السيا الألتيا - البيجو 308 sw - فورد فوكس sw (موديلات 2011)

**abouetta** · 09-06-2011 10:06 PM

[overline]السلام عليكم،

كنت محتاج رأيكم في المقارنة ما بين التلات عربيات السيات الألتيا - البيجو 308 sw - فورد فوكس sw (موديلات 2011) بما إنهم العربيات العائلية الي في نفس الفئة السعرية في مصر، و لو حد في باله عربية تانية عائلية و شايفها أفضل من العربيات التلاتة دول و في نفس السعر فيا ريت برده يقترحها

و جزاكم الله كل خير

[/overline]

**hamada409** · 10-06-2011 05:14 AM

رأيي الألتيا عشان هي تعتبر أشيكهم من برة ومن جوة و أمتنهم ده غير إنها سيات

**mohamedgamall** · 10-06-2011 03:23 PM

المشاركة الأصلية كتبت بواسطة hamada409

رأيي الألتيا عشان هي تعتبر أشيكهم من برة ومن جوة و أمتنهم ده غير إنها سيات

انت تقول انها سيات لما تقارنها بعربيات صينى او كورى انما انت بتقارنها بفورد و بيجو يعنى اسامى ليها احترمها برضة

**mdm309** · 10-06-2011 04:00 PM

أنا شفت الألتيا هي عربية رائعة بما في كل الكلمة من معني ، جودة داخلية وخارجية ، وامكانيات تضعها في المقارنة مع الجيتا والأوكتافيا أعتقد المشكلة فقط ستكون في قطع الغيار وإعادة البيع ، أما البيجو فشفتها في معرض فورميولا هي جيدة جدا وإن كانت ليست بجودة الألتيا وينطبق نفس الكلام علي الفورد بس للعلم أنا بتكلم من غير تجربة قيادة ولكن بناء علي فحص دقيق للسيارة من الخارج والداخل ومعرفة الامكانيات وبناء علي بعض التجارب والقراءات فقط ، وللعلم جميع المواقع الأوروبية تعطي الألتيا أربعة نجوم والبيجو ثلاثة فقط ، والأمر في النهاية لاختيار المستهلك وظروف كل بلد أتمني لك لتوفيق في الإختيار

**abouetta** · 10-06-2011 06:56 PM

المشاركة الأصلية كتبت بواسطة hamada409

رأيي الألتيا عشان هي تعتبر أشيكهم من برة ومن جوة و أمتنهم ده غير إنها سيات

أنا بقول كده برده ان شكلها افضل،، لكن في النهاية موضوع الشكل اذواق و كمان الشكل مش العامل الوحيد للإختيار، عشان كده أنا قلت نتناقش سوا و نفكر مع بعض

**abouetta** · 10-06-2011 06:58 PM

المشاركة الأصلية كتبت بواسطة mohamedgamall

انت تقول انها سيات لما تقارنها بعربيات صينى او كورى انما انت بتقارنها بفورد و بيجو يعنى اسامى ليها احترمها برضة

من ناحية الشركات فبالتأكيد الثلاث سيارات من شركات عريقة

**abouetta** · 10-06-2011 07:02 PM

المشاركة الأصلية كتبت بواسطة mdm309

أنا شفت الألتيا هي عربية رائعة بما في كل الكلمة من معني ، جودة داخلية وخارجية ، وامكانيات تضعها في المقارنة مع الجيتا والأوكتافيا أعتقد المشكلة فقط ستكون في قطع الغيار وإعادة البيع ، أما البيجو فشفتها في معرض فورميولا هي جيدة جدا وإن كانت ليست بجودة الألتيا وينطبق نفس الكلام علي الفورد بس للعلم أنا بتكلم من غير تجربة قيادة ولكن بناء علي فحص دقيق للسيارة من الخارج والداخل ومعرفة الامكانيات وبناء علي بعض التجارب والقراءات فقط ، وللعلم جميع المواقع الأوروبية تعطي الألتيا أربعة نجوم والبيجو ثلاثة فقط ، والأمر في النهاية لاختيار المستهلك وظروف كل بلد أتمني لك لتوفيق في الإختيار

هي منافس فعلاً للجيتا و الاوكتافيا و لو كانت سيدان كانت اكتسحتهم نظراً لفرق السعر و الاوبشنز لصالح الالتيا، و في النهاية الثلاث سيارات من نفس الشركة الام و بمكونات شبه واحدة

و نحن في انتظار معرفة رأي باقي الاعضاء ممن قاموا بتجربة البيجو و الفورد لمقارنتهم بالالتيا لانه حتي الان الجميع متفق علي جودة صناعة الالتيا سواء في المكونات الداخلية او الخارجية

**egytamer** · 12-06-2011 05:17 PM

الالتيا عربية جميلة ومحترمة يعيبها الارتفاع المبالغ فية لسعر قطع الغيار ( علي حسب مقريت وسمعت) .
البيجو عربية جميلة يعيبها كثرة الاعطال وقطع غيار نار وتوكيل عايش علي امجاد الماضي في مقابل انها الاكثر انتشارا في العربيات الثلاثة.
الفورد فوكاس عربية تحفة بكل ماتحملة الكلمة من معني كمان صناعة الماني والانتريو بتاعها وهمي وخامتها ممتازة يعيبها انها مش منتشرة اوي ويميزها ان اسعار قطع غيارها ممتازة وتعتبر الاقل في كل العربيات الاوربي في السوق.
والله اعلم

**abouetta** · 13-06-2011 02:02 AM

المشاركة الأصلية كتبت بواسطة egytamer

الالتيا عربية جميلة ومحترمة يعيبها الارتفاع المبالغ فية لسعر قطع الغيار ( علي حسب مقريت وسمعت) .
البيجو عربية جميلة يعيبها كثرة الاعطال وقطع غيار نار وتوكيل عايش علي امجاد الماضي في مقابل انها الاكثر انتشارا في العربيات الثلاثة.
الفورد فوكاس عربية تحفة بكل ماتحملة الكلمة من معني كمان صناعة الماني والانتريو بتاعها وهمي وخامتها ممتازة يعيبها انها مش منتشرة اوي ويميزها ان اسعار قطع غيارها ممتازة وتعتبر الاقل في كل العربيات الاوربي في السوق.
والله اعلم

هو بالفعل علي حسب ما سألت في التوكيلات الثلاثة، أسعار قطع الغيار هي الأغلي في البيجو 308 sw يجي بعدها الالتيا و بعدهم الفورد، فمن ناحية اسعار قطع الغيار الفورد تكسب و هي عربية الماني الماني لكن للأسف شبه مش موجودة في الشوارع

و أنا كان ليه سؤال عن الإرتفاع عن الأرض للعربيات دي، لاني كنت سمعت ان الالتيا بتحك في المطبات فهل ده حقيقي يعني هتبقي زي الجيتا او السيفك و لا مثلاً زي الاسكودا و لا التويوتا!!!