الموضوع: لا جيش ولاشرطة هو زي ماقالها احمد السقا انا الحكومة

المشاركة الأصلية كتبت بواسطة wassof

لي الاسف دي الحقيقة الناس الغلابة مصدقة ان الثورة هتعمل البلد ايه شربات
دي اوسخ ثورة في تاريخ البشارية ثورة الحرامية انا معرفش هيا الثورة قامت ليه
اصلآ والمشكلة ان حسني مشي هيا هيا هيا
المشكلة ان مافيش جديد جد والي كان بيحصل ايام حسني بقا يحصل حاليآ بي اصخم طيب يالي عملتو الثورة وراح ضحيتها ناس ابرياء ماتشوفة حل للبيحصل ده ؟؟ بينة انكم مش شباب عايزن الرائيس يجبلكم شغل وانتم نايمين في بيتكم
لكن تقول لمين وتعيد لمين لزم التغير يكون من انفسنا الاول

++++++++1111111111111

انا مكنتش عايز ارد لأني بصراحة تعبت من كتر الرد وقرفت
لكن كالمعتاد ضميري دخل فيها و عيندا فيه هرد

لكن قبل ما ارد ارجو ان محدش يطلع يقول الكلمة الهايفة اللي بتوع التحرير مسكوا فيها بتاعت انت حزب وطني و انت فلة من الفلول و نملة من النمول و انت شكلك مش مصري و معيشتش هنا ..ألخ ...الخ

اولا : اللي بيمشي يكلم الناس في الشارع هيلاقي الناس كلها ماشية بتلعن في اليوم اللي الثورة قامت فيه
مثلا حضرتك شغال في مكان مرتبك زاد شوية مع ان كل سنة الزيادة ديه بتنزل يعني مش حاجة وليدة الثورة بس ده اللي هي بتاعت السنة المالية و فيه زيادة المفروض صاحب العمل بيزودها من تلقاء نفسه للموظفين في حاجة اسماه قانون العمل و التأمينات لكن للأسف كعادة المصريين عدم احتراما لقوانين من اجل مصالحهم من اكبر واحد لأصغر واحد
و ع فكرة لو حسبت زيادة المرتب مع زيادة الاسعار هتلاقي هي هي مفيش فرق و لا كأنك يا ابو زيد ما غزيت
لكن ما علينا مش موضوعنا

في غيرك بقي مش شغال في مكان و شغال لحسابه واحد مثلا خد قرض من البنك عشان يعمل مشروع ع اده قامت الثورة غلت كل حاجة الشاب اللي خد القرض بيته اتخرب و مهدد بالحبس عشان مش عارف يدفع اللي عليه يعني يعمل ايه يروح يسرق عمال يستلف من كل اللي يعرفهم شعان يسدد القرض

في غيرك عايز يتجوز و مرتبه بقي قليل و بيجهز و يجيب و كان مجهز فلوس هوب كله مش عايز يقسط كل الاسعار ارتفعت الواد أجل الجواز و الاهل معجبهمش انه يتأجل طلعوا بالمعروف و مفيش جواز من اساسه
و خلوا بالكم في اماكن كتيير استغنت عن ناس في الاشغاال و كتيير قالوا للشغالين تقدروا تشتغلوا من غير مرتبات مؤقتا اهلا و سهلا مش هتقدروا احنا كنا سعداء بشغلك معانا

تكون مثلا لسه متخرج بتقدير و قدامك وظايف كتيير و كله طالبك بعد الثورة مفيش وظيفة واحدة و في الاخر تقف بدل ما تاخد مرتب 1200 جنيه تروح تقف في محل بمرتب 300 جنيه

و غيره و غيره و غيره مش هقولك ناس تعرفها انزل الشارع و اتكلم مع ناس متعرفهمش و ناس في منتهي البساطة مهماش مليونيرات و كانوا برده متبهدلين في وقت النظام السابق لكن شوف ردهم هيكون ايه ؟
شوف كام مصلحة وقفت شوف كام محل اتقفل او شوف كام مشروع خسر كبير او صغير..الخ ..الخ

