الموضوع: العربية كانت هتتسرق في عز الظهر

المشاركة الأصلية كتبت بواسطة taiwo

الشارع اللي العربية كانت واقفه عنده كان فيه ناس ؟؟؟... ولاشارع جانبي مهجور ؟؟..
حضرتك كمان بتقول في أثار حرارة ونار علي دهان القائم !!!
يعني معقول يكون في ناس ف شارع ما شافو واحد ماسك لهب أكسجين وحاطه ف باب عربية ورمو عليه السلام وهو رد وقالهم إتفضلو معانا قالوله تسلم يابن الأصول وكملو طريقهم مثلا !!! ...
لو كده يبقي مصر فعلا أم الدنيا ...

المكان حيوي جداً و هو موقف تابع مستشفى و في وقت الصبح ده ممكن يعدي قدام العربية في الساعة 100 واحد غير العربيات. و كنت راكنها عمودي و بوزها للشارع كمان

المشاركة الأصلية كتبت بواسطة eng.geo

مش عارف أقولك أيه
بس أتأكد انها عربيتك :)

يمكن ثلاثة غيرنا

المشاركة الأصلية كتبت بواسطة ashouhdy

الريموت بتاع العربية عندى اتكسر واضطريت افتحها بالمفتاح العادى

عايز اقولكم ان الانذار قعد يضرب من تحت البيت لحد الراجل بتاع المفاتيح حواللى 6 كيلو و 25دقيقة سواقة وعمال يزمر

ولا واحد قاللى انتى مين ولا فى اية غير كدة عديت على ضابط بموتسيكل واتنين امناء و ولا حد فكر يبص اساسا

حسبي الله ونعم الوكيل فى سلبية الشعب !

[

المشاركة الأصلية كتبت بواسطة elawany13

نفس الكلام حصل معايا الاسبوع اللى فات
وانا بدور العربية لاقيت الإنذار اشتغل ومش عاوز يستجيب للريموت خالص
والسرينه شغاله
وفضلت واقف جنبها بحاول فيها مفيش فايده
مفيش بنى آدم بصلى حتى بصه استغراب أو حد فكر يسأل بتعمل ايه !!!
أنا الوحيد اللى كنت مستغرب


ومشيت بالعربية كده عادى جدا

ما تستغربش لأنك أكيد أكيد في مصر
وهي دي مصر يا عبلة

المشاركة الأصلية كتبت بواسطة mohamed_selim

بص هى مش سلبيه .. طبعا لو واحد واقف جنب عربيه و السرينه شغاله لازم نسأله بتعمل ايه

بس فى اوقات الموضوع بيكون تعود ... يعنى مثلا واحد عامل الحساسيه بتاعة الانذار عاليه ... لو عجله ماشيه فى الشارع هيشتغل ... تفتكر لو الواحد قاعد و سامعها طول الوقت و اتعود عليها هتفرق انها بتتسرق او لأ ؟؟؟

الصح ان الحساسيه تشتغل من كسر الزجاج علشان لما نسمع سرينه يبقى فى مصيبه و نتحرك مش مركب الانذار علشان محدش يمشى جنب العربيه .... فاكر قصة حسن و الذئب ؟

والله الواحد موش عارف يعمل إيه في البلد دي وشعبها الأصيل
ألله يرحم عاداتنا وأخلاقياتنا _ أخلاقيات الشعب المصري التي ينفرد بها شعب مصر
يارب أخرجنا من الدنيا دي سالمين أو أخرجنا من هذه البلد الظالم أهلها _ موش كلهم طبعاً _

المشاركة الأصلية كتبت بواسطة mrghost

الحمد لله انها جت سليمه وربنا يكفيك ويكفينا شر السرقه

آمين ياااااااااااااااااارب

المشاركة الأصلية كتبت بواسطة ashraf_ibrahim

قدر الله وما شاء فعل
الحمد لله انها لسة موجودة
بس رأيي تروح تعمل محضر فعلا !

محضر فين ولمين يا عمنا
دا مرة واحد جارنا حصلت له مشكلة ما وراح يعمل بلاغ في القسم .... قالوا له حاول تحلها بمعرفتك وتعالى لنا لما نشتغل
_ طبعاً قصدهم في المشمش _ مع إنه طلع والله

المشاركة الأصلية كتبت بواسطة abo_hosni

المكان حيوي جداً و هو موقف تابع مستشفى و في وقت الصبح ده ممكن يعدي قدام العربية في الساعة 100 واحد غير العربيات. و كنت راكنها عمودي و بوزها للشارع كمان

ممكن نعرف مستشفى إيه أو حتى شارع إيه ومتفرع من شارع إيه
يمكن ربنا يقدرنا ونروح نعمل للناس هناك حملة توعية

الحمد لله انها جت على شوية فكه وكيس لب بس غريبه فعلا ايه اللى وقف الحرامى انه يطلع بيها واذا كان طلع ايه اللى رجعه ( يمكن صعبت عليه ) انا حاسس ان فيه حد وقفه قبل ما يطلع بيها فجرى وسابها ....... على العموم حاول تزود حماية العربيه ولو انى مش مقتنع باى شىء مع الحرامى ده :)

لا حول ولاقوة إلا بالله.

المشاركة الأصلية كتبت بواسطة lovely_love

السلام عليكم
احب اقول لصاحب الموضوع ان مش المسوجر الى منع الحرامى من السرقة لان عربيتنا بردوا 504 واتسرقت والمسوجر مقفول واتسرقت فى خلال نص ساعة بالظبط
الاحتمال الاكبر انهم عارفينك وعارفين مواعيدك ومتابعينك من فترة وساعة السرقة ممكن يكون حد عرف انك نازل من الشغل وبلغ الى جوا العربية فسابها ومشى وفى الاول والاخر احمد ربنا

لا حول ولا قوة إلا بالله. اللي حضرتك قلته ده السيناريو المنطقى. دي 504 مش معضلة يعني. الحمد لله. الواحد يروح مواصلات أحسن بقى
طب نعمل ايه؟

ممكن نعرف مستشفى إيه أو حتى شارع إيه ومتفرع من شارع إيه
يمكن ربنا يقدرنا ونروح نعمل للناس هناك حملة توعية

مستشفى جامعة الزقازيق. ربنا يستر بقى