحن ومصنعية
100 ترموستات
100 مش فاكر بتاعة اية نسيت
50 بلف
= المجموع
450 جنية وطبعا عشان خاطر هيثم كمال الرجل عمل واجب وخفض 50 جنية من المصنعية ودفعت 400 بالتمام والكمال ورقتين جداد بالأمارة :crying2:

اقتباس:

---

المشاركة الأصلية كتبت بواسطة hamdymsr

ربنا يبارك فيك ... عقبالك
الرجل عند الجراج بالظبط امام سنترال النزهة ... يعنى بعد ما تعدى قضيبالقطر تدخل يمين وتمشى شوية صغيرة تسيب اول دخلة يمين وتدخل يمين اللى بعدها على طول
التكلفة..
200 شحن ومصنعية
100 ترموستات
100 مش فاكر بتاعة اية نسيت
50 بلف
= المجموع
450 جنية وطبعا عشان خاطر هيثم كمال الرجل عمل واجب وخفض 50 جنية من المصنعية ودفعت 400 بالتمام والكمال ورقتين جداد بالأمارة :crying2:

---

متزعلش اوى كده انا التكييف عندى غيرتله كل الخراطيم و منهم خرطومين اتغيروا مرتين و فى الآخر طلع الكومبريسور كمان عايز يتغير فالمفروض اشترى بتاع ال97 بقاعدته يعنى الموضوع ميقلش عن 1700 و يا رب ميزيدش و قعدت حوالى 4 ايام من اول اليوم عند الصنايعيه لحد اخر اليوم و لسه المفروض اكمل بعد ما اشترى الكومبريسور
ادعيلى الموضوع يخلص بسهوله احسن انا قرفت بجد

اقتباس:

---

المشاركة الأصلية كتبت بواسطة douha_wise

متزعلش اوى كده انا التكييف عندى غيرتله كل الخراطيم و منهم خرطومين اتغيروا مرتين و فى الآخر طلع الكومبريسور كمان عايز يتغير فالمفروض اشترى بتاع ال97 بقاعدته يعنى الموضوع ميقلش عن 1700 و يا رب ميزيدش و قعدت حوالى 4 ايام من اول اليوم عند الصنايعيه لحد اخر اليوم و لسه المفروض اكمل بعد ما اشترى الكومبريسور
ادعيلى الموضوع يخلص بسهوله احسن انا قرفت بجد

---

ربنا معاك .. انت موضوعك موضوع ... الحمد لله على كل حال
اللى مزعلنى انى ملحقتش افرح بالتكييف لقيت الردياتير تعبان وطبعا اللى فيها مش الأصلى
متعرفش الأصلى يعمل كام ويتجاب منين ... وامبارح بحاول اضبط هواية التكييف اليمين اتكسرت فى ايدى ومش عارف هلاقيها ولا لآ وكمان هتعمل كام ...
وبعدين انت عارف انى لسة شارى العربية من شهرين وصارف عليها لغاية دلوقتى 3000 جنية ولسة
فاضل شوية حاجات رفيعة عشان تبقى على مزاجى

اقتباس:

---

المشاركة الأصلية كتبت بواسطة hamdymsr

ربنا معاك .. انت موضوعك موضوع ... الحمد لله على كل حال
اللى مزعلنى انى ملحقتش افرح بالتكييف لقيت الردياتير تعبان وطبعا اللى فيها مش الأصلى
متعرفش الأصلى يعمل كام ويتجاب منين ... وامبارح بحاول اضبط هواية التكييف اليمين اتكسرت فى ايدى ومش عارف هلاقيها ولا لآ وكمان هتعمل كام ...
وبعدين انت عارف انى لسة شارى العربية من شهرين وصارف عليها لغاية دلوقتى 3000 جنية ولسة
فاضل شوية حاجات رفيعة عشان تبقى على مزاجى

---

ازاى الرياداتير مش الاصلى عرفت منين و عموما انت سيارتك مش اتوماتيك على ما اظن فالرياداتير الاستيراد اظن فى حدود ال 300 الى 350 جنية
اما الهوايه دى ممكن تكون صعبه شويه عشان انت و نصيبك لو لاقيت محل عنده تابلوه مكسور و مككن يطلع منه الهوايه دى و على فكره انا عندى مشكله مشابهه ليك و لو انا او انت وجدت تابلوه قديم تبلغ بعض عشان انا عندى جزء برضه عايزه من التابلوه
سؤال بعد اذنك ممكن تقولى انت غيرت الكومبريسور بتاعك و الا هو نفسه القديم بتاع ال 89 عشان اعرف كفائته ايه بدل ما اغير لبتاع ال97 و تكون تكلفه على الفاضى لأنى المفروض اغير ماسورتين تانى لو غيرت ليه فلو كفاءة اللى عندك كويس و هو القديم بتاع العربيه اجيب زيه و خلاص

مبروك يا حمدى عليك ظبطة التكييف ... وامسك ايديك بقى شوية مش لازم تغير كل حاجة فى نفس الوقت .

