اقتراح حق التصويت لحملة الشهادات العليا والمتوسطة فقط

**aliabutaleb** · 11-06-2011 03:31 AM

انا متفهم إن صاحب الموضوع فاتح الموضوع للنقاش من غير ما يكون بيتبنى الرأي ده بالضرورة
بس انا باتخيل إننا لو أقرينا حاجة زي كدة هانبقى فرجة العالم كله على عنصريتنا وتمييزنا
وساعتها بقى هانحتاج ثورة فعلاً بس ضد اللي عنده رأي زي ده

**wahba87** · 11-06-2011 03:32 AM

المشاركة الأصلية كتبت بواسطة kamatsho

يا باشا مش عنصريه خااااااااااالص

بالعكس هو ده الصح وانا بقول كده من قبل ما يعملوا الاستفتاءات على التعديلات الدستوريه

مينفعش مصيرى ومصيرك يحدده الاغلبيه الجاهله

اقرب مثال ... الاستفتاء اللى حصل على التعديلات الدستوريه

الإخوان لعبوا على الناس دى وضحكوا عليهم تحت ستار الماده التانيه وطبعا التصويت كان لصالحهم

لأن الناس الغلابه اللى مش فاهمه دى كانوا محتاجين حد يقولهم اى بؤين عشان يعرفوا هيصوتوا بنعم او بــ لاء

وطبعاً كلهم صوتوا بنعم عشان البؤين اللى اتقالوا خوفوا الناس جدا من الأستفتاء بــ لا ... انا دخلت اللجنه لقيت ناس مبتعرفش الألف من كوز الدره

واقفين بيصوتوا بنعم

المفروض يكون متعلم على الأقل ومعاه شهاده متوسطه

اذا كان ناس كتير ( منهم انا) من المتعلمين ومعاهم شهادات عاليه مش فاهمين فى السياسه كويس

يبقى ازاى نخلى اللى مش متعلم اصلاً يستفتى فى امر مهم زي ده ؟؟ !!

لو لقيت واحد مش متعلم ولكنه سياسى بحت وواعى

ده بتبقى حالات نادره اوووى ...

العنصرية = تمييز

التمييز = فتنة

الفتنة مش طائفية و بس , اى تمييز يعمل فتنة

زى ما تقسيم المصريين لمسلمين و مسيحيين بيعمل فتنة

تقسيم المصريين لحضر و ريفى و بدو و صعايدة يعمل فتنة

تقسيم المصريين لمتعلمين و غير متعلمين يعمل فتنة

الغير متعلم ده مصرى و له الحق ان يختار من يمثله فى البرلمان , و اللى هيمثله هو اللى هينادى بحقوقه فى مجلس الشعب , و احد الحقوق دى انه يتعلم و ان ولاده يتعلموا

على كده لو فى دائرة انتخابية كل اهلها غير متعلمين , نلغيها من مجلس الشعب ؟

انا لا اوفق على التمييز بين المصريين

**Dr_Mido** · 11-06-2011 03:33 AM

عنصريه فجه هتقسم نسيج الطبقه المتوسطه نهائى

**m3_dolphen** · 11-06-2011 03:34 AM

لا أوافق وبشدة وضد أقصاء رأى اى انسان مصرى مهما كان مستوى تعليمه لأنه قمع للحريات واسقاط حق اصيل لإنسان مصرى يعيش على أرض وطنه .... يعنى كده المتعلمين هما الأسياد والغير متعلمين عبيد ليس لهم حق الإختيار أو الإعتراض ... فعلا زمن العجائب

**SkyBird** · 11-06-2011 04:15 AM

اللي بيقولوا عنصرية وتمييز واقصاء وكلام كبير
ليه محدش منكم عمل اي حاجه علشان التمييز لصالح العمالين والفلاحين ضد المواطنين المتعلمين المهمشين من 50 سنة

وهل التمييز ضد الجهل عيب وما يصحش ؟ اليس هذا دافعا للتعلم ؟

واللي خايف انهم يعملوا ثورة هل ممكن انهم قادرين على القيادة ؟

مجرد تساؤل

**Dr_Mido** · 11-06-2011 04:25 AM

المشاركة الأصلية كتبت بواسطة skybird

اللي بيقولوا عنصرية وتمييز واقصاء وكلام كبير
ليه محدش منكم عمل اي حاجه علشان التمييز لصالح العمالين والفلاحين ضد المواطنين المتعلمين المهمشين من 50 سنة

