جوان وش السلندر

**samyomar** · 28-06-2011 04:35 PM

المشاركة الأصلية كتبت بواسطة aaffii

انا متشكر يا أستاذ سامي
بس ليا سؤال هما اخدوا منك كام في الكشف

هم كشفو و لقو كوعة المياه اللى بتبقى موجوده قبل الراديتير مشروخه و بتجيب مياه و غيروها و غيرو مياه و طلعت من عندهم زى الباشا و انا دافع 300 جنيه
طبعا حسبولى الكوعه 120 جنيه مع ان تمنها بره لا يتعدى 80 جنيه
حسبولى المياه الخضرا 100 جنيه تقريبا على ما اذكر
و الباقى كشف و مصنعيات و خلافه
و طبعا انا يومها كنت مسافر يوم حد و العربيه سخنت منى و الميكانيكيه كانو قافلين فى اسكندريه ( الاجازه الاسبوعيه ) و طبعا كنت مضطر ادخل عندهم علشان الوقت
بس لو عاوز الصراحه ال 300 جنيه مش هم المشكله الحقيقيه لكن المشكله فى اللى حصل و هم بيجربو العربيه بعد ما غيرو كوعة المياه و دورو العربيه
المهندس المحترم قالى و بكل ثقه ان العربيه عاوزه يتغيرلها جوان وش سلندر لانها بتنفخ مياه و هى دايره
و سالته انت متاكد من الكلام ده قالى طبعا الموضوع واضح و اكيد
سالته عن التكلفه قالى فى حدود 2000 جنيه ( طبعا حاولت ابقى مؤدب و مسكت نفسى و قلتله هو تمن الموتور استيراد بكام )
المهم انا شكرته على مجهوداته الجباره و اخدت العربيه و مشيت و اجلت سفرى و رحت بيها لمركز الصيانه اللى بتعامل معاه
و لقيت ان دورة التبريد واخده هواء و ده اللى بيسبب الفوران و العربيه سخنه و غطا القربه مفتوح
و طبعا العربيه لا كان فيها جوان ولا يحزنون و ماشيه زى الفل لحد دلوقتى الحمدلله . علشان كده قلتلك خلى بالك من الاشتغالات بتاعتهم
اكشف على دورة التبريد و خلاص
و اى عيب تلاقيه فيها صلحه بره
و اسف ع الاطاله بس حبيت اشرح تربتى علشان محدش يقع فى نفس المشكله

**MOSTAFA . AHMED** · 28-06-2011 04:56 PM

سالته عن التكلفه قالى فى حدود 2000 جنيه ( طبعا حاولت ابقى مؤدب و مسكت نفسى و قلتله هو تمن الموتور استيراد بكام )

كويس ان حضرتك حاولت لاني لو مكانك مكنتش حبقى مؤدب
عموما انا شاكر افضالك جدا

**samyomar** · 28-06-2011 07:39 PM

المشاركة الأصلية كتبت بواسطة aaffii

كويس ان حضرتك حاولت لاني لو مكانك مكنتش حبقى مؤدب
عموما انا شاكر افضالك جدا

العفو مفيش اى حاجه احنا كلنا هنا لخدمة بعض و يا رب يصلحلك الحال و يوفقك فى تصليح عربيتك باسرع وقت ان شاء الله

**MOSTAFA . AHMED** · 28-06-2011 09:48 PM

العفو مفيش اى حاجه احنا كلنا هنا لخدمة بعض و يا رب يصلحلك الحال و يوفقك فى تصليح عربيتك باسرع وقت ان شاء الله

شكرا لذوقك

**sala7** · 29-06-2011 04:56 AM

متابع باهتمام

**ELANTEEL** · 08-07-2011 07:05 AM

اخى العزيز aaffii انا قرات الموضوع كله
انا أولا أهنىء جميع الاعضاء المشاركين فى الموضوع (اراء رائعه وعن خبره حقيقيه)
اما بالنسبه لمعاناتك انا مريت بيها كلها جزء جزء و فصل فصل
لحد ما قررت انى افك وش السلندر و اشوف اخرتها ايه وشوف بعينى
لقيت - مع الميكانيكى- وش السلندر بايظ بطريقه مختلفه تماما
ملحوظه هامه جدا للى جاى بعد كده( العربيه زى الفل بتجرى نار ومفيش غير مشكله الميه)
التسريب العادى ميه على زيت ويطحن
لكن انا لقيت ( فتحات الميه مسربه على السلندر )