اقتباس:

---

المشاركة الأصلية كتبت بواسطة hamdymsr

ربنا معاك .. انت موضوعك موضوع ... الحمد لله على كل حال
اللى مزعلنى انى ملحقتش افرح بالتكييف لقيت الردياتير تعبان وطبعا اللى فيها مش الأصلى
متعرفش الأصلى يعمل كام ويتجاب منين ... وامبارح بحاول اضبط هواية التكييف اليمين اتكسرت فى ايدى ومش عارف هلاقيها ولا لآ وكمان هتعمل كام ...
وبعدين انت عارف انى لسة شارى العربية من شهرين وصارف عليها لغاية دلوقتى 3000 جنية ولسة
فاضل شوية حاجات رفيعة عشان تبقى على مزاجى

---

بالنسبة للردياتير فانت فى عربيتك الاتنين مع بعض بيعملوا من 400 جنية الى 450 جنية

والهواية اليمين واللى فى النص ممكن يتجابوا من واحد فى الحرفيين هتلاقيهم الاتنين ب250 الى 300 جنية

اقتباس:

---

المشاركة الأصلية كتبت بواسطة no comment

مبروك يا حمدى عليك ظبطة التكييف ... وامسك ايديك بقى شوية مش لازم تغير كل حاجة فى نفس الوقت .

---

اقتباس:

---

المشاركة الأصلية كتبت بواسطة no comment

---

:16::16:

القيمه مقابل النقود يا سيد حمدى

أو بمعنى آخر

دفعت كام لغاية دلوقتى

وأستفدت بيهم قد أيه من وجهة نظرك

وواحده واحده

الدنيا هتمشى

وألف مبروك التكييف

وحلوه قوى فكرة نعمل عرض تخفيض عند حد ثقه

الجزئيه دى مش موجوده عندنا

همتك ياسمسم معانا

اقتباس:

---

المشاركة الأصلية كتبت بواسطة tarekzein

:16::16:

القيمه مقابل النقود يا سيد حمدى

أو بمعنى آخر

دفعت كام لغاية دلوقتى

وأستفدت بيهم قد أيه من وجهة نظرك

وواحده واحده

الدنيا هتمشى

وألف مبروك التكييف

وحلوه قوى فكرة نعمل عرض تخفيض عند حد ثقه

الجزئيه دى مش موجوده عندنا

همتك ياسمسم معانا

---

طارق باشا حبيبى اية الاخبار يارب تكون بخير

والله انا من وصف حمدى للراجل دة انة كويس بس اسعارة غالية قوى يعنى اللى انت هتخفضة منة ممكن تعملة برة بأقل من كدة 150 جنية

اولا حمدى كلمنى وقالى على الاسعار وقولتلة غالية جدا

واولها : شحن التكييف فى اى مكان ب150 جنية وفريون انجليزى انظف نوع هو بيشحنة ب200 بالمصنعية يعنى هو خد 50 جنية بس فى فك الكويل بس

البلف اللى بيركب فى مواسير الضغط من برة انا مرة غيرتة عشان كان بينفس خفيف ب30 جنية هو مغيرة ب50 جنية لييييييييييييييييية مع العلم انا جايبة جديد واصلى

ثرموستات بتتباع فى اى مكان ب60 جنية ويوم مابتغلى ب80 جنية يبيعها ب100

100 جنية واخدها لحام فى ماسورة وكبسها من تانى , وظبط العربية على الجهاز

يعنى مش عارف الصراحة الاسعار دية للاسف مبالغ فيها اوى وحرام عشان اى حد يروح يعمل شغل فى التكييف يدفع 300 جنية مع انة ممكن يروح لاى حد هياخد منة 200 جنية بس

واللى هتزودة هنا هتزودة هنا الضعف

انا قولتلكوا الصح والاسعار اللى المفروض تتعاملوا بيها وماتخلوش حد يضحك عليكوا لو عايزين الراجل دة ونعمل معاة اتفاقية انا موافق ماعنديش مانع وذلك نظرا لارضاء عملاء الهونداوية

الف مبروك يا حمدى بك ، وربنا يبارك لك فيها ويحفظهالك ، وبعدين لا شكر على واجب انا معملتش حاجة انا كان نفسى اكون معاك والله بس انت اللى روحت فجأه .

