-
صيانه ال405
احبتى فى الله السلام عليكم
انا عندى العربيه فيها صوت طقطقه جامده لما بدوس فرامل فى العجله الشمال من الأمام صوت زى ما يكون حديد على حديد كده
و عندى سؤال كمان افادكم الله كنت عاوز اسأل على ميكانيكى كويس اروحله او بتاع عفشه يكون قريب من مصر الجديده و محل لقطع الغيار جديد او مستعمل لانى نفسى اعمل صيانه للعربيه و محتار اوى اروح فين و اشتر قطع الغيار منين
سؤال اخير ايه الحاجات اللى من الافضل الواحد يعملها فى التوكيل او يكشف عليها فى التوكيل افضل من الميكانيكى
جزاكم الله خيرا
-
السلام عليكم..حضرتك غالبا دا صوت تيل فرامل خلاص إنتهى خالص..ودا مش محتاج ميكانيكى حضرتك سهل جدا تغييره...بالتوفيق إن شاء الله
-
فعلا مشكلة الفرامل مش معقدة اى ميكانيكي كويس هيظبطهالك
المشاكل الصعبة فى ال 405 المشاكل الكهربية
اما الميكانيكية فتهعتبر سهلة بس هتحتاج ميكانيكي متخصص فى البيجو بالذات لان مش اى ميكانيكي يشتغل فيها لانها معقدة ودقيقة
-
السلام عليكم
جزاكم الله خيرا
استاذ محمد
استاذ احمد
انا عارف صوت التيل لما يكون متاكل لكن ده صوت طقطقه و انا سالت ميكانيكى انهرده فقاللى ده صوت بيض المقصات فهل دى بتكون محتاجه تتغير و لا بيتغيرلها جلب او كاوتش او ما شابه
-
السلام عليكم..أنا مش متأكد أوى إنما اللى فاكره إن بيتغير مش بينفع فيه جلب...وأكيد السادة الأعضاء هيفيدوا حضرتك أكتر بالذات فى العفشة
-
السلام عليكم
شوف حضرتك آخر مرة مغير فيها تيل كان أمتى ؟ و لو من زمن بعيد ياريت تغيره برده عشان الصوت ده صوت تيل ( ده لو كنت بتسمع الصوت لما بتدوس فرامل --- أما لوكنت بتسمع الصوت و العربية ماشية يبقى غالبا زى ما الميكانيكى قال . و ممكن تكون كبالن و علبة الدريكسون ) -- أما لو الطقطقة و أنت بتلف ( بتحود ) فأكشف على
1- الكبالن
2- زيت الباور
هذا و الله أعلى و أعلم
-
انا مغير تيل من 8 شهور تقريبا نوع اسمه بندكس
الصوت اللى عندى شبيه بصوت زى ما يكون فى حاجه فى الصاج ما بيظهرش غير لما اكون ماشى بسرعه نسبيا و افرمل لحد الأخر
مش زى صوت تكحيت التيل لما بيكون خلصان
و بالنسبه للكبالن بفضل الله مبتعملش صوت فى الملفات
و زيت الباور بفضل الله مش ناقص
جزاكم الله خيرا
-
طيب حضرتك الصوت دا بيظهر لو حضرتك واقف ودوست فرامل جامد أوى؟..أصله كان عندى وهيجننى فى الحركة والوقوف كان بيظهر وفى الآخر إتضح إن الورقة اللى مكتوب عليها بندكس بتبقى صفيح ولما بتفك شوية من مكانها بتعمل الصوت الوحش دا..بالتوفيق إن شاء الله
-
السلام عليكم
اولا جزاك الله خيرا يا استاذ محمد على حسن تعاونك و ربنا يباركلك يا اخى
الصوت ده بيظهر حتى لو انا على الاولانى و طلعت طلعه بسيطه و دوست فرامل جامد و كل لما اطلع و ادوس يحصل نفس الصوت
-
السلام عليكم ورحمة الله اخى العزيز الصوت اللى حضرتك بتقول عليه ناتج عن بوش بين بيضة المساعد والمقص وهو ده اللى بيسبب صوت الطقطقة عند الفرملة وغالبا المقص عايز يتغير وبالتوفيق
Content Relevant URLs by
vBSEO 3.6.0 PL2