جديد مع الماتركس 2005

**eng_ahmedmf** · 09-06-2011 02:20 PM

السلام عليكم
انا لسه شاري ماتركس 2005 ب 61 الف فابريكه من جوه و راشه بره نظافه عامله 102الف كيلوا
لونها فضي
فيها المعدن الجانبي بس مافيش امامي ولا خلفي
انا مهندس معماري
ماليش في العربيات نهائي و لسه مبتدا و ياريت استفاد من الخبرات الموجوده في المنتدي
انا هغير زيت بس قولت اخد راي المنتدي اجيب نوع ايه مع العلم ان استخدادمي خفيف للعربيه جدا
يعني انا ممكن اعمل في السنه 10000 كيلو متر فقط ده بالكتير فا عايز اعرف ايه النوع المناسب معايا
و ابدا اعمل صيانه طبعا عشان لسه جايبها
فا انا سالت قالوا غير زيت و فلتر و سير كاتينه ياتري في حاجه كمان ضروري اعملها
شكرا ليكم و ان شاء الله ارفع الصور قريب

**احمد المصرى** · 09-06-2011 04:41 PM

الف مليون مبروك انت تعمل الصيانه الطبيعيه

تغيير زيت موتور وتغير فلاتر الهواء والزيت والبنزين ولو فيها فلتر تكييف تغيره وتغير السيور سير الكاتينه والدينامو والتكييف

وتبص على البوجيهات لو عايزه تتغير .... وتبص على ديل الفرامل امامى وخلفى لو عايز يتغير

ولو العربيه اتوماتيك يبق تغير زيت الفتيس الاتوماتيك

**HOSSAM99** · 25-06-2011 03:03 AM

و عليكم السلام و رحمة الله
الأستاذ أحمد المصري قام بالواجب
و أضيف كمان بعد كلام أستاذ أحمد
تغير مياه رياداتير و أكشف علي العقشه و ربطها
أما الزيت فأنا بغير زيت شل الأصفر 5000 كم
و ألف مبرو علي العربيه و بالتوفيق لحضرتك