اقتباس:

---

المشاركة الأصلية كتبت بواسطة hamdymsr

السلام عليكم
حبيت احكى تجربتى مع التكييف للإستفادة
اولا : وقبل اى كلام احب اشكر هيثم بية كمال لأنة السبب طبعا وبفضل توجهاتة الجميلة
روحت عند واحد بتاع تكييف فى الجراج .. اسمة سليمان الأطير (طبعا هيثم هو اللى عرفنى علية )
بداية كلمت هيثم فى التليفون وشرحلى الطريق وكمان بعتلى رسالة برقم تليفون سليمان
كلمتة وعرفتة بنفسى وقولتلوا انى جيلك من طرف هيثم كمال .. بصراحة الرجل رحب جدا وقالى اتفضل
قولتلو انت موجود قالى لأ بس الرجالة موجودة اتفضل وانا هكلمهم
فعلا توكلت على الله وروحت لقيت صنايعى محترم اسمة عبد الحميد فى انتظارى
قولتلوا انى كلمت سليمان قالى .. تمام وعرفنى انه عارف ومستنينى
حكيتلوا طبعا على العك اللى عندى والمحاولة الفاشلة اللى عملتها قبل كده (أنى جبت فريون 12 على حسابى وشحنتة ) والتكييف برضوا مش مضبوط وبحس بيية فى الطوالى فقط ومع الوقفة فى الأشارات بعرق جوة العربية واتخنق
الرجل بصراحة سمع كل كلامى باهتمام وكشف على العربية وقالى هنفضى الفريون ده عشان مش مرتاحلوة وهظبطلك التكييف كلة عشان متقفش تانى ان شاء الله
بداية ...
1- فضا دورة لتبريد كلها
2- فك الكويل (الثلاجة يعنى ) مش عايز اقول طلعت اية كان فيها بلاوى..وطبعا نضفها كويس جدا
3 - تغيير بلف
4 - تغيير ترموستات (الترموستات القديم كان بيفصل بدرى قوى )
5- بعد التركيب المحكم تم كبس الدورة بالهواء للتأكد من عدم وجود تسريب
6- تركيب جهاز كمبيوتر فى بلف التكييف (الجهاز بيسحب الزيت القديم والهواء الموجودين فى الكمبوريسور والدايراة .. وبعدها بيتم شحن 500 جرام فريون a134 ووضع زيت جديد للكمبريسور ) طبعا الجهاز بيعمل كل ده من دون اى تدخل ..
7- ضبط مسمار فكيوم التكييف على المستوى الصحيح لضبط اداء التكييف
8- غسيل سربنتية التكيف جيدا بالصابون وضغط الماء
9- غسيل العين الخاصة بمستوى الفريون (العدسة) مش عارف لية
طبعا الحكاية دى استغرقت وقت محترم انا محسبتش بالظبط بس مش اقل من ساعتين او اكتر
جربت التكييف فى طريق العوده للمنزل ... بسم الله ماشاء الله حاجة تانية خالص .... عقبال عندكم

فكرت بصراحة نعمل عرض مع صاحب الورشة يفيد أعضاء هوندا وطبعا كل اعضاء المنتدى ... واكيد مفيش غير سمسم هو اللى يقدر يوصل صوتنا للإدارة ويشوف امكانية الموضوع من عدمة
:bye:

---

يا سمسم الغالى تمتة فيه ، انا نفسى تروح تبص على الجهاز اللى بشتغل بيه ، الصنايعى مبعملش اى حاجة غير انه بيوصل كابلين الهاى واللو بريشر وبيسيب الجهاز يشتغل ، الفاكيوم بيتعمل فى نصف ساعة لوحده ، والجهاز اللى بيحدد كمية الزيت والفريون اللى لازم تتحط حسب نوع وموديل العربية وبيبدأ بالشحن .
انا بصراحة مش عارف سعار قطع الغيار بتاعت التكييف ، بس اللى انا متأكد منه ان الراجل ده ميجبش قطعه غيار تعبانة او تقليد .

