أنا ملاحظ عدد من الأعضاء محتار و نفسه في مزرعة أو تعبان في أرضة أو زارع شوية حاجات في البيت و محتار.
برجاء كل من له أي إستفسار عن الزراعة أن لا يتردد في السؤال و إن شاء الله سيجد الإجابة.
أخوكم أحمد
عرض للطباعة
أنا ملاحظ عدد من الأعضاء محتار و نفسه في مزرعة أو تعبان في أرضة أو زارع شوية حاجات في البيت و محتار.
برجاء كل من له أي إستفسار عن الزراعة أن لا يتردد في السؤال و إن شاء الله سيجد الإجابة.
أخوكم أحمد
هل الزراعه بمفهومها الواسه مشروع مربح؟؟؟
وايه اقل عدد من الافدنه ممكن يتزرع ويكون الربح معقول
أخي محمداقتباس:
المشاركة الأصلية كتبت بواسطة mememsaid
بالطبع الزراعة مشروع مربح جدأ بدليل الشركات التي تتجه الى إستصلاح الأراضي رغم التكلفة العاليه، أيضاً يكفي في كثير من الحالات يعيش الفلاح و أسرتة على زراعة قيراط (175 متر مربع).
أما أقل عدد ممكن فهذا يتوقف على ما هو مبلغ الربح الذي تقصده، فمثلاً مستوى الفرد الذي يعيش على قيراط يختلف عن الذي يعيش على فدان أو خمسة أو عشرة أو مائة.
لكن رأي الشخصي أن عشرون فدان كفيلة بمستوى معيشة رائع.
طييب يافندم ممكن تز.يدنا من خبرتك وعلمك اكتر
يعنى لو حضرتك عاوز تعمل مشروع المزرعة ال20 فدان
ردلى على الاسئلة دى بالتفصيل الممل
1-هتاخد الارض فين ----فين ارخص سعر للارض
2-ارض قديمة فى الوادى افضل ولا ارض رملية استصلاح
3-كيفية حل مشاكل المياة والرى المنتشرة فى الاراضى الاستصلاح المتطرفة
4- احسن محصول اقتصادى ذا عائد مرتفع (خضروات ولا فواكه ولا حاجات غير تقليدية زى اللب او السودانى )
5- هل زراعة محصول واحد احسن ام اكتر من محصول
6-كيفية التسويق
معلش اسئلة كتير بس الموضوع كبير وشيق جداا
1- هاتاخذ الأرض فين: مثال الشخص الساكن في مصر الجديدة حسب رغبتة هو بيفضل طريق الاسماعيلية، و كذلك نجد ان الشخص الساكن في الهرم بيفضل طريق الاسكندرية الصحراوي، بمعنى ان مكان الارض بيكون حسب الرغبة الشخصية و وجهة النظر الفردية، بالإضافة أيضاً بتحكمها الظروف المادية.اقتباس:
المشاركة الأصلية كتبت بواسطة rockana9112007
2- أرض قديمة طبعاً افضل بس السعر يحكم و ناس كثيرة باعت في القديمة فدان و اشترت 30 فدان في الصحراء
3- ماذا تقصد بمشاكل المياة: لكن الزراعة في الصحراء لابد ان نكييف نفسنا حسب رغبة الأرض و ليس حسب الأهواء و الرغبات الشخصية يعني ازرع مانجو في الأرض اللي تنفع فيها المانجو و ليس علشان انا عاوز ازرع مانجو و ان المانجو إقتصادية و مربحة.
4- لا يوجد شئ اسمه احسن محصول اقتصادي لأن كلة بيكسب و ممكن كلة بيخسر و الحالة المادية للمزارع تحكم فالفاكهه تحتاج سنين من 3 - 5 سنوات علشان تكون اقتصادية هل ممكن تصرف من غير مكسب 5 سنين.5- محصول واحد او اكثر أعتقد في حكمه بتقول لا تضع البيض كله في سله واحدة فلو فقدت السلة فقدت كل ثروتك.
التسويق انت و شطارتك و طبعا ممكن اسواق الجلة و ممكن تصدر و ممكن انت بنفسك تبيع في الاسواق للمستهلك و اعرف ناس كثير كانوا بيبيعوا البطيخ على عربيات نصف نقل و هما اصحاب مزارع.
