عشان عندي عادة إني لازم أنسى ورقة وانا رايح المشاوير دي
ياريت أعرف إيه الورق اللي مطلوب ومطلوب منه كام نسخة؟
يعني محتاج مثلا صورة من إيه وإيه لازم يكون الاصل كده؟
معايا توكيل إدارة
معايا بطاقة صاحب العربية - بس مش معايا الشخص نفسه
معايا التأمين القديم
معايا الرخصة
معايا وصل من البريد دفعت التجديد هناك
معايا وصل للطفاية - هي صحيح صلاحية اد إيه
مش أول مرة أعمله لكن الذاكرة صفر
شكرا جزيلا
السلام عليكم
و الله حضرتك سبقتنى انا برضة عندى تجديد و فحص و كنت عاوز اعرف ايه المطلوب .
جزاك الله خيرا
إيه يا شباب ماحدش يعرف ولا السؤال صعب
انا لسه مرخص يوم الأربعاء اللي فات
كان معايا رخص االعربيه بس عشان انا صاحبها
والرحله كانت كالاتي
1- شهادة المخالفات برخصة العربيه والبطاقه
2- ملف فحص كان مش فاكر تقريبا ب 30 جنيه(26.5 وضرب علي الباقي)
3- دفعت التامين 210 جنيه
4- دفعت الضريبه 420 تقريبا
5- دوسيه اصفر كده كان فيه ورق كتير ب حاجه وتلاتين تقريبا
6- جبت الشنطه الطبيه ب 50 جنيه وكان معايا المثلث
7- رفع البصمه 5 جنيه
8- ختم الطفايه - كان عايز كمان كيلو والراجل مشاهالي
9- فحص
10 - تسحب ملف العربيه وتخش علي المراجعه
11- اخدت رقم جديد عشان كان معايا النمر القديمه ودفعت تامين نمر 115
12 - سلمت النمر القديمه
13 - اخدت الرخصه الجديده
14- ركبت النمر الجديده
15- شغلت التكييف عشان العربيه كانت بتلسع من جوه
16- ركبت العربيه
17- شديت الحزام
18 - اديت الغيار الاول وبنزيننننننننننن وعنننننننننننننننن ويافكيييييييييييك وقلتلهم اشوفكم كمان سنتين
الاجمالي كان حوالي 900 جنيه لترخيص العربيه سنتين
حر ونار فجتتهم
عقبالى لما أخلص انا كمان و ألف شكر لحضرتك
ههههاقتباس:
المشاركة الأصلية كتبت بواسطة shaddadfalcon1
ألف شكر ليك يا باشا :16:
ده شكله كان يوم ظرييف جدا
بس كويس إنه خلص في نفس اليوم
مشيت عادي فيه ولا حد طلب منك فلوس؟
طيب ياريت حد يكون سجل جديد العربية في الشهر العقاري يقولنا عن الاجراءت وكمان انا غيرت متور ولسة ماثبتوش في الرخصة وانا الفحص بتاعي 2012 والرخصة هتخلص شهر 8 2011 فاعمل اية علشان انقل العربية وارخص واثبت المتور الجديد.
وشكرا ليكم مقدما.
انا دخلت المرور الساعه حوالي 10 صباحا وخلصت علي 1:30 ظهرااقتباس:
المشاركة الأصلية كتبت بواسطة angeliccore
الدنيا كانت فل الفل لحد المراجعه ودي خدت لوحدها حوالي ساعه وكام مشوار من المبني ده لمبني تاني عشان اسلم النمر القديمه والمسافه كانت بعيده شويه ودي الحاجه الوحيده اللي خنقتني وخصوصا الجو كان حر جدا
بالنسبه للفلوس محدش طلب مليم غير بتاع الطفايه كان امين شرطه كبير في السن وقالي ان عربيتك 1500 سي سي محتاجه كيلو ذياده فانا متكلمتش وكرر الكلمه تاني وقالي طيب حط الطفايه في العربيه وتعالي كمان شويه
رحت واكتشفت ان الرخصه معاه حطيت الطفايه في العربيه ورجعتلي وبقوله علي الرخصه قالي معايا وانا قلتلك عايزه كيلو ذياده وبرده انا ساكت متكملتش غير ابتسامه صغيره واقوله ماهي كانت ماشيه بيها وبعدين قالي طيب انا همشيلهالك وخلاص بقي وبعد مامضي قالي يلا وفرت عليك 190 جنيه تمن كيلو طفايه
بيني وبينك انا كنت ممكن مشيت ونفضتله بس احرجت واديته 20 جنيه بس والله ماكان في دماغي اي رشاوي لاني رايح عامل حسابي اني هشتري طفايه
بقيت الناس كل واحد بيخلص من غير كلام ويمكن ده عشان مرور ابيس في الاسكندريه اصلا نضيف
انا كمان على وشك الترخيص والفحص
الشنطه الطبيه بتيجى منين دلوقتى
وهل الطفايه لو عملتلها صيانه واتختمت واتقفلت بقفل جديد بيعتمدوها ولا لازم واحده جديده مع العلم انها لسه جديده جايبها الترخيص الى فات من 3 سنين
من المرور وممكن 'يعديهالك' هي والمثلث والطفاية لكن لو جبتهم يبقى اضمناقتباس:
الشنطه الطبيه بتيجى منين دلوقتى
عملي كده بس خد فلوساقتباس:
وهل الطفايه لو عملتلها صيانه واتختمت واتقفلت بقفل جديد بيعتمدوها ولا لازم واحده جديده مع العلم انها لسه جديده جايبها الترخيص الى فات من 3 سنين
شكرا علي الوصف ومبروك التجدبد وعقبال صاحب الموضوع....
