ايه اللي بيبوظ الترصيص ؟؟؟

**Eng.Mina** · 08-06-2011 09:45 PM

مساء الخير
أنا لسه مركب جنوط HRS تايواني مقاس 14 بوصة جبتهم من ارابكوم وركبت عليهم كاوتش بريدجستون my-01 ورصصت العربية عند مركز شيبوب عندنا في الزقازيق والعربية طلعت من عنده زي الفل ولكن للأسف بعد حوالي الف كيلو لقيتها محتاجة ترصيص تاني مش عارف ليه ؟؟ مع اني مخدتش اي مطبات جامدة غير النقر العادية اللي احنا متعودين عليها علي طريق مصر اسماعيلية بالذات لاني بستخدمه كتير ياتري ايه المشكلة ؟؟؟؟
وهل فعلا ممكن مع النقر الجامدة الرصاصة تقع (أصل في واحد قاللي كده وأنا مش مقتنع بكلامه أوي)
منتظر ردودكم لأني حاسس أني صرفت 3500 جنيه علي الفاضي لأني كنت عايز أرتاح من جنوط الفيرنا الاصلية فطلعتلي المشكلة دي .
شكـــــــــرا مقدمـــــــــا

**Tarek_Swelm** · 09-06-2011 01:10 AM

انا حصل مع صديق لي العكس , لما الرصاصة وقعت العربية اتظبطت :)
و فعلا الرصاص ممكن يقع وانت ماشي .

**mahmoudalaa** · 09-06-2011 01:16 AM

المشاركة الأصلية كتبت بواسطة typhoon_gr9

انا حصل مع صديق لي العكس , لما الرصاصة وقعت العربية اتظبطت :)
و فعلا الرصاص ممكن يقع وانت ماشي .

ياريت يا جماعه توضحولي يعني ايه ترصيص لاني عايز اجنط واغير طقم العجل ومش عارف ايه الترصيص

**saadelden** · 09-06-2011 03:11 AM

ماهو ممكن مايكونش مركب الرصاص مظبوط ف مع الخبط بيقع
و بتحصل كتير ان الرصاص بيتفك و المفروض كل شهرين او 3 تظبط زوايا و ترصص

**heshamzaky** · 09-06-2011 03:30 AM

المشاركة الأصلية كتبت بواسطة mahmoudalaa

ياريت يا جماعه توضحولي يعني ايه ترصيص لاني عايز اجنط واغير طقم العجل ومش عارف ايه الترصيص

الترصيص ببساطة كدة يعنى الجنط الى راكب فية العجلة من الخبط فى الرصيف و انت بتركن مثلا أو المطبات الجامدة بيحصل فية انبعاج و زى رفة كدة فبيحطو العجلة على جهاز اسمة الترصيص و العجلة تلف بسرعة و الجهاز بيدى قراءة و يكتب الوزن المطلوب علشان يتحط فى العجلة و يظبط الرفا الى فى الجنط و ممكن يبقى الترصيص الى هو عبارة عن قطعة رصاص راكب من الدخل أو الخارج على شفة الجنط و بالنسبة للجنوط الاسبور فية حاجة اسمها ترصيص لزق مش بيركب على الشفة بتاعت الجنط

**heshamzaky** · 09-06-2011 03:31 AM

و دة الفرق بين جهازين الترصيص العادى و ترصيص الحصان

المشاركة الأصلية كتبت بواسطة heshamzaky

معلش عاوز اقول على حاجة الفرق بين الترصيص العادى و ترصيص الحصان السبب الرئيسى لة من كلام ناس محترفة بتوع زوايا كان كالأتى
الترصيص بتاع الحصان دة بسبب ان بعض الجنوط بتكون مقفولة من المنتصف و علشان كدة ما ينفعش تتحط على ماكينة الترصيص العادية
بالنسبة للترصيص الترصيص العادى بيصلح للجنط الى لة شفة علشان الترصيص يمسك فى الشفة بتاعت الجنط أما لو كان الجنط ملهوش شفة بيتعمل ترصيص لزق
دى شوية صور للتوضيح
دة جنط مفتوح بس ملهوش شفة لازم الترصيص يبقى ترصيص لزق شكل الترصيص أحسن

و دة منظر الترصيص اللزق

دة جهاز الترصيص العادى و طبعا فية زى ماسورة دى الى الجنط بيدخل فيها و بيتربط الجنط فى الجهاز

و دة شكل جهاز ترصيص الحصان

**Eng.Mina** · 09-06-2011 01:36 PM

شكرا علي اهتمامكوا حارصص تاني واحاول اكون حريص في النقر شوية

**sama_Sama** · 09-06-2011 03:04 PM

الترصيص بيبوظ كمان لو الكاوتش إتأثر سواء عالي وواطي أو حصل فيه "لوحه" أو تأكل غير منتظم بسبب مشكلة في الزوايا

**ahmedtunning** · 09-06-2011 05:42 PM

اهتم بظبط ضغط هواء الكاوتش وربطة العفشة كل فتره

**tamer_baseer** · 10-06-2011 04:19 AM

أنا إشتريت برضه جنوط hrs بس 15 ومن ساعتها والعربية بتترجرج بعد110 ك/س
مع إنى غيرت الكاوتش بجديد

شكل hrs ده فيه مشاكل وللا إيه !!!!

الموضوع: ايه اللي بيبوظ الترصيص ؟؟؟

LinkBack

أدوات الموضوع

عرض

ايه اللي بيبوظ الترصيص ؟؟؟ - انشر الموضوع فى :

-

-

-

المواضيع المتشابهه

ايه اللي بيبوظ دهان العربية بالشكل ده ( صور )

ما هو حساس tps و لما بيبوظ بيحصل ايه؟

اية الى يحصل لما الكوندينصر بيبوظ

ايهما افضل الترصيص بالموتوسيكل ولا الترصيص فرده فرده لوحدها على الجهاز؟؟؟

ايه اللى بيبوظ الجيربوكس

الكلمات الدلالية لهذا الموضوع

المفضلات

المفضلات

ضوابط المشاركة