لدي صديق يمتلك سياره كيا كارينز و كان قد ركنها في شارع حيوي جدا(مش عارف هو حقوق طبعت علي ولا ايه!!)
المهم يعني هو راح مشوار و راجع و كان مركب انزار قبلها بيوم واحد وجد ان الانزار شغال و هو بيقرب لقا حد داخل العربيه و الي جوه لحظه كانو 2 علي ما اظن و فتحو الباب و جرو و اختفو في سواني و لكن الغريب ان كان في تاكسي راكن وراه و بيغسل العربيه (نوع من التمويه طبعا انه هو الي بيخلي الانزار يضرب من حركته حول العربيه) و صحبي خد العربيه و مشي علطول
سيناريو السرقه
الحرامي كسر المثلث الي ورا الازاز الخلفي الي بيكون فامي في بعض العربيات و واضح انه كسره بأيده لان في اثار دم و فتح الاكره(ناس محترمه مش عوزه تكسر ازاز العربيه بردو:Ka_che1[1]: ) و دخلو العربيه و كانو في محاوله لادارتها علي ما اظن ولكن لم يحالفهم الحظ الحمد لله
طبعا كل الناس بتشتغل الواحد بموضوع البصمه و بيقولو جهاز ب 1250 كنيه(شيفين الدقه) من الصين بيفتح و يدور اي عربيه سيراتو (علي اساس ان البصمه مش في عربيات تنيا من 10 سنين ولا مفكروش في الجهاز الا مع نزول السيراتو!!!)
عموما انا مش مقتنع بالموضوع ده نهائي و شايف ان الموضوع كله ان اكثر عربيه انتشارا هي اكثر عربيه معرضه للسرقه في ظل هذا الانفلات الامني و ياريت كل واحد يحاول يامن عربيته علي قدر المستطاع في هذه الفتره و في مواضيع كتير في القسم بتوضح طرق تأمين كثير منها فعاله و ربنا يستر و تعدي الازمه دي علي خير
تقبلو تحياتي
وشكرا