اقتباس:

---

المشاركة الأصلية كتبت بواسطة semsem kane

طارق باشا حبيبى اية الاخبار يارب تكون بخير

والله انا من وصف حمدى للراجل دة انة كويس بس اسعارة غالية قوى يعنى اللى انت هتخفضة منة ممكن تعملة برة بأقل من كدة 150 جنية

اولا حمدى كلمنى وقالى على الاسعار وقولتلة غالية جدا

واولها : شحن التكييف فى اى مكان ب150 جنية وفريون انجليزى انظف نوع هو بيشحنة ب200 بالمصنعية يعنى هو خد 50 جنية بس فى فك الكويل بس

البلف اللى بيركب فى مواسير الضغط من برة انا مرة غيرتة عشان كان بينفس خفيف ب30 جنية هو مغيرة ب50 جنية لييييييييييييييييية مع العلم انا جايبة جديد واصلى

ثرموستات بتتباع فى اى مكان ب60 جنية ويوم مابتغلى ب80 جنية يبيعها ب100

100 جنية واخدها لحام فى ماسورة وكبسها من تانى , وظبط العربية على الجهاز

يعنى مش عارف الصراحة الاسعار دية للاسف مبالغ فيها اوى وحرام عشان اى حد يروح يعمل شغل فى التكييف يدفع 300 جنية مع انة ممكن يروح لاى حد هياخد منة 200 جنية بس

واللى هتزودة هنا هتزودة هنا الضعف

انا قولتلكوا الصح والاسعار اللى المفروض تتعاملوا بيها وماتخلوش حد يضحك عليكما لو عايزين الراجل دة ونعمل معاة اتفاقية انا موافق ماعنديش مانع وذلك نظرا لارضاء عملاء الهونداوية

---

اقتباس:

---

المشاركة الأصلية كتبت بواسطة douha_wise

ازاى الرياداتير مش الاصلى عرفت منين و عموما انت سيارتك مش اتوماتيك على ما اظن فالرياداتير الاستيراد اظن فى حدود ال 300 الى 350 جنية
اما الهوايه دى ممكن تكون صعبه شويه عشان انت و نصيبك لو لاقيت محل عنده تابلوه مكسور و مككن يطلع منه الهوايه دى و على فكره انا عندى مشكله مشابهه ليك و لو انا او انت وجدت تابلوه قديم تبلغ بعض عشان انا عندى جزء برضه عايزه من التابلوه
سؤال بعد اذنك ممكن تقولى انت غيرت الكومبريسور بتاعك و الا هو نفسه القديم بتاع ال 89 عشان اعرف كفائته ايه بدل ما اغير لبتاع ال97 و تكون تكلفه على الفاضى لأنى المفروض اغير ماسورتين تانى لو غيرت ليه فلو كفاءة اللى عندك كويس و هو القديم بتاع العربيه اجيب زيه و خلاص

---

الردياتير اللى عندى نحاس وواضح جدا انوا مش بتاعها معمول عمولة تقريبا
وبانسبة لموضوع الهوايات لو وصلت لحل هبلغك ان شاء الله ... ولو انت عرفت تلاقى قولى وانا معاك طبعا
الكمبروسيور اللى عندى الأصلى بتاع العربية مش متغير

اقتباس:

---

المشاركة الأصلية كتبت بواسطة no comment

مبروك يا حمدى عليك ظبطة التكييف ... وامسك ايديك بقى شوية مش لازم تغير كل حاجة فى نفس الوقت .

---

ماشى يا ابو حميد ... الظروف والله اللى اضطرتنى لكده مش كتر فلوس ولا حاجة

اقتباس:

---

المشاركة الأصلية كتبت بواسطة tarekzein

:16::16:

القيمه مقابل النقود يا سيد حمدى

أو بمعنى آخر

دفعت كام لغاية دلوقتى

وأستفدت بيهم قد أيه من وجهة نظرك

وواحده واحده

الدنيا هتمشى

وألف مبروك التكييف

وحلوه قوى فكرة نعمل عرض تخفيض عند حد ثقه

الجزئيه دى مش موجوده عندنا

همتك ياسمسم معانا

---

ماشى يا ابو حنين علم وجارى التنفيذ ... ممكن نعمل كونسولتة من العصابة يروحوا يشوفوا المكان و يتكلموا مع صاحب الورشة ولو الشغل وصاحب الورشة طلعوا تمام نقدر نعمل اتفاق محترم معاه ان شاء الله

اقتباس:

---

المشاركة الأصلية كتبت بواسطة haythamkmal

الف مبروك يا حمدى بك ، وربنا يبارك لك فيها ويحفظهالك ، وبعدين لا شكر على واجب انا معملتش حاجة انا كان نفسى اكون معاك والله بس انت اللى روحت فجأه .

