الموضوع: حسبي الله ونعم الوكيل ( نزلت لقيت عربيتي مخبوطة )

معلش يا استاذ خالد ، قدر الله و ما شاء فعل.
حضرتك فيه رد على البارد عادى ان شاء الله لو بسيطة عند اى سمكرى و اعتقد ان التوكيل كمان بيبقى فيه قسم سمكرة و دوكو و من اسمه كدة لو انا فاهم صح انهم بيسمكروا عادى.
برده حضرتك استنى رد الأعضاء و ان شاء الله خير.

المشاركة الأصلية كتبت بواسطة khaloooda

الحكاية ومافيها ....
اننا في يوم من الايام
فتح تحتنا
بنك
......
واستلم يا معلم
كل كام يوم
عربية من عربيات العمارة مخبوطة او متجرحة بسبب العربيات والنص نقل والموتوسيكلات احيانا
اللي بتيجي البنك
وطبعا اللي بيخبط عربية النهاردة
بيطلع يجري

المهم نزلت النهاردة ولقيت عربيتي الاوبترا مخبوطة
حسبي الله ونعم الوكيل
العربية مكملتش 10000 كيلو
قدر الله ما شاء فعل الحمد لله انك بخير و الاسرة بخير
المهم
الخبطة واخدة جزء من الاكصدام الامامي بالاضافة الي الرفرف الشمال
انا سؤالي
هو لازم اشتري جديد ولا ممكن ارد عالبارد زي العربيات القديمة
بصراحة انا قبل دي كان معايا لادا
مكنش بيفرق معايا
عارف ان ديتها زيارة للسمكري ساعة زمن وترجع فله شمعة منورة
انما الجديد كله اسمع ان مفيش حاجة اسمها رد او تصليح للصاج

ياريت حد يفيدني
عادى سمكرة على السخن او سمكرة على البارد مافيش مشكلة و بدرجة اللون لو محتاجة دوكو بيضبطوها شوف حد كويس و كلة هايبقى تمام ان شاء الله و رقم اللون هاتلاقيه اسفل الكبوت بتاع الدوكو عارف مكانة
وسؤال كمان لو رحت اعمل صيانة 10000 كيلو بيها وهي كده
فيها حاجة ؟؟؟
خالص مافيش مشكلة طالما ان الخبطة مأثرتش على حاجة اكثر من الصاج

هو ده بقى الطبيعى العربيات تتخبط وهى واقفه

قدر الله وما شاء فعل

الرد علي البارد او السخن حسب حالتها و التقفيل اللي انت عايزه

يعني لو هي خبطة خفيفة ممكن تترد علي البارد بس مش هتبقي مستوية قوي و مش هيبان الموضوع ده الا لما تحسس عليها "و ده ممكن في حالة مفيش تجريح او مفيش منطقة كبيرة مفيهاش دهان"

لو فيها تجريح كثير او تطبيقة جامدة يبقي هتضطر تعملها علي السخن و تضطر ترش الجزء كله "يعني الرفرف علي بعضه" عشان ما يحصلشي فرق في اللون

انا بردوا مكروباص خبط عربيتي وانا عامل 5000 كيلو بس بعد اول صيانه

ولا يهمك يا باشا ، فداك .

انا بقى فاتح فى العمارة حضانة وانت عارف بقى ان الاطفال احباب الله وغالبا كمان السواقين اللى بيجبوهم ومش عايز اقولكوا على اللى بيحصل