الموضوع: مخبر شرطة يقتل طالب فى الفيوم بشومة

سواء برخصة أو من غير
ياعنى دلوقتى و أنا ماشى بالعربية مثلا الأقى ناس لابسين ملكى كده لوحدهم قاقوم واقف و فاتح الشباك أكون فى خبر كان و تكون العربية طارت طب أفرّق إزاى بينهم و بين البلطجية مفيش أىّ و وعى تماماااا
و ربنا يصبر أهلوا ة يكون فى عونهم

المشاركة الأصلية كتبت بواسطة yasserelsayad

انا قبل الثورة كنت ماشى بليل ومروح جيت دخلت عند هيبر كدا ورايح على الربوة الكلام دا كان على الساعة 3 الفجر
المهم كانوا عاملين كمين بس كل اللى فيه لابس ملكى ومش معاهم عربية ولا حاجة وقفين فى الشارع
انا افتكرتهم ناس عاديين جيت ازمرلهم واعدى لقيتهم بيجروا على العربية روحت جارى وكنت هشيل لواء على كبوت عشان وقف قدام العربية
بعديها لقيت ظابط بيوقفنى وبيقولى انت هربت من الكمين وكنت هروح فى مصيبة لولا ان هما تفهموا الموقف واللواء كان بيقولى انا كنت هضرب على العربية نار عشان هما اصلا كانوا عاملين كمين لواحد وافتكره انا.

اللى عايز اقوله انهم ممكن يكونوا وقفين كدا كمين لحد لما هو جرى افتكروا عامل مصيبة فحاولوا يوقفه وطبعا هو مش قصده يقتله يعنى
فى رأى الاتنين غلطانين المخبر عشان استخدم القوة والغشومية والولد عشان جرى وحاول يهرب

ده يدينا فكرة عن طريقة عمل الشرطة في مصر ............
أنا بقابل كماين كتير و انا مسافر في اوقات متأخرة و بعدي بسرعتي زي ما هيه و النور العالي مشغله و لا يمكن اقف أبدا من بعد الثورة ..........
مين عارف مش يمكن حرامية و عاملين كمين بلبس بوليس و متنسوش ان فيه عربيات شرطة بالهبل مسروقة ...

المشاركة الأصلية كتبت بواسطة a.saad

فيه خطأ من الشرطة
اى كمين لازم يكون فيه ظابط وبوكس ميرى
هل الكلام ده برده فى الاقليم ولا ايه النظام هناك

لأ مش لازم ... ممكن عسكري و لا محبر تكبر في دماغه يقفل الطريق و يفتش و يعمل كل اللي هوه عايزه لأن أغلب الناس في المنطقة دي بسطاء و فلاحين و بيخافوا من الحكومة زي خوفهم من الموت كده ...