سؤال فى الام 11 ياترى الزرار ده بتاع ايه؟؟؟

السلام عليكم اخوانى الكرام

ياريت تبصوا للصورة وتقولولى الزرار ده بتاع ايه؟؟
انا من ساعة ماجبت العربية ومن قبل ما اجيبها وعارف ان الزرار اللى زى ده وعليه العلامة دى هو بتاع ال heater اللى بيسخن الزجاج الخلفى فى حالة الشبورة تقوم المية تسيح عشان تعدل مستوى الرؤية الخلفى ولكن النهاردة ركب معايا واحد جارى وكنت مشغل التكييف بس كنت راكن العربية فى مكان شمس طحن ولما نزلت ساعة صلاة الجمعة طبعا شغلت التكييف على الاخر بس مكنش قادر يعمل حاجة عشان الحرارة اللى واخداها العربية فقام جارى ده قاللى ماتشغل الزرار ده بتاع التكييف هيعدل الحرارة!! انا اعترضت بشدة وقولتله لأ ده بتاع سخان الزجاج الخلفى عشان الشبورة ودخلت فى جدال معاه فحبيت اخد رايكم واتاكد منكم وماخاب من استشار...

http://img10.imageshack.us/img10/682/image0027wl.jpg Uploaded with ImageShack.us

انت صح

بتاع الزجاج اللى ورا .. كنت شغله و خليه يقعد على الازاز اللى ورا عشان يتلسع :biggrin24:

الف شكر يا جماعة على المعلومة انا حبيت اتاكد عشان اكون على حق لما قاوحت معاه

بتاع سخان الزجاج الخلفي ... انت صح يا خالد

اقتباس:

---

المشاركة الأصلية كتبت بواسطة hima77

بتاع سخان الزجاج الخلفي ... انت صح يا خالد

---

تسلم يا هيما الف شكر

انت صح نسبيا .... بيسخن الزجاج الخلفي زي مالكل قال + مراية الباب الشمال بتاعة السواق ... .لو بصيت فيها هتلاقي فيها خط حراري زي اللي في الزجاج الخلفي ....

اظن جديدة دي بقي ولا ايه ؟؟؟؟؟؟:16:

اقتباس:

---

المشاركة الأصلية كتبت بواسطة hemaa_82

انت صح نسبيا .... بيسخن الزجاج الخلفي زي مالكل قال + مراية الباب الشمال بتاعة السواق ... .لو بصيت فيها هتلاقي فيها خط حراري زي اللي في الزجاج الخلفي ....
اظن جديدة دي بقي ولا ايه ؟؟؟؟؟؟:16:

---

فعلا جديدة يا هيما انا ملاحظ من يوم ما استلمت خط فى المراية بالطول قاسمها تقريبا تلت وتلتين خط زى مايكون خدش بس مستقيم اوى زى مايكون قطع بالليزر ولما سالت المعرض وانا بعاين قعد يفتى وانا قولت مش مشكلة هو مش خدش لانه مستقيم جدا

تسلم يا هيما

اقتباس:

---

المشاركة الأصلية كتبت بواسطة khaled_saga

فعلا جديدة يا هيما انا ملاحظ من يوم ما استلمت خط فى المراية بالطول قاسمها تقريبا تلت وتلتين خط زى مايكون خدش بس مستقيم اوى زى مايكون قطع بالليزر ولما سالت المعرض وانا بعاين قعد يفتى وانا قولت مش مشكلة هو مش خدش لانه مستقيم جدا

تسلم يا هيما

---

وانا اللي كنت فاكر المرايا الشمال عندي فيها حاجة غلط

اقتباس:

---

المشاركة الأصلية كتبت بواسطة hima77

وانا اللي كنت فاكر المرايا الشمال عندي فيها حاجة غلط

---

هههههههههههه زى حالتى يا هيما يوم لما كنت بستلم لاحظت وكنت هتجنن معقولة ارفض استلام العربية عشان الخط ده ولما سألت صاحب المعرض ارتبك وقالى ده خط ضل المرايا وكلام كبير كده وده شككنى اكتر بس بعد كده نسيت خالص وفوجئت بهيما بيقول انه خط تسخين افطمن قلبى تماماااااااا

اقتباس:

---

المشاركة الأصلية كتبت بواسطة hemaa_82

انت صح نسبيا .... بيسخن الزجاج الخلفي زي مالكل قال + مراية الباب الشمال بتاعة السواق ... .لو بصيت فيها هتلاقي فيها خط حراري زي اللي في الزجاج الخلفي ....

اظن جديدة دي بقي ولا ايه ؟؟؟؟؟؟:16:

---

الخط اللى فى المرايا دا ياجماعه بيتمثل فى حاجه اسمها النقطه العاميه فى المرأه ودايما هتلاقو الموضوع ده فى العربيات الألمانى بالذات انو بيجى فى التلت الأخير من المرايا ويعمل خط الأنكسار دا ومن بعدها بتبقى المرايا شبه مقعره عشان لو فى عربيه اصبحت جنبك مش هتشوفها فى المرايا العاديه لكن هتشوفها فى الجزء دا وجربو تخبو الجزء دا وتقفو جنب عربيه وتشوفو هل هتشفوه فى الجزء الباقى ولا لأ ولو مشوفتهاش شيلو الجزء اللى انتم خبتوه الللى هو بعد الخط المستقيم هتلاقو العربيه اللى جنبكم دى بانت والوقفه تبقى بحيث ان العربيه اللى جنبك اول كبوتها مثلا عند اول بابك من ناحيه الأكره وتخلى ما بينك ومابينها نصف متر او اقل قليلا جربو وقلولى ايه الأخبار

