السلام عليكم جميعا
طبعا إنتوا عارفين إن معايا سيتي 2010 وكنت عايز ونفسي أركب فتحة سقف. وفي نفس ذات الوقت خايف الموضوع ده يخرج العربية برة الضامان
حد عنده فكرة أو يعرف إزاي؟
عرض للطباعة
السلام عليكم جميعا
طبعا إنتوا عارفين إن معايا سيتي 2010 وكنت عايز ونفسي أركب فتحة سقف. وفي نفس ذات الوقت خايف الموضوع ده يخرج العربية برة الضامان
حد عنده فكرة أو يعرف إزاي؟
الاحسن ان تغير السقف بواحد تاني فيه فتحة سقف بدل التقطيع والشغل ده
اقصد القشرة طبعا
بالنسبة لفتحة السقف قدامك حل من الثلاثة :
- قشرة سقف استيراد بالفتحة بالفرش من الحرفيين او بوسعييد (بس انا بصراحة بقلق من اللحمات فى العربية) ودى تقريبا هتعملها 3000 + 500 مصنعية سمكره + 300 دهان
- فتحة سقف من عند ارابكوم ، ودى تركيبها نظيف جدا ولا يحتاج لسمكرة ولا دهان ، هو عبارة عن منشار كهرباء بيمشى على رسمة ورق جاية مع فتحة السقف وبيقطع قدها بالظبط ، وبعد كده الشفه بتاعة فتحة السقف بدارى على مكان القطع وبتركب تقريبا فى 3 ساعات وفى منها نوعين نوع كهرباء وده ثمنه تقريبا 3000 ونوع يدوي وده ثمنة تقريبا 2000 ، بس فى مشكلة صغيرة انها على السرعات العالية 140 فيما فوق بتسمع صوت صفير هواء لعدم احكام الغلق ، ولما بتغسل العربية بتحوش مياة جوه المجارى بتاعتها .
- الحل الثالث انك تخليها زى ما هى ، لان ده افضل كتير من البهدلة اللى هتشوفها مع الحلين السابقين، وبرده ده هيقلل ثمن العربين عند البيع لانها اصلا مبتنزلش مصر بفتحة سقف يعنى الله هيشترى هيعرف انك قاصص فى الصاج.
وبالتوفيق ان شاء الله
نصيحة اوعى تعمل الحوار دة ولو حتى هيطلع زى الفابريكة لان اولا هيخرج العربية من الضمان , ثانى حاجة هيقلل من سعر العربية جامد , ثالثا هتلاقى مشاكل بعد فترة مش كبيرة , رابعا انت معندكش مجارى ماء داخل السقف فهتسبب بارومة فى اسرع وقت ممكن
http://www.nilemotors.net/Nile/192334-a.html
الموضوع ده انا كنت عاملة عن كيفية تركيب فتحة سقف
اقرائه واتفرج على الفيديوهات اللى فيه , واقراء مشاركات الاعضاء
وفى الاخر افضل لو كنت تجيب سقف افضل من تقطيع السقف , لان مهما كانت سمعة اللى بيقطع فتحة السقف ويركبوها فى مصر مش زى اللى بيعلمها بره مصر
وفى ناس اشتكوا من اروبكوم , فانت وحظك
فالافضل انك تجيب سقف كامل , طالما تقطيع بتقطيع , لان السقف لما بيكون جاهز بفتحته افضل و عشان مزاريب الميه بتعته وكل حاجة معمولة صح
وبعدين ممكن فى الستى متقطعش فى القوايم , اذا كان السقف عندك حتة واحد من فوق وراكب على زونب كهرباء
بيكون مفصول عن القوايم , اما لو حتة واحدة مع القوايم ومفيش فواصل اللى عليها الجلد فى السقف , حيبقا انت وراحتك بقا لو حابب تقطع فى السقف
شاكر جدا ليكم يا جماعة إهتمامكم
بس فعلا الواحد مش ضامن المشاكل إيه اللي ممكن يقابلها بعد تركيب السقف. والمشكلة إني محسوك قوي وما بحبش يبقى في غلطة أو مشكلة في أي تفصيل مهما كانت بسيطة.
ففعلا أنا مع الحل الثالث اللي هو إني أسيبها كده، أحسن من التقطيع والذي منه.
بكرر شكري ليكم جميعا