ثانيا : محدش ينكر ان البلد كانت في حالة يرثي خاصة اخر كام سنة و كلنا فرحنا بالثورة و ان المطالب هتتحقق لكن للأسف اللي قاموا بالثورة لم يحافظوا ع الثورة صح و سأووا فيها اوي نظام لاقيين حد بيوافق ع كل هجسهم فزاطوا فيها
لدرجة انهم خربوها بمعني الكلمة طبعا بتوع المطالب الفئوية ملهمش نفسي يعني اشمعني بتوع التحرير ده غير اللي بيقومها و عيش يا ريس في الاعتصامات

زمان كان المشرع المصري بيمنع الاعتصامات من اجل مبدأ سير المرفق العام او يعني بالعامية الدنيا تمشي و المراكب السايرة متقفش و اللي كان بيقوم بالاعتصامات كان فيها عقوبة جنائية
لكن بعد ما مصر اشتركت في الاتفاقية الدولية لتنظيم الاحوال الاقتصادية و الاجتماعية المشرع المصري اضطر عشان يواكب الاتفاقية يسمحلهم بالاعتصام لكن انت عندك شعب اي حاجة بيزيط فيها و لما حبوا يرجعوا الموضوع تاني بتاع تجريم الاعتصامات الدنيا كلها قامت
و اللي درس حقوق هيبقي عارف الكلام ده كويس

و قبل كل ده حالة الانفلات الامني اللي حصلت و اللي راح ضاحيتها الاف الابرياء

تقف في الشارع من الساعة 2-3 العصر لحد الساعة 8-9 الصبح بدون راحة و لا ورديات لأن الاعداد مش كبيرة في المناطق الجديدة
و لما تقف و تضرب و تلحق صاحبك او جارك تشده ع جنب تضمد جروحه في مدخل عمارة و ترجع تضرب تاني و تشد غيره و هكذا يعني مدخل عمارة بمثابة مستشفي ميداني و يجري اللي يجري و يتمسك اللي يتمسك و الجيش يتسلمهم و الباقي يكمل للمستشفي عشان يعالج المرضي اللي معاه
كلنا مرينا بالموضوع ده

غير الجرايم اللي بتحصل زي صديق صاحب الموضوع و غيره و سرقة العربيات
الواحد لازم يفضل ماشي بطبنجة يعني يا اما مينزلش من بيته
مفيش دولة مفيهاش جرايم
اه كان في الاول جرايم لكن مش بالشكل ده
الأول الواحد كان يقدر ينزل الساعة 3 الفجر بدون خوف و كانوا مسمينا البلد التي لا تنام دلوقتي هل تقدر تمشي حتي الساعة 10 بليل و انت مطمن ده حتي في عز الضهر الناس بتتثبت و الشرطة و الجيش هيلاحقوا ع ايه و لا ايه
الواحد لأول مرة في عمره يمشي يتلفت حوالين نفسه مش عارف التثبيته هتجيله منين عشان يعرف يصدها
هل العربيات الأول كانت بتتسرق الشكل ده ؟؟؟ أكيد لأ

الشعب وصل الشرطة لدرجة انهم قلقانين يضربوا بلطجي احسن يتحاكم زي غيره اللي ضربوا ناس اتهجموا ع الاقسام و ماتوا ع انهم شهداء واحد رايح يطلع قريبه ولا صاحبه بسلاح من القسم و الشرطة تضربه و يموت و يقولك شهيد
و افضل مثل ع كده لو تفتكروا حادثة مأمور قسم الموسكيو شجاعته و اللي عمله و شوفوا اللي معاه كانوا مقلقين حتي يطلعوا طبنجاتهم

كل حاجة دلوقتي بقت تتاخد بالدراع و الناس بتقتل بعضها ع اتفه الاسباب
واحد يقتل زميله عشان جنيه ؟؟؟؟؟ اه جنيه

