يا جماعة انا عايزة اعرف من فضلكم ايه الفرق بين البيكانتو القديمة والجديدة عشان انا هشتريها وخايفة ادبس
عرض للطباعة
يا جماعة انا عايزة اعرف من فضلكم ايه الفرق بين البيكانتو القديمة والجديدة عشان انا هشتريها وخايفة ادبس
حضرتك الفرق هو ( فوانيس امامية و خلفية ( شكلهم اتغير ))
+ الجديدة الباور بتاعها كهربا ( تحفة )
و شكل التابلوه من جوة
بس كده
يعنى تعتبر هى هى
شكرا يا جميل
لسلام عليكم:
انا اشتريت الحمد لله كيا بيكانتو 2008 بعد تعليقاتكم الجميلة و المفيدة ديه و فعلا طلع كلامكوا فى محله العربية ممتازة و احسن من عربيات كتير فى سعرها و اغلى منها كمان
انا اشترتها من الشركة ديه بالتقسيط هى فعلا بتعمل تقسيط مباشر لكن هل هو اسلامى و لا لأ (يعنى تبع الشريعة و لا لأ) الله اعلم لانهم بيمضوك على حاجات كتير منها وصل استلام العربية فيه شرط غريب جدا و ممكن يفسد المعاملة كلها و هو انه لو اتاخرت فى سداد اى قسط من الاقساط من حق الشركة ان تسحب العربية و تطالب بجميع المبالغ المتبقية دون الرجوع لاى هيئة قضائية
اللى عايز يشترى منها يقولى و انا اديله تفاصيل اللى حصل و الحاجات اللى طلبوها ثم ياخذ كلامى و يروح يسال عالم فقيه هل المعاملة بالشكل ده حرام و لا حلال
و شكرا
ملحوظة: العربية لونها سيلفر :)
بجد تقييم هايل يا نادر باشا انت اول واحد تستحق الشكر فى المنتدى كاتب كل حاجه كنت محتاج اعرفها عن العربيه بالتفصيل. انا ناوى اجيب 2009 لانى كنت بعشق العربيه دى من اول ما نزلت رغم انى مجربتهاش! بس كنت عايز اعرف منك هل موضوع التنطيط ده بيبقى مزعج اوى يعنى لانى قرأت عنه فى معظم الroad tests و هل مستوى الراحه حلو فى العربيه؟؟ و هل تماسك العربيه حلو اثناء الفرمله الجامده و لا بتعوم زى الlanos لان ده موقف حصل معايا شخصيا تاكسى قطع الطريق و انا على 80-90 ضربت فرامل العربيه عومت تمام بس ربنا ستر و عديت منه... لكن بسوق الماتركس عربية والدى مفيش الكلام ده حتى على +100. و نفسى البيكانتو تكون زى الماتركس كده:smartass: آسف للاطاله و ربنا يحفظك و يخليلك بيكانتوهايتك :smile:
شكرا يا نادر على النصيحة أصبح من ضمن اختياراتي بيكانتو مستعمل لأن آخر حدود المبلغ 50 ألف..
تنصحني بإيه وأنا بفحص بيكانتو مستعملة موديل 2006 مثلاً أو أعلى
والله المستعان
شكرا جزيلا يا أخ نادر علي عرضك الرائع للسيارة البيكانتو... أنا عجبني جدا تعبيرك (احشي العربية 5 بني أدمين و عدي علي اتخن مطب).. ههههههههه... تحس فيه بخفة ظل غير متكلفة... ربنا يجازيك خير علي وقتك و مجهودك لكتابة هذا التقرير التفصيلي و يبارك لك في سيارتك الجميلة و تستعملها دايما في خير... حقيقي شجعتني علي شرائها كثيرا :original:
ممكن ترد لو تكرمت... و شكرا
تقديرك جميل و شامل
أنا جبت السيارة البيكانتو فى شهر أغسطس و عامل بيها لحد دلوقتى 4000 كيلو متر
و حاسس انها مش ناعمة و حاسس فى مشيها بخشونة ارجو الرد انا قلقان
التنطيط بيبقي مزعج أيون...بس لما يبقي فيه ناس ورا....
و هو النسبة للزيرو مش هايبقي مزعج قوي...عشان أكيد المساعدين عندي خفوا شوية مع الإستعمال
فرامل العربية كويسة جدا...و بحس ان العربية بتتسحب لورا...مش تميل لقدام أو بترمي يمين و شمال و كده...من الأخر مناسبة جدا
واحد صاحبي عنده ماتريكس 2008...و لسه جايب يكانتو 2009 بيقولي استجابة الفرامل في البيكانتو أفضل من الماتريكس