الموضوع: رجالة البايك والريس قولولى ايه رأيكم

المشاركة الأصلية كتبت بواسطة tamertamer

بص عشان اكون منصف معاك انا بقالى فترة كبيرة من ممارسى رياضة الدرجات النارية

هلخصلك المميزات وانت راجل ذات عقل رشيد اختار

المميزات

1- بنزين كلام فاضى فعلا حتى وانا معاية 919 بنزينة لا يقارن بالعربية
2- فى المشوير منجز جدا جدا سواء فى حجمة او سرعتة وتجميعة
3- قطع غيارة وصينتة مش مكلفة اوى بالمقرنة بالعربية لو ليك سكة برة مصر هتجيب قطع الغيار بكلام فاضى
4- بيعطيك احساس بالتميز عن اى حد راكب اى حاجة حتى لو مرسيدس الجديدة
5- مفيش عربية تقف قدامك حتى لو كانت بورش
6- لية كارزمة ادمان وبيديك احساس عالى جدا وفيما بعد بيقوى قلبك فى اتخاز اى قرار بدون خوف
7- بتتعرف على اشخاص كتير جدا بسببة
8- سهولة الركنة فى اى مكان بكل سهولة ويسر
9- كسر للنمط اليومى بحبت فرفشة طلعة وحدة لما تكون متنرفز هتهداء

العيوب

1- غلو السفتى الخاص بيك مشكلة يعنى خوزة كويسة 1000 وانت طالع جاكت حلو جميل مش هيقل عن 3000 واقى الساق وواقى الكتف وواقى الكوع والجونتى والجزمة السفتى هتخش فى مبلغ كبير وللاسف الحجات النضيفة اسعرها بتعدى الخيال وللاسف معظم ركاب الموتسكلات مبيلبسوش اى سفتى ولما يقع يقول خطر لو لبست السفتى بيشيل لا يقل عن 85 % من المشاكل
2- فى الجو الحر بتكون خلاص جايب جاز مفيش حاجة تحميك من الشمس ممكن تاخد معاك شمسية ههههههههه + انك بتكون لابس خوزة بتكون جايب مية من كل حتة

3- استغلال بعض التجار فى قطع الغيار وانصياعك لهم لقلة الحيلة
4- المكنيكية فى مصر شويت .......... مبيفهموش حاجة وهاتك يا اشتغلات ومشاكل
5- سهولة سرقة الموتسكل عن العربية بس لو امنتة بيكون مش سهل
6- مخاطر السواقة فى مصر معروفة مشكلتك فى تجنب اخطاء الاخرين كل يوم بتتفاداء لا يقل عن 7 الى 10 مرات
7- لازم تكون فى كامل تركيذك عندما تمارس هذة الرياضة
8-اهم المشاكل هو التخطيط الخطاء للطرق فى اى مكان مطب الخ
9- عدم صيانة الطرق تعرضك الى مشاكل كبيرة بسبب تعرضك للانزلاق بسبب الاتربة او المية او الزيت او اى مادة زلقة دة غير الحفر والطرق الغير مستوية

ومتشتريش من لشين لان اسعارة مبالغ فيها وهات هوندا عشان متتعسفش فى اى حاجة الا لو عندك سكة تجبلك قطع الغيار من برة بسرعة تقبل فائق احترامى وتقديرى لهوى جديد

انا من ركاب الدرجات النارية منذو سنوات وقعت مرتين ثلاثة والحمد اللة بدون خساير جسمانية سواء كدمات خفيفة والى ذالك بسبب عدم التهور ولان البلد اصبحت علبة سردين من كتر الذحمة وفى الطرق السريعة عربيتى لا غناء عنها حدد انت عيزة لية وانت كرجال عاقل وصاحب عقل راجح هتمشى كويس بدون خساير وربنا معاك

يا افندم لك جزيل الشكر على هذه التفاصيل والموضوع الجميل دا
اوضحت لى حاجات كتير جدا
انا الفكرة عاجبانى جدا على الرغم من انى مابعرفش اسوقه خالص
الزحمة بقت فظيعة جدا
انا مشكلتى ان مراتى وابنى الرضيع لن يأتوا معى بيه فى اى مكان
غير انى بشتغل خارج القاهرة يعنى هجيبه For fun فقط
مراتى هتتجنن من امبارح وخايفة اجيبه علشان هى عارفة لما بتطلع فى دماغى حاجة بعملها
بس هو حاجة جميلة جدا جدا جدا
ربنا يوفقنى للاختيار الصحيح ان شاء الله