حيران بين اللانوس الهاف والكاملة

**captin** · 26-04-2008 01:51 AM

بسم الله
تحياتى لجميع أعضاء المنتدى الجميل ده واللى انا تابعته كتير وتصفحته حتى أصل لقرار الشراء المناسب والحمد لله أخيرا استقريت على اللانوس لكن كنت عايز اخد رأيكم فى حاجة
يا جماعة أنا حجزت لانوس فى التوكيل الفول أوبشن وتمنها 67500 وبعد ما حجزتها كتير من زملائى وأصحابى فى الشغل (ومنهم معاه لانوس) قالولى انى كان مفروض احجز اللانوس الهاف أوبشن(كاسيت وباور وتكييف) لأن الكماليات الزيادة لا تستحق الفرق وانك ممكن تركب أزاز كهربا مع الانذار وسنتر بعد ما تستلم العربية ومش هيكلفوك اكتر من الف جنيه علشان كده انا اتصلت فعلا بالتوكيل عشان اعدل الحجز وقالولى تعالى عشان تمضى ورقة بذلك.
وانا حيران فأيه رأيكم علما بأن الفرق بين النوعين 4000 جنيه وعلى فكرة انا باشترى كاش والأربعة ألاف دول هيفرقوا معايا.

**MMamdouh** · 26-04-2008 01:58 AM

لو عملت كدة حترجع تندم

الازاز اللى حتركبة حيبقى بابين قدام بس لان تركيب زجاج فى الاربع ابواب حيحتاج تغيير فرش الابواب الاربعة و دول مش موجودين غير استيراد و تمنهم اكتر من الف جنية لوحدهم... دا غير المكن و الضفيرة و المصنعية و فى النهاية مش حيبقوا زى الاصلى

دا غير السنتر و الRPM و التابلوة الفضى و فانوس الستوب و الدركسيون المتحرك و ساعة التابلوة الخ الخ الخ...

يمكن الفرق كبير بالنسبالك دلوقتى لكن لو فكرت تحسبها صح و انت بتحولها من هاف لفول اوبشن حتلاقى نفسك اتكلفت اكتر

MMamdouh

**ahmad209** · 26-04-2008 02:09 AM

balaaaaaaaaaaaaaash ya man el full option is better ///////w matda7'alsh nafsak fi matahaaaat

**islamkhidr** · 26-04-2008 02:12 AM

المشاركة الأصلية كتبت بواسطة captin

بسم الله
تحياتى لجميع أعضاء المنتدى الجميل ده واللى انا تابعته كتير وتصفحته حتى أصل لقرار الشراء المناسب والحمد لله أخيرا استقريت على اللانوس لكن كنت عايز اخد رأيكم فى حاجة
يا جماعة أنا حجزت لانوس فى التوكيل الفول أوبشن وتمنها 67500 وبعد ما حجزتها كتير من زملائى وأصحابى فى الشغل (ومنهم معاه لانوس) قالولى انى كان مفروض احجز اللانوس الهاف أوبشن(كاسيت وباور وتكييف) لأن الكماليات الزيادة لا تستحق الفرق وانك ممكن تركب أزاز كهربا مع الانذار وسنتر بعد ما تستلم العربية ومش هيكلفوك اكتر من الف جنيه علشان كده انا اتصلت فعلا بالتوكيل عشان اعدل الحجز وقالولى تعالى عشان تمضى ورقة بذلك.
وانا حيران فأيه رأيكم علما بأن الفرق بين النوعين 4000 جنيه وعلى فكرة انا باشترى كاش والأربعة ألاف دول هيفرقوا معايا.

لالالالالالا اوعى تجيب هاف أوبشن هاتندم والله بعديها

مافيش أحسن من ان كل الكماليات بتاعتة العربية تيجى فيها

انا ليا واحد صاحبى معاة لانوس 2 زجاج عادى حب يعملة كهربا 4 أبواب

نزلنا الحرفيين ملقناش غير محلين بس اللى عندهم إستيراد وبكااااااااام ب 2000 جنية

وفرش وضفاير شكلهم مقرف متوسخسن ومكحتين

لالالا ياعم هاتخسر والله

الفول أوشن بيجى فيها الدركسيون متحرك و الحزام متحرك و المراية اليمين كهربا وساعة فى التبلوة و لمبة إستوب خلفى و نور شابورة أصلى بتاعها

هاترجع تاااااااانى تلف على الحاجات دية إستيراد حرام والله :o

26-04-2008 02:15 AM

اعتقد الموضوع مش محتاج حيره مادمت استقريت على نوع العربيه
و ده الاساس ؛؛؛؛؛؛
انصحك بالفول اوبشن حتحس بفرق شاسع جداااااااا
و 4 الاف مش حكايه
حتدفع اكتر منهم مع جوده سيئه
و حترجع تندم و تقول يا رتنى كنت دفعت اكتر من 4 و جبتها فول اوبشن ؛؛؛

**limo** · 26-04-2008 02:22 AM

خد الكامله
لانك مش هيجيلك قلب ان تلعب فى العربيه بعد ما تشتريها خصوصا انها زيرو
وبعدين الكماليات الزياده
4زجاج كهرباء ومرايا يمين كهرباء تابلوه فضى ولمبه ستوب خلفيه -فوج لايت -سنتر -بطانه اسفل غطاء المحرك -دركسيون متحرك -ساعه وسطى فى التابلوه -فى حاجه كده زياده فى الشكمان بس مش عارف بتاعت ايه
4000 الف جنيه على كماليات تستاهل
توكل على الله وهات الكامله طالما انك هتزود اوبشن بعد كده لو جبت الهاف اوبشين

**captin** · 26-04-2008 02:23 AM

مشكورين على سرعة الرد
لكن أنا ناوى أركب انذار وأعتقد ان ده هيستلزم لعب فى الضفيرة حتى لو كانت العربية فول أوبشن فعشان كده بافكر اجيبها هاف اوبشن واركب ازاز كهربا فى البابين الاماميين + سنتر +انذار ولا انت ايه رأيك يا ممدوح باشا

**captin** · 26-04-2008 02:28 AM

والله يا جماعة كنت لسه ما قرأتش ردودكم لكن دلوقتى بعد ما قريتها ولقيت الاجماع ده قررت بأذن الله انى أجيبها كاملة .... وما تعرفوش انتو ريحتونى أد ايه لأنى كنت حيران ومش عارف اخد قرار وتسلمولى يا جماعة وادعولى بقى ان ربنا يباركلى فيها لأن دى أول مرة هاركب عربية ملكى

**MMamdouh** · 26-04-2008 02:28 AM

هات الفول اوبشن

سواء جبت دى او دى حتركبلها انذار و بالتالى اللعب هنا زى هنا...

دا غير انة مش لعب زى ما انت فاهم لان تركيب الانذار مش عملية معقدة ولا بتحتاج عك و كلام من دة طالما عملت عند واحد نضيف... العكس انت لو جبت الفول اوبشن حتوفر فك الاربع ابواب لتركيب السنتر

لو جبت الهاف حترجع تدور عشان تجيب الكماليات اللى انت طنشتها و حتجيبها اما استيراد او مش اصليه و حتضيع وقتك و كل يوم حتحلم بالكماليات اللى ناقصاك لحد ما تصرف 8000 على الكماليات دى و بعدين حترجع تدور على الموضوع دة و تكتب فى اخرة "انا غلطت انى جبت الهاف اوبشن" :D:D:D

توكل على الله و هات الفول اوبشن

MMamdouh