جوان وش السلندر

**MOSTAFA . AHMED** · 10-06-2011 06:13 PM

الى الاخ الفاضل صلاح :
اولا انا شاكر لردك جدا
ثانيا انا لما زهقت من نقصان الميه في العربية وانا فعلا معنديش حد في اسكندرية بيكبس دورة النبريد اخذت الموضوع تدريجي:
1- قمت بتغير جميع الوصلات الكوتش اللي داخله الى الراديتير والوصلات الكاوتش اللي داخله المكنه و اي وصلة موجوده تحت الكبوت
2- تم تغيير جميع الطبات اللي موجوده في الموتور وعددهم 5 طبات
3- العربية عندي عاملة 125000 كم في صيانة 85000 تم تغيير طلمبة الميه بواحدة اصلية
4- من حوالي 6 شهور تم تغيير القربة بتاعة الميه بواحدة اصلية وتغيير غطة القربة بواحد اصلي بتاع الاوبترا
5- كان من حوالى سنه كان عندي مشكلة في التكييف السخن وكان امامي وقتها حل من 2 يا اما اغير سربنتينة السخن وكانت تكلفتها حوالي 400 جنيه او يا اما الغيها خالص ونتيجة ايامها اني قلت للراجل انه يلغيهاخالص ومن وقتها والعربية بلا تكييف سخن
6- روحت لواحد متخصص بتاع رادياتيرات وكشف على على الرادياتتير وبردوا ملقاش فيه تسريب ولا في الفبرة بتاعته
الغريب اني انا صرفت في الموضوع ده كتير قوي وبرده المشكلة متحلتش وفي مرة كنت بتابع موضوع على المنتدى هنا ولقيت حد عارض مشكلة قريبة لمشكلتي وكان حلها انه غير جوان وش السلندر فقلت يبقى هو ده اللي فاضل رغمك ان العربية مش بتدخن ولا بتسخن بس القربة بتقص وغير كده العربية عندي زي الفل
انا اسف للاطالة بس الصراحة انا زهقت من مشكلة الميه ده ( مصطفى الطرنبجي )

**hamido46** · 10-06-2011 06:25 PM

هي فين بير مسعود ؟؟؟؟؟...و فيه ميكانيكي كويس بتعمل معا من فترة فيه فيكتوريا إسمه ماجد و هو هيعملك كبس للدورة لو عايز ترحل ألي أوصفهلك

**MOSTAFA . AHMED** · 10-06-2011 06:32 PM

هي فين بير مسعود ؟؟؟؟؟...و فيه ميكانيكي كويس بتعمل معا من فترة فيه فيكتوريا إسمه ماجد و هو هيعملك كبس للدورة لو عايز ترحل ألي أوصفهلك

بير مسعود في ميامي بجوار نادي السيارات على البحر
ولو ماجد ده ميكانيكي كويس وعنده كبس لدورة التبريد قولي مكانع فين ويبقى ليك الاجروالثواب عند الله
وشكرا لمجهودك

**hamido46** · 10-06-2011 08:18 PM

طب كدة فيكتوريا تعتبر أريبة له حضرتك و هو مكانيكي كويس و عند كبس دوارة و نمرة اه 0127533081 هو الصراحة أنا مش هقدر أوصفو عشان أنا حمار فالوصف فه كالمو و لم ترحلو إبئة ألي نتأبل فيه مكان و أرح معك اه رايئق؟؟؟

**hamido46** · 10-06-2011 08:43 PM

عشان أكن حولت فالوصف و حضرتك غاي من أبوقير ريح فيكتوريا عند جليم كدة فيه هناك إشارة إلي هي ممكن تطلعك على بحر أو سان ستيفانو احنا حنكمل أبوقير هتلئي بعد الإشارة بحبة صغيرين على لمين فيه بنزينا صغيرة بعدها هتلئي شارع إدخل فيه هو فيه مترو و بعد كدة لمين متابع .....خلي بالك هو لمين لزق ... بعد كدة هتفضل ماشي هتلئي على لمينك مدرسة يبئة إنت صح هتلئي بعد كدة على شمالك محل متسكلات أو عجل إدخل الشارع و امشي فيه بعد كدة هو فيه شارع شمال تقريباً تالت واحد هتلئي عامود نور متعلق عليها يافطة علامة سكودا هو دة الشارع هناك تكن وصلت ...أنا عارف إنت طولت بس أهو :d

**MOSTAFA . AHMED** · 12-06-2011 10:34 AM

انا شاكر لمجهودك بس انا حبقى اكلمه واروح له بس ليا سؤال بياخد كام في كبس دورة التبريد واسف على الازعاج

**hamido46** · 12-06-2011 04:24 PM

10 جنيه تقريباً .... هو جهاز بيتوسل على فتحت الاربة و بيزود الضخت جوا عن طريقك يضخ هوى فه المفروض انوه لو فيه تسريب يبان هي ده الفكرة

**popahly** · 12-06-2011 05:27 PM

والله يا اخونا دى مشكلتى فى العربية من سنة ونص ومش لاقيلها حل عند حد،، وكبست عند محمد عبده وغيرت كل اللى انت مغيره دا كله وبرضوا ابوك عند أخوك لامؤخذه لا جديد المياه بتنقص وكل شهر لازم املى القربة كاملة والله مش عارف اشيك على ايه تانى انا زهقت

**MOSTAFA . AHMED** · 13-06-2011 09:44 AM

10 جنيه تقريباً .... هو جهاز بيتوسل على فتحت الاربة و بيزود الضخت جوا عن طريقك يضخ هوى فه المفروض انوه لو فيه تسريب يبان هي ده الفكرة

انا شاكر جدا افضالك يا باشا

**MOSTAFA . AHMED** · 22-06-2011 10:04 AM

والله يا اخونا دى مشكلتى فى العربية من سنة ونص ومش لاقيلها حل عند حد،، وكبست عند محمد عبده وغيرت كل اللى انت مغيره دا كله وبرضوا ابوك عند أخوك لامؤخذه لا جديد المياه بتنقص وكل شهر لازم املى القربة كاملة والله مش عارف اشيك على ايه تانى انا زهقت

محمد عبده مش في اسكندرية اعتقد ثم ان حضرتك بتملى القربة كل شهر انا بملاها كل يومين