الزراعة و كل ما يخصها - اسئل و الاجابة علينا

**m3_dolphen** · 28-06-2011 03:33 AM

المشاركة الأصلية كتبت بواسطة ahmedmali

أخي العزيز:
طبعاً المبلغ قليل للبدأ و ذلك في حالة إذا كنت بتفكر تتملك.
مثال: 20 فدان بسعر 3000 جنية الفدان = 60000 جنية
تكاليف الاستصلاح: حفر بئر لمساحه 80 فدان 100000 ما يساوي 1250 للفدان
موتور و طلمبة رفع 80000 ما يساوي 1000 للفدان
شبكة ري 2000 جنية للفدان
غير تكاليف الزراعة حسب المحصول و لا تقل عن 1500 جنية للفدان

الاجمالي:
3000 سعر الفدان
1250 حفر البئر
1000 موتور و طلمبة رفع
2000 شبكة ري
1500 زراعة

8750 تكلفة الفدان الواحد

ممكن يشترى 20 فدان ويستصلح 10 فقط فى البداية يعنى ممكن الــ 100 يبنفعوا كبداية

**samoreception** · 28-06-2011 03:51 AM

بس فعلا انا حاسس ان 100 الف هيكونوا قليل كبداية مناسبة
عمتا انا هحاول اصبر شوية علشان ابتدى بداية صحيحة

**m3_dolphen** · 28-06-2011 05:45 AM

الأول انا عايز أشكر صاحب الموضوع أستاذ احمد وربنا يجازيه خير على موضوعه الجميل والمفيد جدا وربنا يجعله فى ميزان حسناته
على فكرة انا بكالوريوس 2007 زراعة وبحب الزراعة جدا بس للأسف ( والحمد لله طبعا ) اشتغلت فى مجال الكهرباء هوايتى المفضلة من صغرى

**m3_dolphen** · 28-06-2011 05:56 AM

المشاركة الأصلية كتبت بواسطة samoreception

بس فعلا انا حاسس ان 100 الف هيكونوا قليل كبداية مناسبة
عمتا انا هحاول اصبر شوية علشان ابتدى بداية صحيحة

هو ده الكلام الصح ولو عايز بقى متتعبش كتير ابتدى اتعرف واجمع معلومات كتير على قد ما تقدر عن الزراعة عموما ومشروعك خصوصا وانا فى رأى ان معلوماتك عن المشروع لا تقل اهمية عن الجانب المالى ..

اهم المعلومات :

خصائص التربة الرملية ... مثلا بتحتاج ميه كتير وتسميد

اهم النباتات التى تنجح زراعتها فى الارض الرملية ... مثلا البطاطس

علاقة نوع النبات بالجو المحيط ... مثلا الانواع اللى بتتحمل الحرارة

انواع الرى المختلفة ... مثلا الرى بالرش او الرى بالتنقيط

التسويق ... طبعا ده اخر مرحلة ودى اللى تنجح المشروع كله او لا قدر الله العكس

وقبل كل شئ استعن بالله واصبر ولا تتعجل الربح

**ahmedmali** · 28-06-2011 09:10 AM

المشاركة الأصلية كتبت بواسطة m3_dolphen

الأول انا عايز أشكر صاحب الموضوع أستاذ احمد وربنا يجازيه خير على موضوعه الجميل والمفيد جدا وربنا يجعله فى ميزان حسناته
على فكرة انا بكالوريوس 2007 زراعة وبحب الزراعة جدا بس للأسف ( والحمد لله طبعا ) اشتغلت فى مجال الكهرباء هوايتى المفضلة من صغرى

عفواً يا أخي لا شكر على واجب، أنا شايف الناس هنا كلها بتحاول تساعد بعض بأي معلومات و بصراحة الزراعة هي دي اللي بفهم فيها و بحاول.

**ahmedmali** · 28-06-2011 09:20 AM

المشاركة الأصلية كتبت بواسطة samoreception

بس فعلا انا حاسس ان 100 الف هيكونوا قليل كبداية مناسبة
عمتا انا هحاول اصبر شوية علشان ابتدى بداية صحيحة

أستخير ربك و بعد كده ابتدي متفكرش المبلغ صغير أو كبير.
الزراعة بتعتمد على علاقتك مع الله و النيه و دي الخلاصة بتاعت الزراعة أوعي تحسبها علشان لو حسبتها ها تخسر، و عموماً بعد ما ان شاء الله تدوق طعم فلوس الزراعة ها تعرف الفرق بينها و بين اي فلوس تانية و ها تصدقك و تعرف انا ايه اللي اقصده علشان فلوس الزراعة مش بالكلام و الشرح هي بالتجربة.
انا اشتغلت كثير و كسبت كثير عمري ما حسيت ان في فلوس فيها بركة و تقعد دائماً الفلوس ركبها عفريت و تطير و مبعرفش الفلوس بتروح فين ما عدا فلوس الزراعة الوحيدة اللي مختلفه بتقعد و بعرف بتروح فين.
ابتدي من دلوقتي و حدد انت عايز اية بس اهم شئ حدد نيتك ايه.

**azmeralda** · 28-06-2011 02:00 PM

النعناع المستورد ده بيجى منين

وبالنسبة للطماطم والخيار والوز مارى شتلات احسن؟

كمان الملوخية حاجات عمالة تطول كده زيادة عن اللزوم وبتتنى ده ايه؟

**ahmedmali** · 28-06-2011 11:33 PM

المشاركة الأصلية كتبت بواسطة azmeralda

النعناع المستورد ده بيجى منين

وبالنسبة للطماطم والخيار والوز مارى شتلات احسن؟

كمان الملوخية حاجات عمالة تطول كده زيادة عن اللزوم وبتتنى ده ايه؟

- تقصدي النعناع الفلفلي.
- الطماطم شتلات - الخيار بذور - روزماري عقل (ده الأفضل للمنزل علشان الخبرة قليله و المساحه صغيرة).
- الملوخية عاوزة شمس كأنها في الغيط ، اللي بيحصل فيها اسمه تسرول يعني بتطول و رفيعة من قله الشمس.

**azmeralda** · 29-06-2011 09:47 AM

معرفش انت اللى بتقول النعناع المستورد احسن وشكرا على مساعدتك: )

بس الشمس حلوة فى البلكونة مش قليلة

**ahmedmali** · 29-06-2011 09:54 AM

المشاركة الأصلية كتبت بواسطة azmeralda

معرفش انت اللى بتقول النعناع المستورد احسن وشكرا على مساعدتك: )

بس الشمس حلوة فى البلكونة مش قليلة

مش انا
عموماً انا بحب النعناع الفلفلي بتاع مرسى مطروح و هو مشهور جداً هناك، ممكن يكون موجود في محطة البحوث الزراعية او مديرية الزراعة.
الشمس حلوة : المقصود ان الشمس تكون مباشرة و طول اليوم كأن الزرع فوق السطوح أو في الحقل لكن في البلكونه الشمس بتكون قليلة.