---

ربنا يبارك فيك يا هيثم بية ... طبعا انت صاحب الفضل علية مقدرش انكر .. كان نفسى تكون معايا بس انا عارف ظروفك ملغبطة اليومين دول فا مردتش اتقل عليك

الف مبروك يا باشا
وربنا يبارك لك فيه

اقتباس:

---

المشاركة الأصلية كتبت بواسطة semsem kane

طارق باشا حبيبى اية الاخبار يارب تكون بخير

والله انا من وصف حمدى للراجل دة انة كويس بس اسعارة غالية قوى يعنى اللى انت هتخفضة منة ممكن تعملة برة بأقل من كدة 150 جنية

اولا حمدى كلمنى وقالى على الاسعار وقولتلة غالية جدا

واولها : شحن التكييف فى اى مكان ب150 جنية وفريون انجليزى انظف نوع هو بيشحنة ب200 بالمصنعية يعنى هو خد 50 جنية بس فى فك الكويل بس

البلف اللى بيركب فى مواسير الضغط من برة انا مرة غيرتة عشان كان بينفس خفيف ب30 جنية هو مغيرة ب50 جنية لييييييييييييييييية مع العلم انا جايبة جديد واصلى

ثرموستات بتتباع فى اى مكان ب60 جنية ويوم مابتغلى ب80 جنية يبيعها ب100

100 جنية واخدها لحام فى ماسورة وكبسها من تانى , وظبط العربية على الجهاز

يعنى مش عارف الصراحة الاسعار دية للاسف مبالغ فيها اوى وحرام عشان اى حد يروح يعمل شغل فى التكييف يدفع 300 جنية مع انة ممكن يروح لاى حد هياخد منة 200 جنية بس

واللى هتزودة هنا هتزودة هنا الضعف

انا قولتلكوا الصح والاسعار اللى المفروض تتعاملوا بيها وماتخلوش حد يضحك عليكما لو عايزين الراجل دة ونعمل معاة اتفاقية انا موافق ماعنديش مانع وذلك نظرا لارضاء عملاء الهونداوية

---

زى الفل يا عم سمسم
طيب ايه رأيك فى فكره التعامل معاه وتخفيض الاسعار زى اللى انته كاتبها
ولا فى حد تانى انته تعرفه وبيؤدى نفس النتيجه وبنفس الاسعار الارخص

الف مبروك يا حمدي باشا وعايزك تجيب معاك بطانية فى العربةي لحسن يجي لك برد :))

اقتباس:

---

المشاركة الأصلية كتبت بواسطة m3touk_85

الف مبروك يا حمدي باشا وعايزك تجيب معاك بطانية فى العربةي لحسن يجي لك برد :))

---

تصدق يا معتوق ... فكرة جامدة موت
وممكن نعمل عرض مع بتاع التكييفات
ويدينا البطانية فرى هههههههه

اقتباس:

---

المشاركة الأصلية كتبت بواسطة tarekomar66

زى الفل يا عم سمسم
طيب ايه رأيك فى فكره التعامل معاه وتخفيض الاسعار زى اللى انته كاتبها
ولا فى حد تانى انته تعرفه وبيؤدى نفس النتيجه وبنفس الاسعار الارخص

---

بصوا يا اخوانا ...الموضوع مش موضع فلوس على قد ما انت محتاج صانعة صح
ولو جيت حسبتها هتلاقى الفرق مش كبير ولا حاجة
وبعدين تعالوا نضرب بالهوندا مثال ... انت لية راكب هوندا مع ان حاجتها غالية ولازم تلف عليها وتروح تشتريها من اماكن مخصوصة ...
اكيد عشان عايز تركب عربية تمام وتستمتع بيها
يبقى نفس الفكرة ... انت لية بتروح عند صنايعى معين وتدفع فلوس اكتر
عشان يعمل الشغلانة صح ومرتجعلهاش تانى
يبقى التفكير دلوقتى اننا نستغل الرجل ده ونظط معاه الأسعار على قد ما نقدر ولا نيجى علية ولا على نفسنا

