علبه دركسيون التمبرا ب 4500 جنيه
كان فيه كذا موضوع اتعمل عشان ارتفاع سعر علبه دركسيون اللوجان
حسبت أن الموضوع خد اكتر من حقه وصاحب الموضوع قعد يمط فى الموضوع قوى وعمله سلسله واجزاء- بطريقة مبالغ فيها - يمكن يكون ده بحسن نيه نتيجه انفعاله الشديد بعد الحادثه الى عملها والمصارييف الكتير الى صرفها بدون لازمه
وده رغم انه اطلب منه كذا مرة يصور العربيه بتاعته لاثبات المصادقية لاعتقاد بعض الناس انه اساسا مش من ملاكها لكن هو مصورهاش لغايه دلوقتى واتمنى منه تصويرها ليقطع الشك باليقين
لغاية ما ده يحصل هنفترض حسن النيه خاصتا انه بيقول تفاصيل دقيقية تخلينى ارجح انه فعلا من ملاك العربيه وأنه مش داخل يشوه فى العربيه ولا حاجه بس هو فعلا سىء الحظ
بالصدفه لقيت موضوع عن علبه دركسيون الفيات التمبرا وانها ب 4500 جنيه مع العلم
1- ان التمبرا موديل 94 يعنى مش من العربيات الجديدة الى معروف ان اسعار قطع غيارها غالية
2-كمان السعر ده مش سعر الاصلى فى التوكيل ده سعر ها بره
3- طبعا العلبه معلهاش ضمان سنه يعنى لو فيها عيب صناعه يبقى الى اشتراها كده شربها
طبعا ده غير أن اصلا علبه الدركسيون ديه من الحاجات المعمره فى العربية الى غالبا بتقعد سنين طويلة جدا توصل لعشرين سنه واكتر فى 99% من العربيات (ربنا يديكم طولة العمر )
انا حبيت ارد على الموضوعات ديه فى موضوع منفصل عشان مش معقول هرد فى الموضوعات الكتير الى عملها ابو مريم وكمان فيه موضوعات منها فيها صفحات كتير
http://www.nilemotors.net/Nile/60988-a.html