هو لو الموتور خفيف و بياكل زيت, العربية تسخن ؟؟

**MASERATI** · 10-06-2011 07:23 PM

السلام عليكم و رحمة الله و بركاته

أنا كنت عاوز أسأل, أنا عربيتنا البيجو ال505 مو 1980, الموتور بتاعها خفيف و بتاكل بتاع 1 لتر كل غيار (كل 1000 كم).

و من حوالى سنة, بتسخن فى الصيف بشكل واضح و غير مسبوق, أنا عملت اللى مايعمل و غيرت الرادياتير بواحد أطول بكتيييييييييييير من اللى كان فيها, أى نعم السخونية قلت شوية, بس لا زالت بتسخن, الغريب فى الموضوع, أن الشاهين 1400 مو1997, بتعمل فى نفس ظروف التشغيل و أسوأ و لا أهتم بالكشف على ميه الرادياتير الا كل حين و مين و لكنها -ما شاء الله- محترمة و أصيلة و بنت ناس و مابتسخنش على الاطلاااااااااااااق.

فأنا جه فى دماغى, أنه مكن يكون فى العربية البيجو عشان المكنة خفت, بتسخن.

و لا أنتوا رأيكم ايه يا شباب ؟؟؟

خلوا بالكم, الكلام ده بيحصل رغم أن الرادياتير مليان و القربة مليانة و كله ألسطة.

شكرا و جزاكم الله كل خير .

**aYaBooY** · 11-06-2011 02:20 AM

الخففان لا يسبب السخونة
بس ممكن تكون فيه مشكلة في جوان وش السلندر او التكيهات تكون مقفولة شوية

**MASERATI** · 11-06-2011 11:23 AM

المشاركة الأصلية كتبت بواسطة ayabooy

الخففان لا يسبب السخونة
بس ممكن تكون فيه مشكلة في جوان وش السلندر او التكيهات تكون مقفولة شوية

السلام عليكم و رحمة الله و بركاته

ألف شكر لردك يا باشا, لأنك الوحيد اللى عبرتنى و رديت عليا فى كوووووووووووووووووول المنتدى ده.

**aYaBooY** · 11-06-2011 06:04 PM

و عليكم السلام بس يا ريت متزعلش من الناس علشان طبعا كل واحد ليه مشاغلة
او ممكن ميكونش فيه حد عنده خبرة في النقطة ديه

**SAMEH_FOUAD** · 11-06-2011 09:16 PM

ياباشا معلش المكنة لما بتبقى خفيفة بتؤدى الى ارتفاع فى درجة الحرارة وذلك بسبب عدم احكام الشنابر وتسريب الزيت خارج غرف الحريق

فدة نتيجة طبيعية للمكنة الخفيفة