بص يا باشا كل الى اعرفه ان جوان وش السلندر ملوش علاقه بنقصان المايه لان انا غيرته مرتين لانه كان بيجيب زيت ومع ذلك القربه عمرها ما نقصت عندي اكيد حاجه تانيه غير جوان وش السلندر
عرض للطباعة
بص يا باشا كل الى اعرفه ان جوان وش السلندر ملوش علاقه بنقصان المايه لان انا غيرته مرتين لانه كان بيجيب زيت ومع ذلك القربه عمرها ما نقصت عندي اكيد حاجه تانيه غير جوان وش السلندر
ممكن لو التلف فى الجوان جنب مجرى من مجارى المية حيحصل نقص فى مية التبريد
MMamdouh
من يومين لقيت كاوتشه في ظهر المنافول بتاع العربية ليها فتحة ضيقة والفتحة التانية واسعة لقيتها مقطوعة وغيرتها ب 30 جنيه ولسه المية بتنقص ( انا زهقت )
يا برنس انت قصادك 3 حجات تشيك عليهم
1- رادياتير فيه خرم او الفبرح مشروخه و انت مش واخد بالك .
2- قربة مهربه و انت مش واخد بالك .
3- طرمبه و كوعة ترموستات بيهربوا مية و انت مش واخد بالك.
انا بقولك ليه و انت مش و اخد بالك ؟؟ لان العربية و هي دايرة وانت و اقف و فاتح غطا الماكنة غير و العربية ماشية ... فهمت انا اقصد ايه ؟؟؟
العربية و هي ماشية في كبس و ضغط مية بيكون عالي فاسعتها بيحصل تسريب
العربية و هي دارية فقط ضغط المية و جريانه في دورة المية منخفض و مش هيبانلك اي حاجه غير لو فيه قطع كبير في خراطيم او كسر كبير في اي فبر في دورة المية ...
اقتباس:
يا برنس انت قصادك 3 حجات تشيك عليهم
1- رادياتير فيه خرم او الفبرح مشروخه و انت مش واخد بالك .
2- قربة مهربه و انت مش واخد بالك .
3- طرمبه و كوعة ترموستات بيهربوا مية و انت مش واخد بالك.
انا بقولك ليه و انت مش و اخد بالك ؟؟ لان العربية و هي دايرة وانت و اقف و فاتح غطا الماكنة غير و العربية ماشية ... فهمت انا اقصد ايه ؟؟؟
العربية و هي ماشية في كبس و ضغط مية بيكون عالي فاسعتها بيحصل تسريب
العربية و هي دارية فقط ضغط المية و جريانه في دورة المية منخفض و مش هيبانلك اي حاجه غير لو فيه قطع كبير في خراطيم او كسر كبير في اي فبر في دورة المية ...
النهارده بليل نزلت للعربية بنفسي وزودت الميه في القربة وسبت العربية لحد المراوح ما اشتغلت بصيت على القربة لقيت الميه بتتقص في لحظة تشغيل المراوح بمعدل ان القربة في خلال 20 ثانية كانت فضيت قعدت الف حولين العربية علشان اشوف ميه بتسرب من اي حته ولا نقطة واحده على الارض المهم قلت يمكن دورة التبريد ده واخده هوا روحت جايب بنز وفكيت طرف الخرطوم اللي خارج من الرادياتير نحية اليمين وانت واقف قدام العربية وزودت الميه لحد ما حسيت ان الميه خارجة بانتظام من الرادياتير ووصلت الخرطوم تاني واستنيت المراوح تشتغل لقيت الميه نقصت شويه في القربة بس مش زي اول مره هل اللي انا عملته ده صح ولا ايه !!!!
على فكرة بعد ما بطلت بشوية قلت ابص على الزيت لقيت الزيت كويس ومش ناقص
الصراحة مفيش حاجة مضيقاني في العربية غير الموضوع ده
السؤال بقا لخبيرنا الاستاذ محمد ممدوح و الى كل من يعرف الحل
س: اين يمكن سير تهريب المية او بمعنى اصح اختفاء المية في عربية الراجل الطيب ده ؟؟
بقولك ايه يا برنس .. معلش انا هجرب معاك حاجه بس للتأكيد
حضرتك هتنزل و العربية بارده خالص هتفتح غطاء الماكينة و تروح على البلف بتاعة الرادياتير اللي بيكون مكانه تحت على شمال الرادياتير و اللي بدوره بتنزل منه مية دورة التبريد بالكامل
1- هتفكها و تنزل المية كلها بالكامل و بعد كدا اربط البلف تاني .
2- هتعبي المية من القربة و تفضل متابع فقاعات الهوا اللي بتخرج اثناء ملىء القربة .. طبعاً المية عمالة تنقص لانك بتملا دورة التبريد و طبعأ عنيك على الفقعات اللي عمالة تخرج لحد ما الفقعات تقف و الميه تكون لحد علامة ماكس .
3- دور العربية و ارجع تاني لاحظ الفقعات في القربة - المية لما تنقص عن علامة الماكس زود و زود بنزين - المية تنقص زود لحاد ما يبقا تمام و مافيش نقص مية في القربة
اقفل غطا القربة - اطلع بالعربية مشوار كدا صغير و لا حاجة
لو فيه نقص هقولك تعمل ايه
لو مافيش نقص يبقا كدا تمام يا غالي و ان شاء الله يبقا موضوعك اتحل
انا حاليا بمر بنفس المشكلة بس المياه عندي بتطلع من غطا الربة حتي بعد ما غيرته اكتر من مره ما بين جديد و استعمال
هل ديه اعراض جوان برده ولا حاجة تانية ارجو الافادة
علي فكرة الزيت عندي مش مطحن
معلش ياباشا نسيت اقولك بالنسبة للموضوع اللي بكلمك عليه و اللي احنا هنجربه انت هتضحي شوية بإنك هتشتري مية خضرا عوضاً عن المية العادية علشان بردوا نعرف ونتأكد من مكان التهريب عن طريق المادة الفسفورية المذابة فيها .بس على شرط انك بعد ما تخلص الشغلانة دي كلها تطلع مشوار علشان يحصل ضغط و يبان بسرعة
انا مستني النتيجة و متابعك
على فكرة يا باشا من اعراض تلف الجوان ان العربية [تسخن - برجلة و متبقاش مضبوطه - تدخن في بعض الاحيان - الزيت يعمل طحينة و ... و ...]
هل ده بيحصل عندك ؟؟؟
حضرتك سألت و جاوبت على سؤالك العيب في غطاء الاربة ... و على فكرة غطاء الاربة ليه وظيفة مهمة جدا في دورة التبريد
لو جيت لحظت هتلاقي في الغطاء من الداخل عبارة عن صمام بيسمح بتفريغ الهواء المنضغط داخل دورة التبريد