اول امبارح واول اول امبارح وقبلهم العربية كانت زى الفل وكنت بمشى بيها مشاوير طويلة وقصيرة الصبح وبليل بتكييف وبدون تكييف وركنت العربية عادى زى كل يوم
امبارح جيت ادور العربية لقيتها صوتها بقى عالى اوى وبتترج جامد جدا كان الفتيس مفكوك وعلبة الشكمان مكسورة والعربية مخلعة جامد المهم مشيت بيها لان والدى كان مسافر وكان لازم اوصله العربية كنت بطلع بيها على الكوبرى وانا بسرعة 40 كم على التانى المهم جبت التالت وانا على مطلع الكوبرى وادوس بنزين والعربية مش عايزة تمشى المهم وصلت والدى ورجعت للميكانيكى قاللى الموبينه قبل مايشوف حاجة المهم فتح الكبوت ولقى الشرارة طالعة من الموبينة كويسة قاللى ده عيب رشاشات وهاجيبلك رشاشات فيرنا هى اللى بتركبلها قلتله على حكاية رشاشات البى ام دى حسسنى ان انا شتمت خالته وعمل اختبار للرشاشات وهى فى المكنة لقى واحد مش شغال خالص وواحد ضعيف اوى
وهو بيفك قاللى انا هاغيرلك البوجيهات الاول غير البوجيهات لقى بوجيه عليه زيت انا طبعا فهمت ان المكنة محتاجة طقم شمبر المهم غير البوجيهات والدنيا اتعدلت
اولا اسف على الاطالة
ثانيا اللى انا مستغربله ان العربية كنت ماشى بيها كويس ومحصلش الكلام ده الا وانا بدور الصبح ((مش فاهم ازاى وليه وعايز اعرف السبب وهى لما بتظهر بتظهر بالطريقة دى وفى بداية التدوير ؟؟؟ ))
ثالثا المسافة اللى انا مشيت بيها والعربية فى المشكلة دى حوالى 15 كم مش غلط والعربية كده ؟؟؟؟؟؟؟؟؟
وشكرا جزيلاااا