موضوع للمناقشة والتعلم في قراءات الاسكانر للدايو لانوس

الحمد لله والصلاة والسلام علي رسول الله (( صلي الله عليه وسلم ))

تمكنت من الحصول علي كابل الاسكانر ال usb وبرنامج free scan وطبعا اول حاجة عملتها سطبت البرنامج علي اللاب توب وسطبت الدرايفر بتاع الكابل وبعدين

شغلت البرنامج واختارت ال com بتاع الكابل ووصلت الكابل بعربيتي وعملت الاختبار وكانت دي النتائج تعالوا نتناقش بقي في النتائج دي

http://i827.photobucket.com/albums/z...otors/11-1.jpghttp://i827.photobucket.com/albums/z...0motors/22.jpghttp://i827.photobucket.com/albums/z...0motors/33.jpghttp://i827.photobucket.com/albums/z...0motors/66.jpg

لو الscreen shots دى حقيقية من على الكمبيوتر و انت مشغل البرنامج يبقى البرنامج مهيس اخر حاجة

الRPM واطى جدا جدا عن الطبيعى... 557 فى حين ان الطبيعى حوالى 850

الIAC فى وضعية 124 و الطبيعى بيبقى حاجة و تلاتين

حرارة مية التبريد سالب 40... مستحيل و العربية دايرة و مستحيل فى مصر

البطارية مطلعة 6 فولت... ممكن لو السكانر راكب على فزبا

تقديم الشرارة صفر فى حين ان الطبيعى مش اقل من 10

حرارة الهوا اللى داخل للمكنة 118... اكيد الجو مش حر كدة

حساس الكرنك مش قارى حاجة

نسبة الهوا للوقود مش قارى حاجة

الTPS قارى 75% مع ان الRPM قارى 557 فقط

واضح ان البرنامج عامل mapping غلط للdata stream اللى خارج من الكونترول... دور على برنامج تانى يا باشا غير دة

MMamdouh

يا سلام علي الهندسة الله ينور

الله ينور عليك يا ا/محمد و شكرا على مجهود ا/ طارق و الافادة

هو الكهربائي / محمد السيد بياخد كام علشان يعمل سكانر للنوبيرا
وهل بيطلع تقرير مطبوع ولا قراءة بس

الله ينور عليك يا استاذنا الكبير
كدا يبقي ليا جلسة صفا معاك والكابل واللاب توب ونتعلم من سيادتك كيفية القرائة وملاحظة القرائات ونعدل الموضوع ونحط النسب الطبيعية والنسب الي ظاهرة في عربيتي مثلاً ونحللها تحليل فني
انا كنت شاكك مليون في الميه في النتائج وتلاحظ اني لما كلمتك بالتليفون كان اول حاجة شدة انتباهي درجة حرارة الهوا الي داخل للمحرك انها مستحيل تكون 114 درجة مؤية
تقريباً البرنامج في اختيار لكذا موديل من السيارات وتقريباً انا اخترت موديل خطاء ودا سبب ظهور القرائات الخاطئة دي

غالبا دة اللى حصل فعلا... حاول تشوف برنامج تانى

MMamdouh

اقتباس:

---

المشاركة الأصلية كتبت بواسطة osamafarouk

هو الكهربائي / محمد السيد بياخد كام علشان يعمل سكانر للنوبيرا

---

حوالى 30 جنية

اقتباس:

---

وهل بيطلع تقرير مطبوع ولا قراءة بس

---

قراءة بس

MMamdouh

لكن ممكن نعرف جبت الكابل منين وبكام؟

الف شكر يا أستاذ/ محمد ربنا يبارك فيك

اقتباس:

---

المشاركة الأصلية كتبت بواسطة tarek_2005

الحمد لله والصلاة والسلام علي رسول الله (( صلي الله عليه وسلم ))

