كمبروسر التكيف

**moudy2002** · 26-04-2008 02:20 PM

الاخوة الافاضل
التكيف عندى بعد ما خلصت العمرة لاقيتة شغال هوا بس المهم كشفت علية الراجل ضغط هوا وبعدين حط صابون على المواسير طلعت السربتينة مخرومة المهم لحمتها .. ضغط وكشف تانى لقى الكمبروسر عايز اويل سيل شفط و قالى انه بحوالى 80 90 جنية وهيكون مضروب والقى احسن انى اجيب واحد استيراد . مش عارف ازاى دة كلة حصل لانى قبل ما اعمل العمرة التكيف كان شغال زى الفل ..

دلوقتى مش عارف اغير الكمبروسر واجيب استراد ولا اجيب اويل سيل الشفت دة وكبر دماغى
تانى شيء القى افك الكمبروسر عند الميكانيكى وبعدين ادهولة يفك الكمبروسر ويدينى الاويل سيل اروح اجيبة من جسر الويس وارجعلة تانى يركب وبعدين اروح لميكانيكى يركب الكمبروسر تانى وبعدين ارجع تانى علشان يشحنة .. من الاخر عايز يوم كامل علشان اخلص دة غير وجع الدماغ ..

حد يعرف مكان كويس يكون عندة الجوانات دية ويعمل الفلم دة كلة عندة فى الورشة واشترى انا دماغى ؟؟
كنت قريت ان المراكبى فى حسر السويس وكمان حد اسمة محمد جابر فى ش احمد حلمى .. هل ممكن يكون عندهم كل قطع الغيار ويشيل ويركب عندة ومرحش لحد تانى ؟؟
شكرا مقدما

**mohsen** · 27-04-2008 01:43 PM

بص حضرتك انا هقوللك على تجربتى مع( محمد جابر)
انا كشفت على تكييف عربيتى اللانوس قالى الكمبروسور عايز طقم اصلاح
والطقم والشحن هيكلفك 300 جنيه
الى فك الكمبروسور وغير طقم الاصلاح ( 2 جوان سعر الواحد لايزيد عن جنيه+اورسيل الشافت
سعره لايزيد عن 5 جنيه)
عيل لايزيد عمره عن 13 سنة بيتعامل مع الكمبروسور والعدة بعنف- بيغسل الكمبروسور من جوة ببنزين ويسبه مليان رمله ويركب على الجوانات الجلد الجديدة عادى خالص- مسك الكمبروسور على المنجلة من عند طمبورة الكمبروسور الى بيركب عليها السير والنتيجة انه طبقلى شفة الطنبورة من 3 حتت
لما روحت وجبيت اغير سير التكييف بنفسى لقيت معظم المسامير الى ماسكة الكمبروسور مش مربوطة كويس يعنى المهم ان
الخلاصة:
1-طقم الاصلاح الجديد غالبا مش اصلى لدرجة انى متوقع انه مش هيكمل اكتر من صيف واحد
2-مستوى الشغل وحش اوى
بس انت مفيش حل ادامك الا تغيير طقم الاصلاح ده لان الكمبروسور حتى لو استيراد اغلى من كده بكتيير
والله على ما اقول شهيد

**marsguy** · 27-04-2008 02:15 PM

أنا حصلتلي نفس المشكله في عربيتي، بس الراجل بتاع التكييف قاللي غير الكومبريسور على طول ما قاليش هات طقم إصلاح ولا أويل سيل.

إن شاء الله هاجيب كومبريسور إستيراد من الحرفيين وربنا يسهل

دعواتكم

**megane_man** · 27-04-2008 03:58 PM

فيه مركز اسمه ساندن في المعادي الجديدة محترمين جدا وعندهم كل حاجة وبيفق ويركب الكباس وعنده كباسات استيراد بيبعها بالضمان

**marsguy** · 27-04-2008 04:02 PM

المشاركة الأصلية كتبت بواسطة volvo_man

فيه مركز اسمه ساندن في المعادي الجديدة محترمين جدا وعندهم كل حاجة وبيفق ويركب الكباس وعنده كباسات استيراد بيبعها بالضمان

ممكن تقولنا مكانه فين بالظبط؟

ويا ريت يكون في رقم تليفون كمان

شكراً

**megane_man** · 27-04-2008 11:47 PM

المشاركة الأصلية كتبت بواسطة marsguy

ممكن تقولنا مكانه فين بالظبط؟

ويا ريت يكون في رقم تليفون كمان

شكراً

العنوان هو 62 شارع النصر المعادي الجديدة
ت 5200017-5200018
وعنده غير التكييف كماليات تانية بس انا جربته في التكييف بس

**marsguy** · 28-04-2008 08:13 AM

المشاركة الأصلية كتبت بواسطة volvo_man

العنوان هو 62 شارع النصر المعادي الجديدة
ت 5200017-5200018
وعنده غير التكييف كماليات تانية بس انا جربته في التكييف بس

ألف شكر يا باشا

ربنا يكرمك

**megane_man** · 28-04-2008 03:34 PM

العفووووووووووووووووووووو وووووووووووو وياريت الي يروح عنده يطمني

**ecybrarian** · 28-04-2008 04:20 PM

ايوه ساندن ده احسن محل تكييفات عربيات في مصر

**Ahmad Allawy** · 28-04-2008 10:41 PM

مش قوي كده يا جماعه..
مش احسن محل في مصر ولا حاجة..
في الانضف منه مقار اللي في المعادي..عند اللاسلكي كده..
و الانضف من كل دول كمان.. ديافيا.. مش فاكر محكانهم فين بالظبط..
بس لو حبيتم ممكن اجيبلكم تفاصيل..

الموضوع: كمبروسر التكيف

LinkBack

أدوات الموضوع

عرض

كمبروسر التكيف - انشر الموضوع فى :

-

-

-

-

-

المواضيع المتشابهه

ركبت مروحة امام سربنتينة التكيف برده العربية بتسخن مع التكيف

تقوية الارضي وعزل ماوسير التكيف و تغيير مروحة التكيف

هل الغاء التكيف الساخن يزيد من كفاءة التكيف البارد ( الثلاجة) ؟

حرارة الميجان 2 مع التكيف تعلى ومن غير التكيف ثابتة على النص

حد صلح كمبروسر التكيف قبل كدة ؟

الكلمات الدلالية لهذا الموضوع

المفضلات

المفضلات

ضوابط المشاركة