كلامك كويس ياحمدى

بس لما تيجى تلاقى نفسك دافعلك 200 جنية زيادة فى حاجات هتفرق معاك انت بعد كدة

طيب انا دلوقتى من سنة ونص الحمد لله روحت عملت التكييف عند واحد فى الحرفيين اللى عملة الاتى

1- فك الكويل نظاقة شاملةلمروحة وتم غسلهم وعمل اختبار ليهم

2- فك السربنتينة ونظفها تنظيف رحعها جديدة

3- فك ال dryer ونظفة

4- غيرنا حساس ضغط الفريون

5- غيرنا ماسورة الضغط العالى لان كان فيها تسريب , بالبلف بتاعها

6- زودنا زيت للكباس بالزيت بتاعة الاصلى

7- واخيرا تم شحن الفريون ب a134 فريون united kingdom ( فريون انجليزى )

وكل دة ب 260جنية فقط

خد 150 جنية شحن , 60 جنية ثرموستات وخد 50 جنية مصنعية + 10 جنية لحام + 15 جنية بلف

والحمد لله طيب الراجل دة عيبة اية ( معندوش الاجهزة اللى عند الاطير ) بس فية ميزة انة شغال بأيدة بيشتغل بضمير مصنعيتة خفيفة لان طبعا كلنا عارفين ان التكييف عموما مكلف

طيب يبقى نيجى بقى للفيصل ان لو واحد اصلا عندة مشكلة خنق مع التكييف لما بيشتغل او العربية بتبطل مع التكييف يبقى لازم الجهاز عشان يظبطلة الدنيا دية لكن لو واحد مافيش عندة مشكلة غير انة عايز يشحن ويكشف على تسريب

وبعدين اللى فهمتة من حمدى انة مانظفش غير الكويل بس يعنى ولا نظف سربنتينة ولا نظف dryer صح ولا فية حاجة تانى

عموما لو الاراء اجمعت انكوا عايزين تعملوا عرض يبقى رأى الاغلبية يحترم واروح انا وهيثم كمال ونتفق معاة على وجود عدد كبير فى المنتدى فى قسم هوندا ونريد ان نعمل عمل اتفاق ان كل من يحمل استيكر المنتدى او حتى عضو فية ياخد نسبة خصم محترمة مقابل العدد اللى هيجى لية من السيارات

اقتباس:

---

المشاركة الأصلية كتبت بواسطة semsem kane

كلامك كويس ياحمدى

بس لما تيجى تلاقى نفسك دافعلك 200 جنية زيادة فى حاجات هتفرق معاك انت بعد كدة

طيب انا دلوقتى من سنة ونص الحمد لله روحت عملت التكييف عند واحد فى الحرفيين اللى عملة الاتى

1- فك الكويل نظاقة شاملةلمروحة وتم غسلهم وعمل اختبار ليهم

2- فك السربنتينة ونظفها تنظيف رحعها جديدة

3- فك ال dryer ونظفة

4- غيرنا حساس ضغط الفريون

5- غيرنا ماسورة الضغط العالى لان كان فيها تسريب , بالبلف بتاعها

6- زودنا زيت للكباس بالزيت بتاعة الاصلى

7- واخيرا تم شحن الفريون ب a134 فريون united kingdom ( فريون انجليزى )

وكل دة ب 260جنية فقط

خد 150 جنية شحن , 60 جنية ثرموستات وخد 50 جنية مصنعية + 10 جنية لحام + 15 جنية بلف

والحمد لله طيب الراجل دة عيبة اية ( معندوش الاجهزة اللى عند الاطير ) بس فية ميزة انة شغال بأيدة بيشتغل بضمير مصنعيتة خفيفة لان طبعا كلنا عارفين ان التكييف عموما مكلف

طيب يبقى نيجى بقى للفيصل ان لو واحد اصلا عندة مشكلة خنق مع التكييف لما بيشتغل او العربية بتبطل مع التكييف يبقى لازم الجهاز عشان يظبطلة الدنيا دية لكن لو واحد مافيش عندة مشكلة غير انة عايز يشحن ويكشف على تسريب

وبعدين اللى فهمتة من حمدى انة مانظفش غير الكويل بس يعنى ولا نظف سربنتينة ولا نظف dryer صح ولا فية حاجة تانى