يعنى

لما العربيه بتسخن الميه بتبقى بخار و تطلع مع العادم بعض الناس هيقولك لأ ده هايطلع بخره بيضه مع العادم و ده كلام صح بس ده لو تسريب البخره كتير لكن مع التسريب قليل مش هايبان خالص فى العادم
وانا بالتكلم على الكميه الى داخله البستم مش كميه الميه المستهلكه من الاربه
المهم انا طولت عليك ( قول طول)
ولكن ذلك للتوضيح
انا انصحك بفك وش السلندر ويص مش هاتخسر قد الى خسرته لأنى بعد ماغيرت الوش كله بقى تمام وماشى بيها زى الفل بسم الله ماشاء الله مازوتش ميه بقالى 8 اشهر بعد ماجالى هسس ()من تزويد الميه كل شويه وكل مشوار
الكلام ده والله عن تجربه حقيقيه منى انا شخصيا والله على ما أقول شهيد
انا قعدت فى المشوار ده 4 اشهر لحد ما ربنا انعم عليا بالحل
ارجوا ان أكون قد افدت ولو بالقليل تحياتى لمشرفى المنتدى ولجميع الاعضاء

**acoount** · 09-07-2011 01:43 AM

كانت عندى المشكله وزياده عليها تسمع تقليب مياه جوه التيلوه لحد ما العربيه تسخن والعيب كانت القربه مشروخه ومش بتبان نهائى واكتشفها الميكانيكى بالصدفه لقى نقطه صدا على السيرفو قالى ده صدا الموتور وواضح ان القربه لما بتوصل لدرجه معينه بيبان العيب ما يبنش من التسخين العادى وغيرت القربه وشيكت على الميه بعد 4 ايام لقيتها تمااااااااااام قلت انقل التجربه للافاده

**MOSTAFA . AHMED** · 10-07-2011 11:02 AM

اخى العزيز aaffii انا قرات الموضوع كله
انا أولا أهنىء

جميع الاعضاء المشاركين فى الموضوع (اراء رائعه وعن خبره حقيقيه)
اما بالنسبه لمعاناتك

انا مريت بيها كلها جزء جزء و فصل فصل

لحد ما قررت انى افك وش السلندر و اشوف اخرتها ايه وشوف بعينى
لقيت - مع الميكانيكى- وش السلندر بايظ بطريقه مختلفه تماما
ملحوظه هامه جدا

للى جاى بعد كده( العربيه زى الفل بتجرى نار ومفيش غير مشكله الميه)
التسريب العادى ميه على زيت ويطحن
لكن انا لقيت ( فتحات الميه مسربه على السلندر )

يعنى

لما العربيه بتسخن الميه بتبقى بخار و تطلع مع العادم بعض الناس هيقولك لأ ده هايطلع بخره بيضه مع العادم و ده كلام صح بس ده لو تسريب البخره كتير لكن مع التسريب قليل مش هايبان خالص فى العادم
وانا بالتكلم على الكميه الى داخله البستم مش كميه الميه المستهلكه من الاربه
المهم انا طولت عليك ( قول طول)
ولكن ذلك للتوضيح
انا انصحك بفك وش السلندر ويص مش هاتخسر قد الى خسرته لأنى بعد ماغيرت الوش كله بقى تمام وماشى بيها زى الفل بسم الله ماشاء الله مازوتش ميه بقالى 8 اشهر

بعد ماجالى هسس (

)من تزويد الميه كل شويه وكل مشوار
الكلام ده والله عن تجربه حقيقيه منى انا شخصيا والله على ما أقول شهيد
انا قعدت فى المشوار ده 4 اشهر لحد ما ربنا انعم عليا بالحل
ارجوا ان أكون قد افدت ولو بالقليل تحياتى لمشرفى المنتدى ولجميع الاعضاء

شكرا لمشاركتك

**MOSTAFA . AHMED** · 10-07-2011 11:02 AM

كانت عندى المشكله وزياده عليها تسمع تقليب مياه جوه التيلوه لحد ما العربيه تسخن والعيب كانت القربه مشروخه ومش بتبان نهائى واكتشفها الميكانيكى بالصدفه لقى نقطه صدا على السيرفو قالى ده صدا الموتور وواضح ان القربه لما بتوصل لدرجه معينه بيبان العيب ما يبنش من التسخين العادى وغيرت القربه وشيكت على الميه بعد 4 ايام لقيتها تمااااااااااام قلت انقل التجربه للافاده

غيرت القربة ومفيش فايده

**ELANTEEL** · 13-07-2011 05:40 PM

اخى العزيز aaffii
بص باه عاوز اقولك كلمه بس اوعه تزعل
هاتفك وش السلندر يعنى هاتفك وش السلندر
وربنا يسترها معاك
EL ANTEEL

الموضوع: جوان وش السلندر

LinkBack

أدوات الموضوع

عرض

-

-

-

-

-

-

المواضيع المتشابهه

جوان وش السلندر

جوان وش السلندر

جوان وش السلندر

جوان وش السلندر

جوان وش السلندر

الكلمات الدلالية لهذا الموضوع

المفضلات

المفضلات

ضوابط المشاركة