الموضوع: العربية كانت هتتسرق في عز الظهر

فلوسك حلال

الحمد لله إن العربيه لسه معاك وربنا يسترها على الجميع

المشاركة الأصلية كتبت بواسطة elawany13

نفس الكلام حصل معايا الاسبوع اللى فات
وانا بدور العربية لاقيت الإنذار اشتغل ومش عاوز يستجيب للريموت خالص
والسرينه شغاله
وفضلت واقف جنبها بحاول فيها مفيش فايده
مفيش بنى آدم بصلى حتى بصه استغراب أو حد فكر يسأل بتعمل ايه !!!
أنا الوحيد اللى كنت مستغرب

ومشيت بالعربية كده عادى جدا

مش كل الناس كده انا بقي حصل معايا نوقف تيييييييييييت بجد كنت روحت صيدليتنا وهي مقفوله ورحت افتحها الساعه 4.50 الفجر المهم لفيت العطار الي جمبينا هو وابوه بيتين في العطاره انا فتحت القفل من هنا لقيت نفسي بتسحب من قدام باب الصيدله وابو العطار بيقلي بتعملللللللل ايييييييييييييه يا جدع؟ قلتله انا احمد ابن الدكنور اشرف طب فين الدكتور اشرف لقيت والدي نازل جاري من العربيه خلاااااص ياعم صلاح دا ابني ااه اسف بس والله كنت مبسوط ومن سعتها انا وعم صلاح صحاب :-)

انت بتركن عند الجامعة

المشاركة الأصلية كتبت بواسطة amrelsaqqa

حمد لله على سلامة العربية
الحمد لله انك لحقتها على اخر لحظة
هو تقريبا الحرامى دور العربية لقى الار بي ام والسرعة والحرارة ديجيتال

قاللك لا ياعم دى عربية اكتروووونى وفيها كمبيوطر :d
وهتودينى في داهية

انا اسيبها في حالها احسن :d d:

ممكن افتكر فيها قنبلة و ده التايمر بتاعها
انت بتقول فيها، واحد من أمن البوابات عامل فتك بيقول لي هو انت مركب الموتور الإكتروووني؟ مش عايز تبيع؟ العربية عاملة ايه؟ قلت له عاملة حادثتين و مغيرة شنطة و راشة دواخل و مرمات بارومة زي ما انت عايز

المشاركة الأصلية كتبت بواسطة zocor742

الحمد لله رب العالمين والله ياباشا ماعارف اقولك اية
بس انا لو منك كنت اخدت اجازة يوم من الشغل او غملت غياب
وركنت العربية فى نفس المكان وجبت كرسى معايا واقعدت فى اى مكان ميكشفنيش وابقى متابع العربية واول مايجى البية اروح زانق بقى
يعنى بعد ما كان هياخد العربية وفية حاجة منعتة بقى يجى كل يوم يخلع منها حاجة ( الحرامى الزكى ميروحش مكان سرقة مرتين ) بس واضح اللى منعة ان ياخد العربية ان فية حد كان قطرك واول ماشافك نازل بلغة وخلع .
المهم احمد ربنا وحاول تأمن عربيتك على قد ماتقدر . وربنا يسترها علينا بقى وربنا هو الحارس

من آخر مرة اتسرقت بطلت أروح بيها الشغل و رجعت للمواصلات
واحد زميلي تاني عربيته اتسرق النيكل بتاعها برضه بيجو 504 من نفس المكان. نفسي ألاقي فرصة و أشوف الحرامي ده هان@#$%

المشاركة الأصلية كتبت بواسطة abo_hosni

في حد مستقصدني؟؟؟؟؟؟؟؟؟؟؟

من يومين لقيت زاوية من اللي بتمسك الفريم النيكل بتاع الإزاز الوراني مخلوعة!!!!!!!

النهاردة نزلت من الشغل الساعة اثنين لقيت النيــــــكــــــل كـــــــــــلـــــــــــه بتاع البربريز الأمامي و الخلفي مخلوع بالكامل!!!!!!!!!!!

منظر يحرق الدم و مش عارف ليه بيحصل كده و ايه الحل؟ أنا شايف أني أروح الشغل مواصلات أسبوعين تلاتة و أسيب العربية في الجراج

المشاركة الأصلية كتبت بواسطة abo_hosni

الإنذار موجود و بقيت دايماً أقفل كلابش الدركسيون مع الدبرياج.
نسيت أقول لكم أني من شهر كنت ناسي قفل الشنطة مفتوح رجعت لقيت الكوريك و الصليبة و الاستبن مسروقين دلوقتي حطيت سلسلة حديد و قفل على الاستبن

المشاركة الأصلية كتبت بواسطة abo_hosni

أنا فكرت نفس التفكير و مش لاقي سبب. كل يوم بابقى متوقع أنزل ألاقي مراية مسروقة، ممكن أنزل ألاقي العربية من غير الأربع فرد كاوتش مثلا. أنا هاتجنن و دمي محروق

المشاركة الأصلية كتبت بواسطة abo_hosni

حصلت مع واحد صاحبي كل يوم كان يتسرق منه كاسيت، بعدين سماعات، بعدين جريد الأبواب و هكذا. صاحبي قال لي: ما يسرق العربية على بعضها و يريحني. قلت له: لأ. كده يبقى دبح الفرخة اللي كل يوم تبيض له بيضة دهب

واضح انها بتحصل معاك انت دلوقتى
عشان كده الحرامى رجع فى كلامه فى آخر لحظه ومرضاش يسرقها

المشاركة الأصلية كتبت بواسطة sha2e

واضح انها بتحصل معاك انت دلوقتى
عشان كده الحرامى رجع فى كلامه فى آخر لحظه ومرضاش يسرقها :e_braces[1]:

عشان كده قلت للعربية "بيتك بيتك" و خليها في الجراج شوية :)