الموضوع: استفسار حول صيانة دايو لانوس 1 موديل 2000 وشكرا ؟؟؟

انا عربيتى دايو لانوس 1 موديل 2000

لما اشتريت العربية من صاحبها روحت عملت دورة صيانة كتغيير الزيوت وسير الكاتينه وغيرت البوجيهات علشان كان فيها رطوبة بس للاسف مكنتش اعرف نوع البوجيهات القديمة ايه لانها كانت افضل من الجديده الى انا اشترتها

ولما غيرت البوجيهات لقيت صوت العربية بقى عالى عن الاول وسحبتها مش زى الاول فروحت لميكانيكى كويس قالى هات بوجيهات ngk16 وهات فلتر هواء و فلتر بنزين و علبة اسبراى انجكشن الصفراء الكبيرة

واستفسارى هنا بقا :-

هل فعلا لما اغير الحاجات دى العربية هتفرق عن الاول ؟؟؟

وايه افضل بوجيهات فى السوق حاليا لعربيتى لانى وجدت اختلاف كبير على كتير من المواقع حول البوجيهات زى الاريديوم و الــ ngk وهكذا ؟؟؟؟

وهل لما ينضف الانجكشن ويغير فلتر البنزين هيقل من استهلاك البنزين عن الاول ؟؟؟


اخر حاجة : انا عندى الزجاج الامامى لعربيتى مشروخ شروخ عرضية خفيفه و قليله فهل لو تم معالجته هيرجع كما كان جديد وهيبقى باين ولا لاء ، ولا اغيره خالص ؟؟؟؟

ولكم جزيل الشكر على مساعدتكم الكريمة