الموضوع: الزراعة و كل ما يخصها - اسئل و الاجابة علينا

الحمد لله على السلامة

المشاركة الأصلية كتبت بواسطة rockana9112007

شكرااا جزيلا على رد سيادتك الوافى
وياريت لو حضرتك عندك معلومات عن زراعة الخيار والفراولة ياريت تمدنى بيهاااا
ولسيادتك خالص الشكر

عفواً لا شكر على واجب نحن هنا أخوة لتبادل المعارف.

زراعة الخيار: يمكن البدأ في زراعة الخيار في منتصف شهر فبراير و حتى منتصف مايو و يتوقف على المنطقة التي سيتم فيها الزراعة.
زراعة الفراولة بدأ من سبتمبر حتى اخر اكتوبر.

المشاركة الأصلية كتبت بواسطة rockana9112007

وايضااا ماهى اهم المحاصيل التى يمكن زراعتهاااا فى صوب بلاستيكية

أهم المحاصيل التي يمكن زراعتها في الصوب البلاستيكية هي : الخيار، الزهور (القرنفل.....الخ)،أحيانا يزرع البطيخ و الكانتلوب و الطماطم.

المشاركة الأصلية كتبت بواسطة azmeralda

الحمد لله على السلامة

الله يسلمك ،أشكرك

المشاركة الأصلية كتبت بواسطة samoreception

طيب كنت عاوز اسال حضرتك على اقل اسعار للفدان بتبقى كام وفين الاماكن اللى ممكن يكون ليها مستقبل حلو والفدان بيكلفنى كام اسمدة وعناية كل سنة علشان اقدر اخليه ينتج بعد كده محصول

سعر الفدان يبدأ بخمسمائة جنية (شراء من البدو وضع يد).
2000 جنية و حتى 5000 من شركات أو أفراد بدون ايه استصلاح.
15000 جنية و يكون تم الاستصلاح.

كل ما سبق المالك لا يملك سند ملكية نهائي

في حالة و جود سند ملكية نهائي الارقام اللي ممكن اي اناس يتخيلها.

تكلفة الزراعة تتوقف على المحصول و يمكن البدأ من 2000 جنية حتى 15000 جنية.

أما فيما يختص بالانتاجية و الربحية أنا أنصح اي شخص عاوز يكسب انه لا يحسب الارباح و لا يفكر فيها الا بعد جني المحصول لأن ده توفيق من عند ربنا علشان احنا بنحط البذرة و نخدمها لكن الله هو المتحكم فيها.

المشاركة الأصلية كتبت بواسطة ahmedmali

الله يسلمك ،أشكرك

العفو: )

فين بقى اجابات اسئلتى؟

المشاركة الأصلية كتبت بواسطة azmeralda

البقدونس مطلعش غير كام واحدة وبعد فترة طويلة

كمان النعناع طالع 5 فروع ومش بيكبر الورق قوى


طبعا كله فى اصيصات

عايزة ازرع طماطم وخيار وروز مارى وريحان ايه التفاصيل

كمان الجرجير طلع بسرعة لكن نموه بطىء؟

البقدونس: ممكن العيب يكون من البذور يعني نسبة الانبات بتكون ضعيفة و ده اغلب الاسباب، أو أن زراعة البذور كانت على عمق و ده سبب انها اخدت فترة طويلة.
النعناع: قليلي الماء و حاولي تسمدية كويس الافضل سماد 20-20-20 و حاولي تجيبي المستورد هو غالي كتير عن المحلي بس احسن.
طماطم و خيار و روزماري و ريحان: أزرعي دلوقي بس مش في الشمس المباشرة يعني ظل شوية علشان الحر.
الجرجير: عليكي بالتسميدددددددددددددد.

حضرتك انا مغترب وبفكر ارجع بلدى واستصلح ارض مع انى معنديش اى فكرة عن الزراعة غير انى الزرع بيحتاج مياه ومعايا فى حدود 100 الف هل اقدر ابتدى بالمبلغ ده