وهل التمييز ضد الجهل عيب وما يصحش ؟ اليس هذا دافعا للتعلم ؟

واللي خايف انهم يعملوا ثورة هل ممكن انهم قادرين على القيادة ؟

مجرد تساؤل

لا يااستاذ ولا يااستاذة مينفعش تهمشيهم ثم الخوف لو على ان حد يوجهه الفئه غير المتعلمه لا الفئه المتعلمه على الورق اغبى بكتير و سهل تتسحب بحبل وبعدين مشفناكش برضه عملت حاجه التعليم مظنش انت من حقك ولا حقك تعمم ان محدش عمل او معملش حاجه دة اولا ثانيا ابوكى او ابوك لو مش متعلم و علمك انت وجه يربيك هتقله انت متصلحش تدينى اى اراء او تقلى اعمل ايه ومعملش ايه انا متعلم وانت لا ثم يااستاذ ولا يااستاذة مشفتش دخول التحرير بالشهادات

**m3_dolphen** · 11-06-2011 05:36 AM

المشاركة الأصلية كتبت بواسطة SkyBird

اللي بيقولوا عنصرية وتمييز واقصاء وكلام كبير
ليه محدش منكم عمل اي حاجه علشان التمييز لصالح العمالين والفلاحين ضد المواطنين المتعلمين المهمشين من 50 سنة

أوجه لك هذا السؤال !

وهل التمييز ضد الجهل عيب وما يصحش ؟ اليس هذا دافعا للتعلم ؟

عندما يكون التمييز فى الحقوق يصير عيبا بل ونقصا .

واللي خايف انهم يعملوا ثورة هل ممكن انهم قادرين على القيادة ؟

ليس معنى أنهم غير قادرين على القيادة أنهم ليس لهم حق ليختاروا من يقودهم .

مجرد تساؤل

**SkyBird** · 11-06-2011 06:47 AM

يا استاذ محمود انا قصدي بجملة محدش منكم عمل اي حاجه علشان التمييز لصالح العمالين والفلاحين
قصدي محدش عمل تعليق يرفض التمييز الايجابي للعمال والفلاحين
على العموم النسبة حتى الان
وافق 55.56%

**beautiful0mind** · 11-06-2011 07:30 AM

فى ناس كتير مش متعلمه وعندهم وعى سياسى كبير ......والاقتراح بيظلمهم مرتين مره لانهم متعلموش ومره نزع حق أختيار مصرهم فالحياه السياسية

انا رافض

**ehab_mansour** · 11-06-2011 09:53 AM

لا أوافق
وياريت الناس تبطل تتكلم عن الاستفتاء وعن ان الاخوان وغيرهم ضحكو علي الناس وقالولهم نعم مش عارف لايه وايه

حرام عليكم كفاية اتهام للشعب المصري بالجهل والأمية أقسم بالله أبي رحمه الله مات منذ عشر سنوات وكان متعلم فقط حتي الصف السادس الابتدائي وسبب عدم تعلمه هو الاستعمار وعدم القدرة علي التعليم ايامها ولأنه كان من قرية في الدقهلية لا يوجد فيها مدرسة واحدة
المهم أقسم بالله أولاده معظمهم دراسات عليا وانا كنت وقتها في كلية الهندسة ولم يكن لدي أحدنا خبرة عشر خبرته ولا حتي في الحياة ولا التعليم ولا أي شيء ولاحتي الحرب لأنه قعد تسع سنوات في الجيش من قبل حرب 73 الي بعدها بثلاث سنوات
وده رجل من جهة نظركم فهو أمي وجاهل
لاحول ولا قوة إلا بالله العلي العظيم يارب ارحمنا

ياريت أحد الأخوة الأفاضل الموافقون يقلي لما يبقي ابوك ولا أخوك الأكبر و لاعمك ولا أي حد وهو اللي مربيك لحد مبيقيت بتفهم وتستخدم انترنت وتتكلم في السياسة وتيجي النهارده تقله خليك انت علي جنب عشان انت جاهل ومبتفهمش ياريت يقلي هيعمل ايه وايه هيكون رد فعله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وتقلي جهل أقسم بالله يوجد الكثررررررررررررر ممن هم حملة الشهادات والدراسات العليا وزمالة الجامعات الأجنية ولايحسن ان يتوضأ اويقضي حاجته او يغتسل فضلا عن انه يقود ويسوس اويشارك في صنع قرار دولة ........

مشاهدة نتائج الإستطلاع: هل توافق على الاقتراح؟

الموضوع: اقتراح حق التصويت لحملة الشهادات العليا والمتوسطة فقط

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

تشجيع لحملة اشترى كاوتش النسر

كيفية ارسال الشهادات مع cv

احد اهم الشهادات ضد تويوتا غير مؤكده !!!!!؟؟؟؟؟؟

تقييمك لحملة الصيانة المجانية

حامل لواء التصدي لحملة خلوها تصدي

الكلمات الدلالية لهذا الموضوع

المفضلات

المفضلات

ضوابط المشاركة