الموضوع: .. هل هذا يعقل !! مؤامرة تقسيم مصر ..

المشاركة الأصلية كتبت بواسطة dr_magdi2009

الناس دلوقتى بتفكرنى بعنترية جمال عبد الناصر زمان ............... و للاسف نتيجة حكمة لمصر كانت من اسؤ الفترات التى غاب عنها العقل و التمهل فبدلا من ان بنظر الى بناء بلدة ...هرع ال الدول العربية متدخلا فى حربو اهلية هنا و هناك من اجل الزعامة او المجد الشخصى ......... فى وجهة نظرى ...........


ارجوكم الان لا تصدرو تصريحات عنترية ........... الفتاكة و ( السياسة ) فن مش فرد عضلات هههههههههههههه

المشاركة الأصلية كتبت بواسطة abou_ruqi

اولا مصر استحالة تتقسم لان مفيش حدود تفصل العرقيات والديانات في مصر ،اقصد حدود جغرافية
مثلا الصعيد الاغلبية فيه مسلمة والدلتا الاغلبية فيها مسلمة طب حتقسمها ازاي شمال وجنوب?

ثانيا مصر مكنتش محتلة السودان لان مصر كان محتلة اساسا ، مصر والسودان كانا دولة واحدة عاصمتها القاهرة زي تشيكوسلوفاكيا ، التشيك مكنوش محتلين سلوفاكيا كانت حالة زي اندماج شركتين ، بدليل ان مكنش في مقاومة محتل سودانية الا حركة المهدي ايام محمد علي ودي مكنش ليها تأييد شعبي هناك

انا بشوف ان انفصال مصر عن السودان هي اكبر ضربة تلاقاها العرب والمسلمين بعد سقوط الاندلس واحتلال فلسطين
وهي من جرائم عبد الناصر الكبري ، الرجل الذي لم يؤمن يوما بفكرة الاستفتاء والانتخابات اقام استفتاء على امر لم يطلبه اهله! !

الله يفتح عليكم
المؤامرات موجودة في كل الأزمان الحنكة والخبرة هي أزاي تطوعها لصالحك..........سياسة

يا ريت اللى يتكلم عن انقسام يبقى قارى شويه فى التاريخ و عارف شويه جغرافيا

هدوء يا شباب

أنا كده برضه مش فاهم حاجه ، وخرجنا عن هدف الموضوع الرئيسى .

رجاء المناقشه الهاديه ، علشان كلنا فى مركب واحده واللى حيرسى على البلد حيرسى على الكل .

أنا عملت الموضوع ده علشان أنا مش فاهم ، وبجد محتاج حد يفهمنى الصح فين .

وتم إضافة إستطلاع للموضوع ، برجاء المشاركه .

المشاركة الأصلية كتبت بواسطة abou_ruqi

والله انا اعرف ان قبل عبد الناصر كانت مصر عبارة عن مصر وقطاع غزة والسودان وقبل ما يموت خلاها مصر بدون غزة ولا السودان ولا حتى سينا
واعرف ان المصريين كانوا بيزرعوا الارض من سبعة الاف سنة وكان بيأكلوا اللي حواليهك من ايام سيدنا يوسف لحد الانجليز مرورا بالامبراطورية الرومانية كل دول كانوا بيكلوا القمح المصري وبعد عبد الناصر ما صلح الزراعة بقيت مصر اكبر مستورد قمح في العالم

التاريخ حقائق مش مشاعر

يا ريت مشاعرك السلبيه تخليك تشوف الحقايق مش تشوف سواد وخلاص

المشاركة الأصلية كتبت بواسطة abou_ruqi

بالرغم من اني متفائل جدا لمستقبل مصر ، انما نصيحة حضرتك مقبولة وبعتبرها تذكرة تنفع المؤمنين

ربنا يجازيك خيرا
وربنا يكرمنا كلنا