عموما لو الاراء اجمعت انكوا عايزين تعملوا عرض يبقى رأى الاغلبية يحترم واروح انا وهيثم كمال ونتفق معاة على وجود عدد كبير فى المنتدى فى قسم هوندا ونريد ان نعمل عمل اتفاق ان كل من يحمل استيكر المنتدى او حتى عضو فية ياخد نسبة خصم محترمة مقابل العدد اللى هيجى لية من السيارات

---

بالمناسبة بقى أجيب منين الثرموستات عشان بيعلق عندى بيشتغل أول 5 دقائق عادى وبعدين مبيفصلش مش عارف ليه , باضطر أفصل التكييف دقيقه وأشغله تانى عشان الكباس ميتعبش

موجود فى الحرفيين ياباشا سعرة 60 جنية

متابع باهتمام

الرجل نضف كل حاجة ونضف السرينتينة بالمية والصابون كمان
وظبط التكييف على المكنة 100 %

مبررررررروك واعقبالى كدا

الف مبروك يا حمدى باشا :)

اقتباس:

---

المشاركة الأصلية كتبت بواسطة semsem kane

كلامك كويس ياحمدى

بس لما تيجى تلاقى نفسك دافعلك 200 جنية زيادة فى حاجات هتفرق معاك انت بعد كدة

طيب انا دلوقتى من سنة ونص الحمد لله روحت عملت التكييف عند واحد فى الحرفيين اللى عملة الاتى

1- فك الكويل نظاقة شاملةلمروحة وتم غسلهم وعمل اختبار ليهم

2- فك السربنتينة ونظفها تنظيف رحعها جديدة

3- فك ال dryer ونظفة

4- غيرنا حساس ضغط الفريون

5- غيرنا ماسورة الضغط العالى لان كان فيها تسريب , بالبلف بتاعها

6- زودنا زيت للكباس بالزيت بتاعة الاصلى

7- واخيرا تم شحن الفريون ب a134 فريون united kingdom ( فريون انجليزى )

وكل دة ب 260جنية فقط

خد 150 جنية شحن , 60 جنية ثرموستات وخد 50 جنية مصنعية + 10 جنية لحام + 15 جنية بلف

والحمد لله طيب الراجل دة عيبة اية ( معندوش الاجهزة اللى عند الاطير ) بس فية ميزة انة شغال بأيدة بيشتغل بضمير مصنعيتة خفيفة لان طبعا كلنا عارفين ان التكييف عموما مكلف

طيب يبقى نيجى بقى للفيصل ان لو واحد اصلا عندة مشكلة خنق مع التكييف لما بيشتغل او العربية بتبطل مع التكييف يبقى لازم الجهاز عشان يظبطلة الدنيا دية لكن لو واحد مافيش عندة مشكلة غير انة عايز يشحن ويكشف على تسريب

وبعدين اللى فهمتة من حمدى انة مانظفش غير الكويل بس يعنى ولا نظف سربنتينة ولا نظف dryer صح ولا فية حاجة تانى

عموما لو الاراء اجمعت انكوا عايزين تعملوا عرض يبقى رأى الاغلبية يحترم واروح انا وهيثم كمال ونتفق معاة على وجود عدد كبير فى المنتدى فى قسم هوندا ونريد ان نعمل عمل اتفاق ان كل من يحمل استيكر المنتدى او حتى عضو فية ياخد نسبة خصم محترمة مقابل العدد اللى هيجى لية من السيارات

---

ممكن يا سامح باشا تدينى رقم الراجل ده ومكانه فين ؟
علشان انا رحت عند العفريت امبارح وقولتله على اللى بيحصل معايا بس كلامه معجبنيش وقالى الكباس ضعيف
وعايز اعرف الطريقه اللى بيتعرف بيها الكباس ضعيف ازاى
وبالنسبه لموضوع الزيت بتاع الكباس ده لازم يتغير ؟؟والمجفف لازم افكه وانظفه ؟؟
علشان الشغل اللى تم عند الصعيدى كان على تنظيف الكويل والكشف على التسريب وشحن فريون وشكرا على كده وبعد كده
قالى على expansion Valve فانا خلاص محتاااااااار مش عارف اعمل ايه !!!!!!!