شكرااا جزيلا على رد سيادتك الوافى
وياريت لو حضرتك عندك معلومات عن زراعة الخيار والفراولة ياريت تمدنى بيهاااا
ولسيادتك خالص الشكر
وايضااا ماهى اهم المحاصيل التى يمكن زراعتهاااا فى صوب بلاستيكية
طيب كنت عاوز اسال حضرتك على اقل اسعار للفدان بتبقى كام وفين الاماكن اللى ممكن يكون ليها مستقبل حلو والفدان بيكلفنى كام اسمدة وعناية كل سنة علشان اقدر اخليه ينتج بعد كده محصول
انتا فين ياطيب ؟؟؟؟؟
البقدونس مطلعش غير كام واحدة وبعد فترة طويلة
كمان النعناع طالع 5 فروع ومش بيكبر الورق قوى
طبعا كله فى اصيصات
عايزة ازرع طماطم وخيار وروز مارى وريحان ايه التفاصيل
كمان الجرجير طلع بسرعة لكن نموه بطىء؟
أنا أسف على عدم وجودي الفترة السابقة نظراً لظروف سفري و الحمد لله عدت و سوف أبدأ في الردود
الحمد لله على السلامة
عفواً لا شكر على واجب نحن هنا أخوة لتبادل المعارف.اقتباس:
المشاركة الأصلية كتبت بواسطة rockana9112007
زراعة الخيار: يمكن البدأ في زراعة الخيار في منتصف شهر فبراير و حتى منتصف مايو و يتوقف على المنطقة التي سيتم فيها الزراعة.
زراعة الفراولة بدأ من سبتمبر حتى اخر اكتوبر.
أهم المحاصيل التي يمكن زراعتها في الصوب البلاستيكية هي : الخيار، الزهور (القرنفل.....الخ)،أحيانا يزرع البطيخ و الكانتلوب و الطماطم.اقتباس:
المشاركة الأصلية كتبت بواسطة rockana9112007
الله يسلمك ،أشكركاقتباس:
المشاركة الأصلية كتبت بواسطة azmeralda
سعر الفدان يبدأ بخمسمائة جنية (شراء من البدو وضع يد).اقتباس:
المشاركة الأصلية كتبت بواسطة samoreception
2000 جنية و حتى 5000 من شركات أو أفراد بدون ايه استصلاح.
15000 جنية و يكون تم الاستصلاح.
كل ما سبق المالك لا يملك سند ملكية نهائي
في حالة و جود سند ملكية نهائي الارقام اللي ممكن اي اناس يتخيلها.
تكلفة الزراعة تتوقف على المحصول و يمكن البدأ من 2000 جنية حتى 15000 جنية.
أما فيما يختص بالانتاجية و الربحية أنا أنصح اي شخص عاوز يكسب انه لا يحسب الارباح و لا يفكر فيها الا بعد جني المحصول لأن ده توفيق من عند ربنا علشان احنا بنحط البذرة و نخدمها لكن الله هو المتحكم فيها.
العفو: )اقتباس:
المشاركة الأصلية كتبت بواسطة ahmedmali
فين بقى اجابات اسئلتى؟
البقدونس: ممكن العيب يكون من البذور يعني نسبة الانبات بتكون ضعيفة و ده اغلب الاسباب، أو أن زراعة البذور كانت على عمق و ده سبب انها اخدت فترة طويلة.اقتباس:
المشاركة الأصلية كتبت بواسطة azmeralda
النعناع: قليلي الماء و حاولي تسمدية كويس الافضل سماد 20-20-20 و حاولي تجيبي المستورد هو غالي كتير عن المحلي بس احسن.
طماطم و خيار و روزماري و ريحان: أزرعي دلوقي بس مش في الشمس المباشرة يعني ظل شوية علشان الحر.
الجرجير: عليكي بالتسميدددددددددددددد.
حضرتك انا مغترب وبفكر ارجع بلدى واستصلح ارض مع انى معنديش اى فكرة عن الزراعة غير انى الزرع بيحتاج مياه ومعايا فى حدود 100 الف هل اقدر ابتدى بالمبلغ ده
أخي العزيز:اقتباس:
المشاركة الأصلية كتبت بواسطة samoreception
طبعاً المبلغ قليل للبدأ و ذلك في حالة إذا كنت بتفكر تتملك.
مثال: 20 فدان بسعر 3000 جنية الفدان = 60000 جنية
تكاليف الاستصلاح: حفر بئر لمساحه 80 فدان 100000 ما يساوي 1250 للفدان
موتور و طلمبة رفع 80000 ما يساوي 1000 للفدان
شبكة ري 2000 جنية للفدان
غير تكاليف الزراعة حسب المحصول و لا تقل عن 1500 جنية للفدان
الاجمالي:
3000 سعر الفدان
1250 حفر البئر
1000 موتور و طلمبة رفع
2000 شبكة ري
1500 زراعة
8750 تكلفة الفدان الواحد
اقتباس:
المشاركة الأصلية كتبت بواسطة ahmedmali
ممكن يشترى 20 فدان ويستصلح 10 فقط فى البداية يعنى ممكن الــ 100 يبنفعوا كبداية
بس فعلا انا حاسس ان 100 الف هيكونوا قليل كبداية مناسبة
عمتا انا هحاول اصبر شوية علشان ابتدى بداية صحيحة
الأول انا عايز أشكر صاحب الموضوع أستاذ احمد وربنا يجازيه خير على موضوعه الجميل والمفيد جدا وربنا يجعله فى ميزان حسناته
على فكرة انا بكالوريوس 2007 زراعة وبحب الزراعة جدا بس للأسف ( والحمد لله طبعا ) اشتغلت فى مجال الكهرباء هوايتى المفضلة من صغرى
اقتباس:
المشاركة الأصلية كتبت بواسطة samoreception
هو ده الكلام الصح ولو عايز بقى متتعبش كتير ابتدى اتعرف واجمع معلومات كتير على قد ما تقدر عن الزراعة عموما ومشروعك خصوصا وانا فى رأى ان معلوماتك عن المشروع لا تقل اهمية عن الجانب المالى ..