و اما بالنسبة للاعلام انا شايف انه بقي اسوء من الاول و ناس كتيير بقوا مع الرايجة عشان المظهر العام

حاجة كمان لو اي حد هنا ليه قريب من اي درجة عاصر جمال عبد الناصر و السادات و مبارك هتلاقيهم كلهم اجمعوا ان عصر مبارك هو الافضل و الاكثر حرية
الا انهم برده زعلانين ع اخر 10 سنين في حكم مبارك و كلنا كده

سؤال بقي : بعد الثورة . هل الفقير بقي غني ؟ هل اللي مش لاقي شغل لقي دلوقتي شغل ؟ هل اللي كان لاقي شغل اتوظف ؟ هل الحال اتصلح ؟ هل اللي كان نازل التحرير عشان الكهربة مدخلتش بيته الكهربة دخلتله ؟؟؟؟؟ الناس اللي هاممهم الفلوس ترجع فاكرين ان كل واحد هياخدله كام مليون من الفلوس ديه هههههه
و بلاش اسئلة عن الاسعار لأن الاجابة مش محتاجة

اللي عايز اقوله ان الثورة مصلحتش ع اد ما خربت

و انا عارف ان البلد ان شاء الله هتقوم تاني ع رجليها لكن مش دلوقتي مش اقل من 5 سنين عشان نقول ابتدينا نعوض اللي وقع بسبب الثورة و 5 سنين لو الناس اشتغلت و بطلت
شوفوا اليابان اللي حصلها و ضيعها فعلا خلال شهرين شوفوا بقوا ازاي ناس اشتغلت عشان بلدها مش نزلوا عملوا مظاهرات و يقولوا
مش هنا اللي عايز ياخد وظيفة بمرتب 5000 الاف جنيه و يقعد مكانه ميتحركش

فاكرين ان العالم برة بيأيدنا دلوقتي ههههه الأول كان كله فرحان ان العالم بيأيد الثورة عارفين دلوقتي بيقولوا ايه ؟
بيقولوا شعب اهان رئيسه و مش بيفكروا في مستقبل بلدهم اد ما بيفكروا في محاكمة مبارك و غير و غيره من الكلام

المفروض عايزين نغير البلد احنا نفسنا نتغير
الناس اللي بتطالب بالديموقراطية في التحرير عملوا زي اللي بيطلب من الناس مترميش قمامة في الشارع و هو اول واحد بيرمي
بيطالبوا بالديموقراطية و هم ماشيين بفرض الرأي و عدم احترام الاخرين

تفتكروا انهم كده قضوا ع الفساد غلط محدش هيقدر يقضي ع الفساد انت ممكن تحاربه لكن عمرك ما هتقضي عليه لأن الفساد لحد يوم القيامة
و مفيش اي بلد في العالم مفيهاش فساد زيينا بل بالعكس اسوء مننا كمان
كل مكان فيه و فيه و اقرب مثل مش هقولك دول زي امريكا و لا بريطانيا و لا ولا

الكويت ... محتاجين ايه ؟؟؟ و لا حاجة ... قاموا بمظاهرات مش عايزين الحكومة كلها و بيطالبوا بتغييرها

يعني مش هنا بس

لو فاكرين ان 10 مليون و لا حتي 20 مليون فراحنين بالثورة فانتوا عندكم اكتر من 50 مليون قرفانين منها كل شوية يطلعلونا واحد يتكلم باسم الشعب انت مين اساسا اللي خلاك تكلم باسمنا اخدت توقيع و توكيل من كل واحد انك تكلم باسمنا
لكن للأسف النقطة السودا هي اللي بتبان في العباية البيضا

و ع رأي عضو كاتب هنا في توقيعه
الشعب استلم حريته من غير الكالتوج و بيدوس ع كل الزراير

و في الاخر اقول ربنا يستر و يعدي اليومين دول ع خير