اتوقع استمرار نزول نفس الشكل الموجود فى 2010 و2011
عرض للطباعة
اتوقع استمرار نزول نفس الشكل الموجود فى 2010 و2011
انا بجد بعشق العربية دى جداااااااااااا وبفكر فيها جديا بعد ارتفاع سعر الفيات ايفو الغير مبرر
الف شكر لكل من شارك فى الموضوع المتواضع ده
وفتحت الموضوع لسبب نزول صنى ٢٠١٢ المفروض يبقى فى شهر يونيه الحالى لأنى اللي انا اعرفه موديلات النيسان تنزيل من شهر يونيه إلى يونيه السنة التالية وكل الموضوع الناس اللى فى اوتو ايجيبت قالو احتمال الشكل يتغيير نهائى عن سنة ٢٠١١ واحبيت شارك معاكم هذا الرأى ومش عارف هل الكلام صحيح ولا لأ مع العلم هما مش عارفين ايه اللي هينزل مصر لسنة ٢٠١٢ بنسة لنيسان صني هل ١٥٠٠ سى سى صنى اللي شبه رينو سكالا وأنا عن نفسى شكل ٢٠١١ جميل جدا ومعروف وقطع غياره موجودة ومنتشره فى مصر
والف شكر للجميع
المهم فى الموضوع صنى ٢٠١٢ الشكل الحالى أو الشكل الجديد
هينزل امتى أو هيبتدى الحجز عليه امتى
هو ده المفيد
الف شكر للمنتدى اللى هو يعتبر بيتنا فى السيارات والف شكر لكل الأعضاء
نفس الشكل الموجود فى 2011 في 2012
100 100
اولا : نيسان صنى الشكل الجديد مختلفة اختلاف تمام عن شكل رينو اسكالا اللى بتنزل مصر واللى بتنزل فى الخليج باسم صنى
ثانيا : الصنى اللى حتنزل موديلات 2012 هى هى الشكل القديم بس اختلاف سنة الموديل فقط
ثالثا : الصنى الجديدة 1500 سى سى هى اسمها 2012 ولسه حتنزل فى مصر بعد 2012 لاسباب كتيرة
منها :
- العربية لسه انتاجها من كام شهر حديثة , ولسه ملفتش واتابعت فى العالم , هى والتيدا الهاتش باك
- المصنع عندنا بيقفل الصنى الشكل القديم , واللى حتنزل لسه الجديدة دى فيها اوبشنات كتيرة سواء فى الصالون او فى الماتور ,وطبعا تقفليها حيحتاج دقة عالية جدا فى التجميع ,, فمش عارفين حيقفولها هنا , او حيبعتوا يجيبوها مستوردة زى ما هى
- واحتمال لو مستوردة سعرها يتغير ويعلى
- ولو حتتقفل هنا بردوا سعرها حيتغير بردوا لان العربية فيها فتيس cvt xtronic وفيها ستارت انجين وفيها امكانيات كويسة
- فالموضوع ده لسه فى مفاوضات كبيرة فى مصنع نيسان على اللى حيتم فى المستقبل عشان لو حيقفلوا العربية هنا فيشوفوا ازاى حيتفادوا اى عيبوب فى التقفيل كانت موجودة زمان فى الموديلات القديمة
رابعا : الموضوع لسه بدرى عليه شويتين
خامسا : الناس فى اتو ايجيبت سالتهم ,, قالولى لسه بدرى بردوا ومعندناش خبر اكيد بالموضوع ده وقالولى نفس الكلام اللى قولته
وقالولى لسه بعد 2012 ياجماعة
سادسا : تحياتى