طالما بتعمل صيانتها في الميعاد وبتغير زيت الاوتوماتك في معاده ....
العربية ممتازة
وايا كانت العربية الله ح تجيبها
خليك في الاوتوماتك
ملحوظة الفيرنا الاوتوماتك بتنزل بجنوط 14 بدل 13 ( جنوط عادية مش سبور )
طالما بتعمل صيانتها في الميعاد وبتغير زيت الاوتوماتك في معاده ....
العربية ممتازة
وايا كانت العربية الله ح تجيبها
خليك في الاوتوماتك
ملحوظة الفيرنا الاوتوماتك بتنزل بجنوط 14 بدل 13 ( جنوط عادية مش سبور )
انا معايا فيرنا اتوماتيك توكل علي الله
اه انا عامل بيها 10000 كم في شهر ونصف ومعظم المسافه في طريق الغردقه القاهره وتحت اقصي ظروف الوزن والسرعات العاليه وشايف انها عربيه تستاهل كل قرش ادفع فيها ومفيش بديل ليها في فئتها والله اعلم
سؤالي للناس اللي معاها فيرنا أوتوماتيك 2011 وانا مبتديء في عالم السيارات عموما
أنا هجيبها باذن الله كمان أسبوعين بالظبط. عايز أعرف لما أجيبها أغيرلها اية؟
يعني أنا سمعت اننا نغيرلها الكاوتش بتاعها لانه بيكون تركي أو نوع تاني. لـ كاوتش نوعه بريدجستون. ممكن أعرف سعره للأربع عجلات كام . وهل ليه مساحات معينة؟ ولو ليه أجيب أفضل طول وعرض ليه قد اية؟
حاجة تانية. العربية بييجي معاها جنوط اية؟ وهل هي مناسبة والا لأ؟ ولو مش مناسبة أجيبلها أفضل جنوط في المعقول تكون اية؟ وبكام؟
ولو في اضافات للعربية أجيبها ياريت تقولولي عليها؟ زي مثلا الكاسيت أو الانذار أو ... أو ...
اعذروني لتاني مرة لو كلامي بيدل علي اني مبتديء .
الصراحة يا فندم أنا عربيتي موديل 2007
فمش عارف غبور بينزل فيها أيه دلوقتي
الأساسي الجنوط و الكاوتش
بس لو لقيت الجنوط و الكاوتش كويسين معاك ، عيش حياتك لأنها بتنزل أساسا حنوط 14
عايز تغير يبقي 15/50/205
الكاسيت علي ايامنا رودستار ده أبو أنوار خضرا كتير مش عارف دلوقتي ايه
أنا مش سميع فبالنسبة ليا شغال
غير كده هيا بتنزل بكل حاجة فغالبا مش هتحتاج تجيبلها حاجة تانية
إلا لو غاوي فرش جلد و الحاجات دي
العربية معايا 90 ألف كم بدون مشاكل في الأتوماتيك ، الحمد لله
الأستاذ smartzone توكل علي الله متقلقش العربيه مفيهاش مشاكل تذكر
موتور و فتيس و عفشه متجربين في أكثر من عربيه علي مدار 12 سنه مفيش حد أشتكي
و أنا معايا الماتريكس أوتو نفس الفتيس و الموتور و تمام الحمد لله مفيش مشاكل و لما بيبقي فيه مشكله بتتحل من التوكيل
توكل علي الله
و مبروك مقدما
شكرا لكل اللي رد عليا
بس عايز حد يفيدني بخصوص الجنوط. انتوا نصحتوني بـ جنوط 15
عايز أعرف سعرها قد اية للفيرنا أوتو ؟