إلى الأستاذ محمد ممدوح وباقي الأخوة المختصين: هل يمكن تنظيم كويل أوبل لللانوس

الأخ الفاضل محمد ممدوح، الأخوة الأفاضل
معي سيارة لانوس 99 كوري،واجهتني بعض المشاكل في كهربا السيارة مثل التقطيع في سرعات مختلفة، وريحة بنزين ني من الشكمان، وفي النهاية اكتشفت أن العيب من الكويل اللي طالع منه سلوك البوجيهات، وسؤالي كما في العنوان: هل يمكن تنظيم كويل جنرال موتورز بتاع عربية أوبل أو أي سيارة أخرى ليعمل على الدايو لانوس، أم أن هناك ما يمنع، أرجو الرد بالتفصيل.

نسيت أقول إن عربيتي 1500

هات الPart number بتاع بوبينة الاوبل كورسا ال 1600 او الافيو ال1500 و قارنة برقم البوبينة بتاع الدايو... لو مطابق يبقى ينفع

MMamdouh

البارت نبمبر ده بيكون فين بالضبط، لإن البوبينة اللي راكبة في سياريتي مش عليها أي كتابة غير أرقام سلوك البوجيهات

اقتباس:

---

المشاركة الأصلية كتبت بواسطة battikh

الأخ الفاضل محمد ممدوح، الأخوة الأفاضل
معي سيارة لانوس 99 كوري،واجهتني بعض المشاكل في كهربا السيارة مثل التقطيع في سرعات مختلفة، وريحة بنزين ني من الشكمان، وفي النهاية اكتشفت أن العيب من الكويل اللي طالع منه سلوك البوجيهات، وسؤالي كما في العنوان: هل يمكن تنظيم كويل جنرال موتورز بتاع عربية أوبل أو أي سيارة أخرى ليعمل على الدايو لانوس، أم أن هناك ما يمنع، أرجو الرد بالتفصيل.

---

عزيزى هل كانت السيارة بتغيب فى الدوارة صباحا
هل يوجد رعشة على السلانسيه ( سرعة التباطأ )

نعم يا أخي الفاضل هناك رعشة شديدة في السلانسيه، وبتغيب في الدوارة لكن مش كتيير. وبداية المشكلة عندي كانت تقطيع في العربية على سرعات مختلفة وكانت مش دايماً يعني ممكن تعملها مرة في اليوم أو مرتين، وبعد لفة على الصنايعية من ميكانيكي لآخر ومن كهربائي لآخر وبعد أن غيرت فلتر البنزين وفلتر الهواء وطقم السلوك وطقم البوجيهات، في النهاية اكتشفت إن العيب من البوبينة، عن طريق أحد الميكانيكية طبعاً، غيرتها بواحدة استيراد، وبالفعل راحت المشكلة ، ولكن بعد فترة يعني حوالي شهر بدأت أحس بتأخر في الدوارة ورعشة في السلانسيه، شكيت في البوجيهات وغيرتها لكن ظلت المشكلة، غيرت السلوك تاني ، واستمرت المشكلة، وبعدين الميكانيكي كشف على البوبينة عن طريق خلع السلوك واحد تلو الآخر والعربية شغالة ، يعني يخلع السلك ويشوف الشرارة ويرجعه تاني ويعمل كده مع الباقي فاكتشف إن رقم 1، و2 الشرارة بتاعتهم ضعيفة وساعات بتختفي خالص، وساعات بتكون كويسة ، فقالي دي مش مضبوطة ولازم تغيرها، وبالفعل في الوقت الحالي بتتأخر في الدوارة ورعشة في السلانسيه وكمان ريحة بنزين ني واستهلاك كبير في البترول. أرسلت إلى أحد الأصدقاء في الإمارات بأرسل لي بوبينة تشبه بتاعت الأوبل لكن أكبر شوية أصلية جي إم ورقمها 1103872 وطبعا الكابل بتاعها بيختلف عن بتاع الدايو هي اربعة طرف لكن بتاعة الدايو اصغر .
وهي قاعد معي على كده لا عارف أبيعها لأني مش عارف هي بتاعة أي عربية، ولا عارف استفاد منها
اللي عنده حل يقوله!!!!!!!!!!!!!!!!!

عندى مشكلة فى البوبينة
هل يوجد أصلى Gm
أم أنواع أخرى معبأ فى علبة Gm
وما هو سعرها ؟؟
ولكم خالص الشكر.....

اقتباس:

---

المشاركة الأصلية كتبت بواسطة battikh

البارت نبمبر ده بيكون فين بالضبط، لإن البوبينة اللي راكبة في سياريتي مش عليها أي كتابة غير أرقام سلوك البوجيهات

---

البوبينة لازم يكون عليها رقم... شوف فى المنطقة حوالين الفيشة بتاعتها

MMamdouh

اقتباس:

---

المشاركة الأصلية كتبت بواسطة battikh

نعم يا أخي الفاضل هناك رعشة شديدة في السلانسيه، وبتغيب في الدوارة لكن مش كتيير. وبداية المشكلة عندي كانت تقطيع في العربية على سرعات مختلفة وكانت مش دايماً يعني ممكن تعملها مرة في اليوم أو مرتين، وبعد لفة على الصنايعية من ميكانيكي لآخر ومن كهربائي لآخر وبعد أن غيرت فلتر البنزين وفلتر الهواء وطقم السلوك وطقم البوجيهات، في النهاية اكتشفت إن العيب من البوبينة، عن طريق أحد الميكانيكية طبعاً، غيرتها بواحدة استيراد، وبالفعل راحت المشكلة ، ولكن بعد فترة يعني حوالي شهر بدأت أحس بتأخر في الدوارة ورعشة في السلانسيه، شكيت في البوجيهات وغيرتها لكن ظلت المشكلة، غيرت السلوك تاني ، واستمرت المشكلة، وبعدين الميكانيكي كشف على البوبينة عن طريق خلع السلوك واحد تلو الآخر والعربية شغالة ، يعني يخلع السلك ويشوف الشرارة ويرجعه تاني ويعمل كده مع الباقي فاكتشف إن رقم 1، و2 الشرارة بتاعتهم ضعيفة وساعات بتختفي خالص، وساعات بتكون كويسة ، فقالي دي مش مضبوطة ولازم تغيرها، وبالفعل في الوقت الحالي بتتأخر في الدوارة ورعشة في السلانسيه وكمان ريحة بنزين ني واستهلاك كبير في البترول. أرسلت إلى أحد الأصدقاء في الإمارات بأرسل لي بوبينة تشبه بتاعت الأوبل لكن أكبر شوية أصلية جي إم ورقمها 1103872 وطبعا الكابل بتاعها بيختلف عن بتاع الدايو هي اربعة طرف لكن بتاعة الدايو اصغر .
وهي قاعد معي على كده لا عارف أبيعها لأني مش عارف هي بتاعة أي عربية، ولا عارف استفاد منها
اللي عنده حل يقوله!!!!!!!!!!!!!!!!!

---

الرقم ده بتاع بوبينة أوبل كورسا B أو أسترا F
ومينفعش تشتغل عندك
http://img72.imageshack.us/img72/3106/opelri3.jpg

رقم بوبينة اللانوس
96350585
http://img72.imageshack.us/img72/3315/lanosjr2.jpg

انا كان عندي نفس المشكله واشتريت موبينة جديده بس صيني وجبتها بـ 180 جنيه وعلى فكره منصحش اي حد يشترى الموبينة استيراد الموبينة لازم تكون جديدة

شريف يا ترى الصيني اللي انت اشتريتها عاملة ايه معاك، وشغالة من أمتى؟