اقتباس:

---

المشاركة الأصلية كتبت بواسطة waelemam2008

الف مبروك يا حمدى باشا :)

---

ربنا يبارك فيك يا وائل ... عقبالك

اقتباس:

---

المشاركة الأصلية كتبت بواسطة Waelemam2008

ممكن يا سامح باشا تدينى رقم الراجل ده ومكانه فين ؟
علشان انا رحت عند العفريت امبارح وقولتله على اللى بيحصل معايا بس كلامه معجبنيش وقالى الكباس ضعيف
وعايز اعرف الطريقه اللى بيتعرف بيها الكباس ضعيف ازاى
وبالنسبه لموضوع الزيت بتاع الكباس ده لازم يتغير ؟؟والمجفف لازم افكه وانظفه ؟؟
علشان الشغل اللى تم عند الصعيدى كان على تنظيف الكويل والكشف على التسريب وشحن فريون وشكرا على كده وبعد كده
قالى على expansion Valve فانا خلاص محتاااااااار مش عارف اعمل ايه !!!!!!!

---

0164595731 اسمة محمد والمركز اسمة الريحانى

وعشان تعرف الكباس ضعيف ولا لأ

بالنسبة لتجربتك انت يبقى كل ماتسرع بالعربية تلاقى البرودة بتزيد لكن اول لما عدد اللفات يقل ومعاها كمان البرودة يبقى كدة الكباس ضعيف وطبعا الكلام دة لو انت مظبط كل حاجة يعنى منظف كويل وسربنتينة

بالنسبة لزيت الكباس فدة مش بيتغير لأ ممكن يتزود وبيتكشف علية , والdryer طبعا لازم يتفك عشان دية اللى بينظف الفريون من الرطوبة والشوائب اللى فية

ظبط انت وروحلة وقولة انا جايلك من طرف سامح بتاع الهوندا ال sir او كلمنى من هناك
وخلية يعمل الحاجات اللى انا قايلك عليها فى تظبيط التكييف

اقتباس:

---

المشاركة الأصلية كتبت بواسطة semsem kane

0164595731 اسمة محمد والمركز اسمة الريحانى

وعشان تعرف الكباس ضعيف ولا لأ

بالنسبة لتجربتك انت يبقى كل ماتسرع بالعربية تلاقى البرودة بتزيد لكن اول لما عدد اللفات يقل ومعاها كمان البرودة يبقى كدة الكباس ضعيف وطبعا الكلام دة لو انت مظبط كل حاجة يعنى منظف كويل وسربنتينة

بالنسبة لزيت الكباس فدة مش بيتغير لأ ممكن يتزود وبيتكشف علية , والdryer طبعا لازم يتفك عشان دية اللى بينظف الفريون من الرطوبة والشوائب اللى فية

ظبط انت وروحلة وقولة انا جايلك من طرف سامح بتاع الهوندا ال sir او كلمنى من هناك
وخلية يعمل الحاجات اللى انا قايلك عليها فى تظبيط التكييف

---

الف شكر يا سمسم :)
وان شاء الله قبل ما اروحله هكلمك

مبروك عودة التبريد
سؤال
الراجل ده متخصص في الهوندا ولا بتاع كولو ؟؟؟

اقتباس:

---

المشاركة الأصلية كتبت بواسطة aif

مبروك عودة التبريد
سؤال
الراجل ده متخصص في الهوندا ولا بتاع كولو ؟؟؟

---

بتاع كولو ...

اقتباس:

---

المشاركة الأصلية كتبت بواسطة hamdymsr

بتاع كولو ...

---

شكرا يا باشا
بس اسمها بتاع كله ...... مش كولو ههههههههههههههههه :ma::B4_033:

اقتباس:

---

المشاركة الأصلية كتبت بواسطة aif

شكرا يا باشا
بس اسمها بتاع كله ...... مش كولو ههههههههههههههههه :ma::b4_033:

---

الحاج احمد بذات نفسه عندنا فى القسم وبيهرج كمان ... يا مراااااحب .
اقفل يا ابنى الباب عليه ... لما نشوف اخرتها معاه أيه ..!

اقتباس:

---

المشاركة الأصلية كتبت بواسطة No Comment

الحاج احمد بذات نفسه عندنا فى القسم وبيهرج كمان ... يا مراااااحب .
اقفل يا ابنى الباب عليه ... لما نشوف اخرتها معاه أيه ..!

---

ايون .... باهرج .... باهرج مخدرات :glasses12:

منور الدنيا كلها ياحاج أحمد

أيون كده


تأثير بحه أبتدا يخف أهوه