تمكنت من الحصول علي كابل الاسكانر ال usb وبرنامج free scan وطبعا اول حاجة عملتها سطبت البرنامج علي اللاب توب وسطبت الدرايفر بتاع الكابل وبعدين

شغلت البرنامج واختارت ال com بتاع الكابل ووصلت الكابل بعربيتي وعملت الاختبار وكانت دي النتائج تعالوا نتناقش بقي في النتائج دي

http://i827.photobucket.com/albums/z...otors/11-1.jpghttp://i827.photobucket.com/albums/z...0motors/22.jpghttp://i827.photobucket.com/albums/z...0motors/33.jpghttp://i827.photobucket.com/albums/z...0motors/66.jpg

---

مبروك على تشغيل الكابل يا طارق، لكن فعلا شكل الdata mapping مش مضبوط في البرنامج مع اللانوس زي ما MMamdouh قال. و أنا مبسوط أنك نشيط و اشتغلت بيه علطول و يارب تورينا النتائج لما توصل لحاجة.

واحدة واحدة كده
حد يقولنا الكابل منين اسمه ايه و بكام ؟
البرناج ننزله منين ؟
ايه الفايدة من الموضوع ده ؟ هل هقدر اعدل حاجة ؟ و لو ينفع هعدل على اساس ايه ؟

طب ينفع احنا نعمل القراءات دى بنفسنا ، ولو ينفع ايه المطلوب بالضبط خصوصا الـ usb والبرنامج ونجيبهم منين ؟

اقتباس:

---

المشاركة الأصلية كتبت بواسطة MMamdouh

حاول تشوف برنامج تانى

MMamdouh

---

أنا عندى برنامج تانى إسمه PCM scan

أنا لم أجربه

بس كان فيه زميل فى المنتدى من زمان كان جربه

لو عايز تجربه

أرفعه لك

البرنامج معاه السيريال بتاعه

انا كمان عندي برنامج و كمان بيقرأ للسيارات الالماني - و الفرنسي
بس للأسف في المكتب يوم السبت ان شاء الله هبعتلك البرنامج

PCM Scan Full

MEGAUPLOAD - The leading online storage and file delivery service

هوة عنوان محمد السيد فين

اسم البرنامج يا كبير
mdo_i-2009
اعذرني لعدم وضع لينك التحميل

عايزين نعرف الكابل منين وبكام

أهم حاجة ايه الهدف من البرنامج ؟
هل هنقدر نعدل حاجة في العربية ؟

اقتباس:

---

المشاركة الأصلية كتبت بواسطة acoount

عايزين نعرف الكابل منين وبكام

---

بص ما تغلبش نفسك لان محدش هيفيدك في موضوع سعر الكابل ده
احسن حل :
لو معاك فيزا زي الباشا هتروح تجيبه من ع النت و هتلاقي سعره يتراوح تقريباً من 100 جنيه مصري ولا يزيد عن 500 جنيه مصري من الموقع الشهير amazon ده بالنسبة لمكان البيع و سعر الشراء

نيجي بقا للمهم
كل عربية و ليها نوع كابل .. بس الناس المتخصصة في موضوع الكبلات و استخدماتها بالسوفتوير و السيارات قالو ان الموديلات القديمة اللي هي قبل سنة 1996 بتستخدم كابلات من نوع odb 1 اما السيارات اللي من 1996 وما فوق بتستخدم انواع الكابلات odb2 طيب لو حضرتك معاك لانوس موديل 2002 مثلاً هتستخدم ايه ؟؟.. اكيد انت هتقولي هستخدم النوع odb و هنا انا هقولك غلط لان اللانوس ليها كابلات من نوع اخر و هو aldl .
و هنا سوف يتم البحث عبر الانتر نت على هذا النوع من الكبلات .. و لكن
ممكن توفر على نفسك كل ده و هتلاقي جهاز كاشف الاعطال و معاه الكابلات مختلفة الانواع و الاشكال بيتباعوا كلهم مع بعض ، انما لو حضرتك عاوز الكابل فقط بغية انك هتستخدم اللاب توب بتاعك مع البرنامج يبقا هات الكابل فقط بالطريقة السابق ذكرها .
و شكراً جزيلاً