ماشي أنا خلصت النهاردة الموضوع
ربنا مايوريكم رحت الصبح بدري على 8 كان ناقصني المخالفات استنينا ساعة لغاية ماالناس جت
أحلى حاجة كنا بتاع 40 واحد ورجالة وستات وكله لازق في بعضه ومش بس كده يعني عندك 8 شبابيك جوه النيابة كله مقفول ومدخلين طابور الستات بتاع عين الصيرة مع طابور الرجالة بتاع عين الصيرة في شباك واحد
وطابور المرور التاني المحروق في شباك اللي جمبه في نفس الكورنر فمن الاخر نص الاوضة فااااااضي والنص التاني الناس راكبة فوق بعض :ANSmile23:
المهم كل مابص جمبي الاقي لوحة بتقولك مش عارف "عزيزي المواطن ممكن تدخل على السيت وتدفع مخالفاتك بالكريدت كارد"
كل ماعيني تعدي عليها اسبلهم في سري :036:
المهم إيه بقى الورق اللي احتجته في اليومين دول..من الذاكرة التعبانة والتمن لو فاكر
صورتين من بطاقتي
صورتين من بطاقة صاحب العربية
أصل البطاقة
صورة للتوكيل
التأمين القديم
الرخصة
اللي تحته خط ده الرسمي
45 جنيه "ورق تجديد وفحص 3 سنين"
660 جنيه "وصل من البريد إني دفعت ضريبة 3 سنين"
5 جنيه "(اتاوة) رفع البصمة"
310 جنيه "تأمين 3 سنين"
25 جنيه استمارة الطفاية والمثلث والشنطة
5 جنيه ختم الطفاية
15 جنيه لمعاون المهندس - عشان مجبش مثلث وشنطة على كلامه
30 للمهندس .... بص عليها ثانيتين بالعدد وختم
5 جنيه بتاعت المخالفات
5 جنيه للملف
راجل محترم مطلبش فلوس اللي خد مني بقى كل الورق
استنيتلي بتاع ساعة ونص وخدت الرخصة بس مش قبل مطلع 5 جنيه عشان أي حجة (معيش أصل رخصة مالك السيارة :/) مع إن معايا توكيل :crying1:
كل ده وكان نفسي اروح مدفعش ولا مليم لكن كل مرة مدفعش اتلطع وفي الاخر ادفع
مع إني شددها قبل مروح وواخد معايا كل الورق عشان الحجج بس حقول إيه
ياه حمدالله على السلامه ... والله انا حامل هم المشوار ده جامد وعشان البنك لازم ارخص سنه واحده, على العموم هروح بكره السبت أخلص شوية و لو زهقت او قفلت معايا أخلص الباقي السبت اللي بعده ...هو احنا ورنا حاجه :grin54:
الله يسلمك يا باشااقتباس:
المشاركة الأصلية كتبت بواسطة amro_on
وإن شاء الله تخلصه أصله مشوار رزل بس ضروري :16:
ألف مبروك التجديد
عقبالى انا كمان تجديد و فحص , بس فى مرور العباسية و الله أعلم موجود ولا اتحرق فى الثورة
ألف شكر يا باشا وعقبالك
فضلها يوم ولا 2
الحمدلله خلص على خير ... كشفت على المخالفات ودفعتها ,لقيتها 20 جنيه بحالهم :)
وبعدين عملت التأمين ودفعت ضريبه سنه ل 1600 بس كده
بس للأسف مغيروش نمري القديمه وقلولي الجديده معدتش بتنزل مش عارف ليه... بس كويس اهم وفرولي رسوم النمر الجديده :)
ألف مبروك يا باشا
بس مخالفة إيه ال 20 جنيه دي
موضوع النمر الجديدة ده فاشل كده كده
ما أنت بتروح تجيبلهم ورقة بالقديمة القديمة كل مرة تروح تدفع