الموضوع: عايز رأي قاطع جدا

ربنا يسترها الى بيعمله صعب بس هو سواق ممتاز بس السواقه ملهاش كبير لان الغلط ممكن يجى من الغير

ربنا يستر علينا جميعا و يهدينا و السواقة ملهاش أبدا كبير حتى نجوم الفورملا بيعملوا حوادث و اكثرهم موهبة ايرتون سينا النجم الموهوب مات فى حادث اليم و بسيارة و ملابس و تجهيزات و حلبة مجهزة للسباقات و مستعدة للحوادث فما بالك بطريق عام بكل المقاييس الراجل ده لو نزل من عربيته و ركن على جمب و جاب رشاش و قعد يضرب نار على العربيات اللى ماشية مش هايفرق حاجة نهائى عن اللى عمله فى الفيديو ده

بصراحة هو مزودها شوية

سواق بس بياخد عرز بغشم ماينفعش من اليمين

اولا معلش يا جو..مش هجاوب على سؤال بعمل كده ولا لا :( بلاش احراج
رأيى الشخصى بقى فى الفيديو
1-دخل كذا غرزه يمين ..مع ان الشمال كان مفتوح وانا شايف ان غرزتين من الشمال أأمن من غرزه واحده يمين ..
2-مش كل الغرز الى دخلها من اليمين مكنش شايف ..لو ركزنا هنلاقى فى بعض الغرز اليمين الى دخلها ..كان يقدر يشوف من ادام العربيه الى على يمينه ..قبل ما يدخل ..الله اعلم بقى هو بص ولا لا !!
3-الغرز معظمها مش مقفول اوى يا جماعه ..
4-الواد فيه ميزه كويسه جدا انه مش بيخطف الغرزه مره واحده (غالبا) ..بالعكس بياخدها بكيرف عشان متبقاش قفش و العربيه تعوم
5-الدخله الى دخلها فى اخر الفيديو من اليمين جمب المينى باص و الرصيف كانت وحشه اوى ..
ملخص الكلام ..الى راكب العربيه دى سواق :)

المشاركة الأصلية كتبت بواسطة eng:ahmed

انا الصراحة كنت مستني في نهاية الفيديو ده يديلوه جايزة و لا حاجة أو حاجة تشيله و تريح الناس من شره

أصل الاشكال دي با قابلها يوميا على الدائري و انا أسف في اللي هاقوله بدعي ربنا يكرمه بحاجة تشيله و تريح الناس من شرة لأنه مش هبيأذي نفسه بس دا بيأذي الغير كمان و يا ريت ما حدش يزعل

مفيش زعل
بس ساعات بيبقي في ناس بتعمل كدة لظروف معينة ... لازم يوصل مكان بسرعة فلازم يعمل كدة

المشاركة الأصلية كتبت بواسطة funnymickey

الحمد لله عمري ولا بحب اعملها اصلا
ولا بعرف اعملها
انا بكره شئ اسمه الجري بالعربيه
من 4 سنين وانا علي المحور وطالع اكتوبر
واحد ريح علي الاكصدام وانا علي كوبري اكتوبر
وطبعا الطريق كان بطئ جدا لحد ما مسكت اول المحور

اتاري الاكصدام بعد ما نزلت بصيت علي العربيه مقفلتوش
وماشي كل ده بيه مفتوح
واول ما مسكت المحور
وابتديت اشد شويه
الاكصدام فتح وبهدل العربيه
وستر ربنا ان مكنش فيه حد ورايا وقدرت اركن واقفل العربيه

من ساعتها وانا متعقد وعندي حاجز نفسي ضد السرعه اصلا
وبكره شئ اسمه الجري
حتي في السفر مبعديش ال100

ربنا يكملك بعقلك يا صبحي

المشاركة الأصلية كتبت بواسطة heshamzaky

دا أنا قايل بالتفصيل عيوب الغرز و عيوب سواقة الى بيسوق فى الكليب .
الاجابة بتاعت انى باخد غرز و لا لآ . أكيد باخد غرز بس مش بالمنظر دة كنت باخد غرز زى دى بالتهور دة بس أول ما تعلمت السواقة و أنا صغير حاليا بفكر 1000 مرة لانى ممكن اموت واحد على اليمين بالمنظر دة و لو لا قدر الله ضرب فرامل الارض لو خدت بالك فيها رمل العربية حا تسحف و تعرض منة بالفرامل العادية

انا مش العارف هو الواحد المفروض ماياخدش غرز ولا ياخد علي خفيف ولا يعمل أيه !

المشاركة الأصلية كتبت بواسطة yasserelsayad

الفيديو دا متسرع

اه ... وباينه في أخره لما كان بيوريهم الكارنيه عند البوابة
بس مايمنعش انه بينقل صح وواخد غرز نضيفة .. بس أغلب اليمين وحش عشان مكانش شايفها

المشاركة الأصلية كتبت بواسطة omar_fekry

هو لييه كل جريه يميين ؟!! و بعدين مش عامل risk ان حد ممكن يكسر عليه .. و كذا مره يقطع بغشم شديد جدا و يقرب من الرصيف اللى فى النص .. هو ده بقى اللى يفرق من سواق و التانى ... فى واحد تبقى راكب جمبه و هو بياخد غرز و تبقى مستمتع جدا و واحد تبقى بتدعى عليه و لازق فى الكرسى .. عامه انا بجرى برضو بس ببقى عامل حسابى و و انا بجرى لان معظم جريي بيبقى و سط عربيات نقل و مقطورات و اوناش و بلاوى زرقاء

علي فكرة الغرز اللي هو واخدها واخدها هادي مش غشم
انما الغرز المقفولة اللي مش شايفها هي اللي غلط
ربنا يستر علينا

المشاركة الأصلية كتبت بواسطة khaled ayman

اولا معلش يا جو..مش هجاوب على سؤال بعمل كده ولا لا :( بلاش احراج
رأيى الشخصى بقى فى الفيديو
1-دخل كذا غرزه يمين ..مع ان الشمال كان مفتوح وانا شايف ان غرزتين من الشمال أأمن من غرزه واحده يمين ..
2-مش كل الغرز الى دخلها من اليمين مكنش شايف ..لو ركزنا هنلاقى فى بعض الغرز اليمين الى دخلها ..كان يقدر يشوف من ادام العربيه الى على يمينه ..قبل ما يدخل ..الله اعلم بقى هو بص ولا لا !!
3-الغرز معظمها مش مقفول اوى يا جماعه ..
4-الواد فيه ميزه كويسه جدا انه مش بيخطف الغرزه مره واحده (غالبا) ..بالعكس بياخدها بكيرف عشان متبقاش قفش و العربيه تعوم
5-الدخله الى دخلها فى اخر الفيديو من اليمين جمب المينى باص و الرصيف كانت وحشه اوى ..
ملخص الكلام ..الى راكب العربيه دى سواق :)

تصدق يا خلود بعد البوست ده حسيت انك بتفهم في السواقة :)
مش قصدي انك ماكنتش بتفهم هههههههههههه
انا بس ماشفتكش بتسوق قبل كدة :)
4 : ده حته خليتني وهو بياخد غرز كنت حاسس انه فاهم ... لأن ماينفعش بغشم .. لو خطفها الشنطة هتلبس في العربية اللي بياخد عليها غرزة وشكرا علي كدة
5 : انا حاسس انه كان ناوي ينزل هايبر من فوق :)