اهم المعلومات :
خصائص التربة الرملية ... مثلا بتحتاج ميه كتير وتسميد
اهم النباتات التى تنجح زراعتها فى الارض الرملية ... مثلا البطاطس
علاقة نوع النبات بالجو المحيط ... مثلا الانواع اللى بتتحمل الحرارة
انواع الرى المختلفة ... مثلا الرى بالرش او الرى بالتنقيط
التسويق ... طبعا ده اخر مرحلة ودى اللى تنجح المشروع كله او لا قدر الله العكس
وقبل كل شئ استعن بالله واصبر ولا تتعجل الربح
عفواً يا أخي لا شكر على واجب، أنا شايف الناس هنا كلها بتحاول تساعد بعض بأي معلومات و بصراحة الزراعة هي دي اللي بفهم فيها و بحاول.اقتباس:
المشاركة الأصلية كتبت بواسطة m3_dolphen
أستخير ربك و بعد كده ابتدي متفكرش المبلغ صغير أو كبير.اقتباس:
المشاركة الأصلية كتبت بواسطة samoreception
الزراعة بتعتمد على علاقتك مع الله و النيه و دي الخلاصة بتاعت الزراعة أوعي تحسبها علشان لو حسبتها ها تخسر، و عموماً بعد ما ان شاء الله تدوق طعم فلوس الزراعة ها تعرف الفرق بينها و بين اي فلوس تانية و ها تصدقك و تعرف انا ايه اللي اقصده علشان فلوس الزراعة مش بالكلام و الشرح هي بالتجربة.
انا اشتغلت كثير و كسبت كثير عمري ما حسيت ان في فلوس فيها بركة و تقعد دائماً الفلوس ركبها عفريت و تطير و مبعرفش الفلوس بتروح فين ما عدا فلوس الزراعة الوحيدة اللي مختلفه بتقعد و بعرف بتروح فين.
ابتدي من دلوقتي و حدد انت عايز اية بس اهم شئ حدد نيتك ايه.
النعناع المستورد ده بيجى منين
وبالنسبة للطماطم والخيار والوز مارى شتلات احسن؟
كمان الملوخية حاجات عمالة تطول كده زيادة عن اللزوم وبتتنى ده ايه؟
- تقصدي النعناع الفلفلي.اقتباس:
المشاركة الأصلية كتبت بواسطة azmeralda
- الطماطم شتلات - الخيار بذور - روزماري عقل (ده الأفضل للمنزل علشان الخبرة قليله و المساحه صغيرة).
- الملوخية عاوزة شمس كأنها في الغيط ، اللي بيحصل فيها اسمه تسرول يعني بتطول و رفيعة من قله الشمس.
معرفش انت اللى بتقول النعناع المستورد احسن وشكرا على مساعدتك: )
بس الشمس حلوة فى البلكونة مش قليلة
مش انااقتباس:
المشاركة الأصلية كتبت بواسطة azmeralda
عموماً انا بحب النعناع الفلفلي بتاع مرسى مطروح و هو مشهور جداً هناك، ممكن يكون موجود في محطة البحوث الزراعية او مديرية الزراعة.
الشمس حلوة : المقصود ان الشمس تكون مباشرة و طول اليوم كأن الزرع فوق السطوح أو في الحقل لكن في البلكونه الشمس بتكون قليلة.
المقصود بالمستورد هو السماد و ليس النعناع.اقتباس:
المشاركة الأصلية كتبت بواسطة ahmedmali
حضرتك قلت فدان ب 3000
طب ممكن تقول لنا السعر ده فى انهى منطقة
و الاوضاع القانونية و الامنية ايه اخبارها
جزاك الله خير
السعر ده بيكون غالباً في وادي النطرون (الرست) طريق القاهرة الاسكندرية الصحراوي.اقتباس:
المشاركة الأصلية كتبت بواسطة أبو_حمزة
و بيكون شركة وفقت اوضاعها مع العرب (البدو) في وضع اليد و لم تنتهي في توفيق الوضع مع وزارة الزراعة.
الاوضاع الامنية بالطبع انت بتتفق مع خفير من البدو و هو المسئول عن الامن.
الكلام ده بناءاً على وضع تم امامي و بالطبع كل شئ بيتغيير حسب المكان و الاشخاص.