بما اننا اظرف شعب و خفة دمنا بتشمل كل حاجة في حياتنا حبيت اعرف أيه هي اظرف كلمةأو لوجو "غالبا بيبقى على الازاز الخلفي" شفته على عربيات المصريين سواء كان بخصوص الحسد أو الوظيفة او اداء العربية او اي شئ تاني و ياريت لو في صور:):):)
............................................
تم غلق الموضوع لتكراره
http://www.nilemotors.net/Nile/showthread.php?t=5707
الإدارة - 3
كان مكتوب
ملاكي حسب الطلب
man without women
man without headache
الحلوة كيداهم اللى جايبهم واخدهم
الحلو لما يحب يدلع يخلى الاسفلت يولع
كانت مكتوبه علي عربيه نقل
بنزين في التانك ولا فلوس في البنك
كانت مكتوبة على عربية اجرة بين المحافظات:
عاشقة السفر .. من ظلم البشر
السبع له طبع من ملك الخلا يبربع ...... على عربية نقل
قريتها علي عربيها 127 مهكعه
Tuev geprurft
وكلمه tuev اختصار للهيئه فحص سلامه وكفاءه السيارات الالمانيه
ومعنى الجمله ان السياره نجحت في الفحص الدوري لكفاءه من الهيئه
وكانت 127 مهكعه
اعتقد ان الموضوع مكرر
لو كان الرزق بالجري مكانش حد حصلني
( عربيه نص نقل )
دول مشاركتين مني لزوم التشجيع
العربي: على عربية نص نقل لسه جديدة متبصليش يا عبيط دنة انا جاية بالتقسيط
ENG : JUST.......... FOLLOW MY DUST
على عربية نص نقل سوزوكي صغيرة ...
متتريقش يا لوح ...... دي جايه بطلوع الروح
موضوع جميل
ولكن مفتوح موضوع مشابه له من قبل في هذا الرابط:
http://www.nilemotors.net/Nile/showthread.php?t=5707
فعلا هو تقريبا نفس قصدي من الموضوع لكن العنوان مكنش موضح واسف على التكرار غير المقصود
انا قريتها على توك توك (( ممنوع ركوب اولاد ابو اسماعيل )
-----------------------
Please note that the red color is specified for the managers of the forum, so please read the forum instrucions before
posting again
4
هلس تفلس
هلس بفتح الهاء و تشديد اللام
و كانت مكتوبة على تاكسى فى اسكندرية
عزيزى talentاقتباس:
المشاركة الأصلية كتبت بواسطة talent
هــايـلـه
حكتبها من بكره على الياريس
على السقف و الشنطه و الكبود و ال 4 ببان ... :D
للبيع علشان ترتاحو
و كمان نسيتم للبيع بجد..
ودي سببها ان معظم سواقين الميكروباص بيكتبوا علي العربيات للبيع عشان الحسد..
لكن اللي بيبيع بحد لازم يتعب شوية..:)
عين الحسود فيها عود قصب
الحلوة تفاحة للسفر والسياحة
ماتبصليش بعين رضيــّــة
دا انا طلع عين أمى ف السعودية
ميكروباص تويوتا 2008..!! :)
عربية نقل
علشان تعيش من اليمين متعديش
انا اسف علي اللفظ اللي هيطلع ف التعليق ده.. بس انا ماليش دعوة.. كان مكتوب كده.. :)
(سوقوا بالراجة يا بهايم.. سواق العربية نايم..) :) :) :) :)
انا اسف تاني ع اللفظ..
انا التفاحه وبغني واسال الصحرا عني
ربع نقل
ياتهدي ياتعدي
مافيش صاحب يتصاحب
ده كلام شفته مكتوب عبى تكتك
"ماتخافش من الكمين وظبط الأمين"
جااااااااااااااااااااامد جدا موضوع الامين ده..
حلوة يا باشا.. ملعوبة فعلا..
بجد أحلى تعليق شوفته
I Don't Drive Fast I Just Fly Slowly
رهييييييييييييييييبه