اقتباس:

---

المشاركة الأصلية كتبت بواسطة m.mostafa80

الخط اللى فى المرايا دا ياجماعه بيتمثل فى حاجه اسمها النقطه العاميه فى المرأه ودايما هتلاقو الموضوع ده فى العربيات الألمانى بالذات انو بيجى فى التلت الأخير من المرايا ويعمل خط الأنكسار دا ومن بعدها بتبقى المرايا شبه مقعره عشان لو فى عربيه اصبحت جنبك مش هتشوفها فى المرايا العاديه لكن هتشوفها فى الجزء دا وجربو تخبو الجزء دا وتقفو جنب عربيه وتشوفو هل هتشفوه فى الجزء الباقى ولا لأ ولو مشوفتهاش شيلو الجزء اللى انتم خبتوه الللى هو بعد الخط المستقيم هتلاقو العربيه اللى جنبكم دى بانت والوقفه تبقى بحيث ان العربيه اللى جنبك اول كبوتها مثلا عند اول بابك من ناحيه الأكره وتخلى ما بينك ومابينها نصف متر او اقل قليلا جربو وقلولى ايه الأخبار

---

السلام عليكم

بس يا مولانا التقعر في المراية بيكبر الصورة و لو حجم الصورة كبر مساحة المراية مش هتكفي و نتيجة لكدة انا اللي اعرفه ان المرايات بالذات في ابواب السيارة بيكون فيها تحديب علشان تقدر تجيب اكتر مساحة رؤية ... مع اعتبار انها بتبعد الحاجة اكتر من الحقيقي و علشان كده اضطر الصناع ان همه يكتبوا علي المرايات "احترس الاجسام اقرب من ما تبدو في المرآة" اللي بنلاقيه مكتوب ...... غير ان الخط ده مش عامل اي فرق في الصورة ما بين يمينه او شماله والا كان كل الاخوة خدوا بالهم .....

و بالنسبة للنقطه العاميه ف الاخوة المكروباصجية بيتغلبو عليها بالمراية المحدبة اللي بيلزقوها في طرف المرايا الاصليه اللي محدبة برضه بس علي اقل :)


فكرة انها تبقي مقعرة صعبة علي استيعابي شوية ... ولا انت شايف ايه......

بس الالمان في العربيات عفاريت برضه بس يا ريت تأكيد علي المعلومة لو ممكن و انا اوعدك اني هبص عندي بس برضه اقول ان انا عرفت ان هوه حراري"مع مراعاة انه فعلا لا يؤثر علي الصورة حواليه" من التوكيل

لا يافندم انا مش مولانا ولا حاجه ومعلش بدل مقول محدبه قلت مقعره
غلطه املائيه يعنى جل من لايسهو اما بخصوص المعلومه اللى انا كاتبها فانا متأكد منها حضرتك لأنى كنت راكب المانى قبل الألنترا اللى معايا وكان فيها نفس الحركه ومكنتش سخان مرايه ولا حاجه وكانت زى ما بقول لحضرتك كدا
وبعدين لو سواق ميكروباص مركب المرايا المقعره دى فهو محترم عارف ليه عشان هتجيبله النقطه العاميه اللى بنتكلم عليها وبالتالى يقدر يشوف هيعرف ياكل الغرزه منك من غير ما يأذيك ولا لأ وانا عن نفسى مركب المريتين اللى انت بتقول عليهم بتوع الميكروباصجيه دى عشان فعلا دورها مهم مش اكسر على اللى جنبى واقولو اصل مشفتكش فى المرايا
وعمتا عادى يعنى اعتبر حضرتك انى مقلتكش المعلومه مدام مزعلاك كدا يافندم ما بحبش ازعل حد

يا جميل ولا زعلان ولا حاجة والله و ربنا ما يجيب زعل .... احنا كلنا اخوات و غرضنا الافادة و الاستادة و بس .... و فوق كل زي علم عليم ..... و انا مش بقول ن عندي والله مانا قولت اهو المعلومة من التوكيل لان انا سالت ايه الخط ده ...لاني حاولت افهم و مالاقيتش فايدة .... بس هوه لو زي ما بتقول كان بقي في فرق في معامل الانكسار مابين الصورة علي يمينه و علي شماله بس فعلا مفيش ....يعني هوه غير مؤثر علي الصورة ....و لما قالولي محاولتش المسه حتي علشان اشوفه بيسخن ولا لا .... و ممكن جدا يطلعوا بيفتوا برضه .....

و طالاما الكلام ما بينا بكل احترام عمري ما افكر ازعل ... و مولانا مكنش هدفها التريقة و ربنا اللي عالم ... و اسف لو كنت فهمتني كدا

و برضه انا ما بشككش في معلومتك ... بس انا بتناقش معاك في ظل المعطيات .....

و المكروباصجية بيحطوها كلعب و منظر ... زي السيديهات اللي بيعلقوها و الخرز الازرق و هكذا ... انما انت اكيد بتستخدمها صح ... و ربنا يجعله في ميزان حسناتك يا معلم ... ولا هتفتكرني بتريق ب معلم برضه ؟؟؟؟:b4_611: