يا جماعه لو سمحتو محتاج مساعده ضروري لأني ان شاء الله هشتري E30 بكره او بعده بالكتير اوي
ومحتاج مساعدتكم ياريت مع العلم العربيه 318 مو 90
انا رحت اتفرجت علي العربيه النهارده وملاحظاتي كالآتي :
1- العربيه حالة الصاج من بره معقوله باستثناء خبطه بسيطه ف الرفرف الخلفي
2- الدهان الخارجي جيد لأنه لسه مرشوش من حوالي كم شهر
3- العربيه فيها شويه فروقات ف شغل السمكره بس شكلها مش لطيف - يعني مثلا الكبوت مفارق شويه عن الرفرف من الجنب و الاكصدامات مفارقه عن الوش شويه برضه و الفوانيس الخلفيه كذلك
4- العربيه متغيرلها موتور 1800 ابيض " مش عارف انا ايه ابيض واسود اصلا " الموتور صوته حلو بس فيه نتشه ف اول دوسه بنزبن كده --- الكلام ده كان بيبقي ف العربيات الكربراتير بيبقي تظبيط كربراتير - لكن الانجكشن دي مش عارف ده يبقي من ايه
5- العربيه الحوض فابريكه والله اعلم لكن الشنطه هو بيقولي فبريكه لكن انا شفت فيها بيبقي في جلده كده سوده ف البي ام عامة جلده كاوتش سوده لكن ف العربيه دي لقيتها حمرا !!! يعني زي لون العربيه
6- العربيه بيقولي دايرة التكييف كامله بس محتاجه كومبرسور !
7- سقف العربيه من جوه فرشه تعبان جدا و لازم يتغير
8- الصالون حالته العامه معقوله
اسف اني طولت عليكو بس انا لسه بيمر جديد ان شاء الله واتمني مساعدتكو
يا ريت تقولولي اولا العربيه دي بالمواصفات دي سعرها يعمل كم ؟؟
و ياريت لو حد يقدر يدلني ازاي اعرف الشنطه فابريكه ولا لأ !
و ياريت اسعار الكومبريسور ده و فرش السقف بالمره
يارب تساعدووووووني عشان مستعجل جدا علي العربيه وواخد يوم اجازه من شغلي بالعافيه عشان اخلص فيها
المفضلات