اقتباس:

---

المشاركة الأصلية كتبت بواسطة mazagangee

أهم حاجة ايه الهدف من البرنامج ؟
هل هنقدر نعدل حاجة في العربية ؟

---

بص يا مزاجنجي يا صحبي انا هقولك
انا بصراحة ما برجحش اساسا استخدام اجهزة الاسكانر بنفسك الا اذا كنت فعلاً فاهم و محترف
و كمان في حاجه مهمة جدا .. ان الاسكانر علاقته الوحيدة بالكمبيوتر فقط و الاجزاء الكهربية ، و هنديق بقا الحلقة المفرغة على نفسنا و نقول الحساسات بصفة خاصة .
بعد كدا بقا شغل ميكانيكا الاسكانر مالوش لزمة .. يعني مثلاً لو طلمبة المية مودعة يبقا ايه فايدة الاسكانر مثلاً .. الخ
الاسكانر بيديلك الدلالة على العطل اللي بيخلي لمبة التشيك تنور و كمان بعد تصليح العطل بيعملك ريسيت للمبة علشان تطفي لان خد بالك ان لمبة تشيك حتى بعد تصليح الاعطال في بعض الاحيان بتفضل منورة الى ان يتم اطفائها عن طريق الاسكانر او جهاز الكاشف عن الاعطال .

شكراً

ده موضوع كبير ...... نبدأ نتعلمه منين ؟

اقتباس:

---

المشاركة الأصلية كتبت بواسطة mazagangee

ده موضوع كبير ...... نبدأ نتعلمه منين ؟

---

بص يا كبير الاستاذ محمد ممدوح يفيدك جدا لانه عنده الخبرة و الدراية في موضوع الاسكانر و قرياته .
هو ممكن يفيدك

اولاً لم اكن اتوقع كل هذا التفاعل من الاعضاء الافاضل مع هذا الموضوع

اقتباس:

---

المشاركة الأصلية كتبت بواسطة aam113

طب ينفع احنا نعمل القراءات دى بنفسنا ، ولو ينفع ايه المطلوب بالضبط خصوصا الـ usb والبرنامج ونجيبهم منين ؟

---

ينفع مظلوب البرنامج والكابل ولاب توب

اقتباس:

---

المشاركة الأصلية كتبت بواسطة mahmoudbadr

أنا عندى برنامج تانى إسمه pcm scan

أنا لم أجربه

بس كان فيه زميل فى المنتدى من زمان كان جربه

لو عايز تجربه

أرفعه لك

البرنامج معاه السيريال بتاعه

---

الكابل جي معاه اسطوانة عليها حوالي 15 برنامج ولسه حا اكتشفهم

اقتباس:

---

المشاركة الأصلية كتبت بواسطة sala7

انا كمان عندي برنامج و كمان بيقرأ للسيارات الالماني - و الفرنسي
بس للأسف في المكتب يوم السبت ان شاء الله هبعتلك البرنامج

---

اكون شاكر لسيادتك وياريت تكون جربته وتعملنا شرح عن طريقة الاستعمال

اقتباس:

---

المشاركة الأصلية كتبت بواسطة mahmoudbadr

pcm scan full

megaupload - the leading online storage and file delivery service

---

.
الف شكر لسيادتك وسوف يتم اختباره

اقتباس:

---

المشاركة الأصلية كتبت بواسطة amado318

هوة عنوان محمد السيد فين

---

اقتباس:

---

المشاركة الأصلية كتبت بواسطة sala7

اسم البرنامج يا كبير
mdo_i-2009
اعذرني لعدم وضع لينك التحميل

---

تكفينا مشاركتك معنا في الحوار

اقتباس:

---

المشاركة الأصلية كتبت بواسطة mazagangee

أهم حاجة ايه الهدف من البرنامج ؟
هل هنقدر نعدل حاجة في العربية ؟

---

بتقدر تعمل ريست للاعطال وتتنباء بالاعطال وعمل الايديل لرن بدوسة زرار واحد دون الانتظار والخطوات المعروفة للجميع

شاكر جدا للاستاذ احمد عامر لانه كان اشتري الكابل من علي النت ولكن وصل ليه بعد ان باع سيارته واشتري غيرها ربنا يبارك له في سيارته الجديد وانا اخذت الكابل منه وممكن اي حد عايزه يشتريه من علي النت ولكن بيتاخر في الشحن شوية وثمنه بدون الشحن والجمارك وخلافه 60 دولار

وبكرر شكري للاستاذ احمد عامر

اقتباس:

---

المشاركة الأصلية كتبت بواسطة amado318

هوة عنوان محمد السيد فين

---

ناصية جابر ابن حيان مع شارع الدقى... تالت يمين بعد ما تنزل من كوبرى الدقى فى اتجاه جامعة القاهرة

MMamdouh

اقتباس:

---

المشاركة الأصلية كتبت بواسطة tarek_2005

شاكر جدا للاستاذ احمد عامر لانه كان اشتري الكابل من علي النت ولكن وصل ليه بعد ان باع سيارته واشتري غيرها ربنا يبارك له في سيارته الجديد وانا اخذت الكابل منه وممكن اي حد عايزه يشتريه من علي النت ولكن بيتاخر في الشحن شوية وثمنه بدون الشحن والجمارك وخلافه 60 دولار

وبكرر شكري للاستاذ احمد عامر

---

اقتباس:

---

المشاركة الأصلية كتبت بواسطة tarek_2005

شاكر جدا للاستاذ احمد عامر لانه كان اشتري الكابل من علي النت ولكن وصل ليه بعد ان باع سيارته واشتري غيرها ربنا يبارك له في سيارته الجديد وانا اخذت الكابل منه وممكن اي حد عايزه يشتريه من علي النت ولكن بيتاخر في الشحن شوية وثمنه بدون الشحن والجمارك وخلافه 60 دولار

وبكرر شكري للاستاذ احمد عامر

---

يا باشا العفو. على إيه بس. ده أنا كنت مبسوط جدا أني أول مرة أشوف واحد من على المنتدى وجها لوجه و الصراحة أنت شخص محترم جدا و كمان كنت مبسوط أني شفت واحد بيحاول يشتغل في عربيته بنفسه. يارب تكون مبسوط بالكابل.

اللينك للموقع اللي بيتباع فيه الكابل ALDL OBD1 OBD cable OBDI OBD2 engine codes

الكابل تمنه 60 دولار (حوالي 360 جنيه) و بعد الشحن و الجمارك بيعمل حوالي 620 جنيه مصري (معرفش ايه كل الفلوس الزيادة دي على حتة كابل !!!!!!!! ) و ده فايدته أنه بيخليك توصل اللابتوب على كمبيوتر العربية (ECU) و تقرأ كل الحرارات و الفولتات و السرعات و حاجات تانية كتير. و فيه عربيات فيها امكانية الكتابة على ال ECU و ده بيبقى اسمه الRemapping و طبعا محدش يحاول يعمله لوحده.

الحمد لله ----اخيرا هيبقى عندى جهاز للكشف ومش هحتاج لاى مهندس او ميكانيكى
يا ريت حد يشوفلنا غرفة عمليات صغيرة نقدر نعمل فيها العمليات الخفيفة لبعض ولا الحوجة للدكاترة (بس ياريت محدش ينسى العدة فى بطنى )
ولو بالمرة حد يشترى جهاز تحاليل واشعة ---احسن من استغلال المعامل
انا بافتخر بانضمامى للمنتدى -----الحمد لله

طب هو حد عندة قريات الدايو الاستندر بتاعت العربيات