واخيرا استلمت بجد الصني عربيه جامده دبابه
اولا خطوات اخذ القرار
انا كان معايا سكودا فليشيا و كنت بصرف عليها كتير و بجيبلها حاجاتها الاصليه و كانت بتسخن و مشاكلها مالهاش اخر معايا المهم خدت قرار البيع و فعلا بعت و كملت على فلوسها و جمعت 44000
المهم كنت نويت اشتري عربيه في حدود 85000 وكان فيه مقارنات ما بين هيونداي اكسنت و جين تو و النيسان صني و كالعاده دايما
فازت الصني لاني لقيتها اولا الشكاوي منها قليله و توكيلها محترم و ديوربلتي عالي و ياباني و بجد فيها مميزات اكتر من تمنها بكتيير
---------------------------------------------------------------------------------------------------------------------------------------
دخلت ادور مين احسن موزع لصني حسيت انهم اوتو ايجبت و عرفت انهم عاملين نظام اسمه نيسان فاينانس بيخلصوا هما كل حاجه و عاملين خصم على التامين الشامل مع اليانز مصر و غير كده بيدوك هدايا كتير
---------------------------------------------------------------------------------------------------------------------------------------
اتصلت بيهم
ردت خدمة العملاء و ادوني استاذ محمد عادل فرع مدينه نصر سالته على العربيه و اللون و من توفيق ربنا قالي العربيه موجوده و بالمواصفات الي انا حددتها و قالي تعالى و احجز و بعدين نخلص اجرئات القسط براحتنا عشان العربيه متتبعش
----------------------------------------------------------------------------------------------------------------------------------
المهم روحت اوتو ايجبت فرع مدينه نصر و قابلتهم ناس محترمه بجد و سالت على اسئله كتير و اتفرجت على العربيه و عجبتني و حجزت بالف جنيه و اخترت نظام نيسان فاينانس
على اساس
مقدم 40 % و فاذده سنويه 9.1 و تامين شامل بدون تحمل شامل للنفس و للغير و على حياه 4 افراد ب 200000 و الاصلاح في التوكيل مع وجود مندوب للتامين في كل فرع توكيل بنسبه 4 % و دي صفقه ما بين نيسان و اليانز لان المميزات دي تقدر تاخدها على تامين 5.6 % بدون نيسان من بره يعني
----------------------------------------------------------------------------------------------------------------------------------
قدمنا الورق و الرد جالي خلال 24 ساعه بعد السؤال عني في البنك المركزي و البيت و الشغل و بعدها بيومين جيت دفعت بقيه الفلوس واستاذ محمد عادل كلمني قالي هاتستلم الصبح الساعه 8 الصبح بعد بكره
----------------------------------------------------------------------------------------------------------------------------------
بعدها بيوم الساعه 8 الصبح روحت استلم لقيت مفاجأه العربيه فيها دواسات اصلي و باركينج سينسور و راكبين كمان :)) مكنتس مسدق دول غاليين المهم كملت فحص العربيه و طلع معايا واحد من المعرض سهلي كل اجرائات الترخيص و اترخصت و علقت نمر في نص ساعه و رجعت على المعرض قعدت مع الراجل المحترم استاذ عبد الخالق و شرحلي كل تفتوفه في العربيه و الصيانه و الضمان و الحاجات دي و توكلت على الله و قلت الحمد لله
----------------------------------------------------------------------------------------------------------------------------------
و انا ماشي لقيت علم كبير عليه نيسان كده في محطة موبيل الاتوستراد قرب شيراتون كده فدخلت لقيت مهندس جه بكومبيوتر و فحص العربيه لقى مفيهاش حاجه و قالي الفني عامله 70 فالفني كتب 70000 المهم قاله 70 كيلو بس الراجل قعد يدحك قالي انت جاي منين قولتله من المعرض مليت فورم و اداني ريبورت ان العربيه سليمه الحمد لله و ادوني كوبون استلم بيه فلتر هديه
(بجد انا كده خدت هدايا لوحسبتها تعمل 1500 جنيه) عربيه مدلعه صاحبها
----------------------------------------------------------------------------------------------------------------------------------
بجد انا حسيت ان اختياري صح و انتو السبب فيه كل الاخوه الي في المندى الجميل ده و اخص بالذكر الاستاذ احمد مصطفى الفنان الجميل و الناس الي زي الفل استاذ محمد عادل و استاذ عبد الخالق و شكرااااااااا
---------------------------------------------------------------------------------------------------------------------------------
ليا بس سؤال ليه ال RPM بيعلى لو فاتح تكيف ده طبيعي مع اني سئلت مهندس الدعم بتاع حملة الصيانه و قالي هي كده بس بسئلكوا انتو لان ال rpm من غير تكيف على 7.5 و بليل على 8 و بالتكيف 9-10 و بالذات قبل ماقف خالص و انا ماشي لو وقفت بينزل ل 9 بالتكيف
وكمان مننساش اوتو ايجبت على الخدمة المميزه و التعامل السلس و تحمل اسئلتي الكتير
ربنا يديك من خيرها ويكفيك شرها
ربنا يديك من خيرها ويكفيك شرها