حوار د. عبد المنعم او الفتوح للتليفزيون الاسرائيلي (حد بيعرف عبري؟)

**ecybrarian** · 09-06-2011 05:18 PM

الفيديو دا منتشر على النت..وطبعا خناقات حول الفيديو..مع إن ما حدش عارف التعليق العبري بيقول ايه؟؟؟ ممكن حد يفهمنا..هو عموما كلام د. ابو الفتوح بالإنجليزي وما فيش حاجة واضحة ضده في كلامه. وفي حوار مع احد قيادات الاخوان في سوريا كمان..

[youtube]http://www.youtube.com/watch?v=lszmPKaL7Gk[/youtube]

**M.Elwan** · 09-06-2011 06:32 PM

هو فعلا الحوار مفيش فى حاجة ضدة فى اجاباته ماعدا حاجة واحدة بس هو ازاى وافق يعمل حوار مع مراسل تليفزيون اسرائيلى وعارف انه حيتذاع على تليفزيون اسرائيل رغم موقف الاخوان الواضح من اسرائيل

**itsonlyme** · 09-06-2011 07:27 PM

في الفيديو مكتوب ان تاريخ المقابلة 2009.

وده بيان للمكتب الاعلامي للدكتور عبد المنعم أبو الفتوح عن المقابلة دي.

البيان بيقول ان التاريخ قبل 2007 وان المذيع قال انه صحفي انجليزي.

**mo3000m** · 09-06-2011 07:39 PM

المشاركة الأصلية كتبت بواسطة itsonlyme

في الفيديو مكتوب ان تاريخ المقابلة 2009.

وده بيان للمكتب الاعلامي للدكتور عبد المنعم أبو الفتوح عن المقابلة دي.

البيان بيقول ان التاريخ قبل 2007 وان المذيع قال انه صحفي انجليزي.

ازاي يعني هو ابو الفتوح كان هيرشح نفسه من 2007

**itsonlyme** · 09-06-2011 07:43 PM

المشاركة الأصلية كتبت بواسطة mo3000m

ازاي يعني هو ابو الفتوح كان هيرشح نفسه من 2007

أنا ماشوفتش الفيديو كله ... بس الأجزاء اللي شوفتها مفهاش كلام عن ترشيح د. عبد المنعم نفسه للرئاسة.

الكلام كان عن الاخوان المسلمين وموقفهم من الديمقراطية والقضية الفلسطينية.

**ecybrarian** · 09-06-2011 10:14 PM

نفى الدكتور عبد المنعم أبو الفتوح القيادي في جماعة "الإخوان المسلمين" والمرشح المحتمل لانتخابات رئاسة الجمهورية الخبر الذي تداولته مواقع إلكترونية عن إدلائه بحديث لقناة تليفزيونية إسرائيلية، مؤكدا أن مقطع الفيديو الذي نشر هو من مقابلة أجراها معه صحفي قدم نفسه على أنه صحفي بريطاني يعمل في قناة تليفزيونية بريطانية.
وقد حاولت " بوابة الأهرام" الاتصال بالدكتور أبو الفتوح للرد على الفيديو، لكن تليفونه كان مغلقا لفترة طويلة.
قال أبو الفتوح، في بيان صحفي إن المقابلة التي نشرت قديمة أجريت قبل عام 2007 لأن المكتب الذي يظهر فيه هو مكتب قديم غير مكتبه الحالي.
شدد أبو الفتوح على موقفه الداعم للقضية الفلسطينية الذي يظهر جليا خلال تاريخه السياسي الطويل ومن خلال عمله كأمين عام اتحاد الأطباء العرب.
حذر مكتب أبو الفتوح من تكرار مثل هذه الأخبار التي تهدف بالأساس إلى نشر أكاذيب، خلال الحملة الانتخابية، تسيء إلى صورته واسمه كمرشح لرئاسة الجمهورية.
===
ابو الفتوح ينفي

