من الاسماعيلية الى مينا هاوس اوبروى

لو سمحتم يارجالة اروح من الاسماعيلة الى مينا هاوس اوبروى اذاى وهل لو رجعت متاخر من نفس الطريق امان ولا فى بلطجية ومشاكل

ميناهاوس إللي في آخر شارع الهرم؟

متأخر على كام يعنى
الدائرى مش امان فى اى وقت
http://www.nilemotors.net/Nile/224434-a.html
لو خدت الدائرى
خد اتجاه المرج
هتمشى فيه
هتعدى النيل
هتلاقى كوبرى فوقك سيبه
بعد شوية هتلاقى كوبرى تانى فوقك
كمل وهتلاقى منزل يمين مكتوب عليه اسكندرية الصحراوى
اتجاه امامى طريق اكتوبر والواخات
منزل شمال لميدان الرماية
خد المنزل ده
كمل هتبقى فى ميدان الرماية
كمل طوالى بعده وهتلاقى جزيرة فى النص خد اليمين منها لان الشارع اتجاه واحد
هتلاقى شارع بمطلع يمين
خده وهتلاقى الفندق

تمام مينا هاوس الى فى الهرم شكرا على التوضيح

بص يا سيدى ... و انت جاى من الصحراوى بعد الكيلو 42 و المستشفى العالمى هتلاقى يافطه لمدخل مدينة الشروق 1 ... تلف اليوترن و تدخل الشروق طوالى 8 كيلو توصل لطريق السويس هتخش فيه يمين ... تمشى شويه و هتلاقى الدائرى فوقك تطلع المطلع اللى هتلاقيه بعد الدائرى على طول (كأنك ركبت الدائرى شمال من اتجاهك الاصلى) تفضل ماشى و حاول تخليك فى الحارات الشمال هتنزل نفقين و مكمل هتعدى عند كارفور و مكمل شمال هتوصل للنيل و تعدى و برضه شمال هتلاقى نزلة المريوطيه بس انت شمال زى مانت ماشى ... الطريق هيلف بيك يمين و بعد شويه هتلاقى يفط لنزلة الدائرى تمسك شمالك هتلاقيك نازل منزل شمال على الدائرى ... هتمشى 2-3 كيلو و تنزل الصحراوى شمال ... 2 كيلو هتوصل ميدان الرمايه ... تعدى الاشاره و طوالى هتلاقى الفندق على يمينك (مع اخر السور تكسر يمين سنه هتلاقى المدخل)

بالنسبه لللأمان مع الرجوع ... لو بعد 12-11 بالليل انصحك تاخد شارع الهرم و صلاح سالم لأخره علشان تمسك طريق اسماعيليه

شكرا يارجالة