**رزق** · 09-06-2011 10:18 PM

عادي يا باشا
ما أنا ملاحظ إن أي حد يرشح نفسه دلوقتي بقى بيفتح على نفسه وأهله ل أي حد يرمي عليه كلام ويسوء سمعته
مش فارقة ليبرالي اخواني كله حيتبللي عليه حيتقلبله في دفاتره القديمة حتطلع فيه القطط الفطسانة ويتنهش في عرضه

**rosebox** · 09-06-2011 10:38 PM

شكلهم مرعوبين قوى قوى من فكرة ترشح اخوانى لرئاسة الجمهوريه ففبركوا المقابله دى
مثلا انا ماشوفتوش بيتكلم مع الامذيع على انه اسرائيلى
ممكن يكون المذيع امريكى او اى حاجه
و بعدين الشويتين اللى حوالين المقابله بتوحى انه من بعد 25 يناير فى حين ان و لا مره ابو الفتوح اتكلم عن الثوره او على الرئاسه. و كل احلامه و طموحاته عن الانتخابات البرلمانيه و التزوير و منافسه النظام
فى حين انه مرشح للرئاسه ازاى مايجيبش سيرتها و ازاى و ده الاهم انه مايجيبش سيرة الثورة

لا لا لا الصهاينه مفبركين الفيديو ده يا جماعه

**yousef1978** · 09-06-2011 11:14 PM

معقووووووووووووولة مثلا إن الإخوان هيقفوا في صف اسرائيل ضد مصر
ومعقوووووووووولة د. عبد المنعم كان يعرف ان البرنامج هيتذاع في اسرائيل ووافق مثلا - هل هو بالغباء ده - ده كمان على اعتبار انه خائن وعميل وبرجوازي ووووووووو !!!!!!!!!

ومعقولة يتم اتهام الشرفاء والوطنيين بكل سهولة
ومعقولة إحنا هنفضل كده كلمة تودينا وكلمة تجيبنا ونقيم الناس كل خمس دقائق حسب التوقيت المحلي لإذاعة جرينتش
هنا لندن

**ecybrarian** · 09-06-2011 11:42 PM

المشاركة الأصلية كتبت بواسطة rosebox

شكلهم مرعوبين قوى قوى من فكرة ترشح اخوانى لرئاسة الجمهوريه ففبركوا المقابله دى
مثلا انا ماشوفتوش بيتكلم مع الامذيع على انه اسرائيلى
ممكن يكون المذيع امريكى او اى حاجه
و بعدين الشويتين اللى حوالين المقابله بتوحى انه من بعد 25 يناير فى حين ان و لا مره ابو الفتوح اتكلم عن الثوره او على الرئاسه. و كل احلامه و طموحاته عن الانتخابات البرلمانيه و التزوير و منافسه النظام
فى حين انه مرشح للرئاسه ازاى مايجيبش سيرتها و ازاى و ده الاهم انه مايجيبش سيرة الثورة

لا لا لا الصهاينه مفبركين الفيديو ده يا جماعه

المشاركة الأصلية كتبت بواسطة yousef1978

معقووووووووووووولة مثلا إن الإخوان هيقفوا في صف اسرائيل ضد مصر
ومعقوووووووووولة د. عبد المنعم كان يعرف ان البرنامج هيتذاع في اسرائيل ووافق مثلا - هل هو بالغباء ده - ده كمان على اعتبار انه خائن وعميل وبرجوازي ووووووووو !!!!!!!!!

ومعقولة يتم اتهام الشرفاء والوطنيين بكل سهولة
ومعقولة إحنا هنفضل كده كلمة تودينا وكلمة تجيبنا ونقيم الناس كل خمس دقائق حسب التوقيت المحلي لإذاعة جرينتش
هنا لندن

هو انتم جبتم الكلام دا من اين؟؟؟ هل في الموضوع على نايل موتورز حد اتهم د.عبد المنعم بكل إللي حضراتكم قلتوه دا؟