الإجابة معروفة بالنسبالي..ومستغرب لغاية دلوقت محدش عايز يصرح بيها!!!
و أديني مستني
انا ضد الموضوع ده بصراحة
الأولى التوجه لتعليم هؤلاء
و كذلك ضد كوتة للعمال والفلاحين
رأيي الشخصي أنا هذا الإقتراح قمة في العنصرية
فهو دعوة للتفرقة بين الناس في الحقوق على حسب مستواهم التعليمي الرسمي
أو بمعنى أصح على حسب ما يمتلكون من شهادات
والأصل أنه لا تمييز بين أحد في الحقوق سواء بسبب اللون أو الجنس أو المستوى الثقافي أو المستوى الإجتماعي
وملاحظة أخرى
أن هذا الإقتراح به كم كبير من الكبر على غير المتعلمين
رغم أن الكثير من غير المتعلمين لم يمنعم من التعلم إلا الفقر
وبالتالي أصبح الأمر تعالي من الأغنياء على الفقراء
وملاحظة أخيرة
أن الوعي الإجتماعي غير مرتبط بالتعلي الحكومي
فقد تجد إنسان امي ولكنه يتفوق على أستاذ الجامعة في الوعي الإجتماعي
والخلاصة
بدلاً من ان نجهد انفسنا في منع بعض الناس من حقوقهم بسبب عدم تعلمهم أو فقرهم الذي أدى لعدم تعلمهم
علينا أن نوفر هذا الجهد في الدعوة للتعليم
لا لمنع الأميين من حقوقهم الطبيعية
-
شلْت اللي كتبته عشان ميزعلش حد
بس موافق
وأهو يبقى حافز
بس مش حتحصل
هي الدنيا كده
ههه انت خدت الموضوع و لفيته و عمله جنااااايه كبيره الموضوع بسيط يا باشا
و موضوع الفقر هوا الي منع الناس من التعليم اسمحلي مش في مصر , الجهل لوحده الي بيمنع الناس من التعليم مش الفقر بدليل ان معظم المتعلمين و المتفوقين كمان من الطبقه الفقيره
و موضوع حرمان الناس من حقوقهم ..... اي حقوق و من شرعها لهم .. حقه دا هوا حق المواطنه بالكامل باستثناء مواقع القياده او التمثيل و في كل الفئات لازم هتلاقي واحد متعلم يعني من الفلاحين في متعلمين كتير و كمان من العمال في متعلمين برده و دا الي صاحب الموضوع مشير عليه بالتعليم المتوسط
و اقتراح حضرتك بتوفير الجهد للدعوه للتعليم صحيح و مقبول طبعا بس للاسف المفروض ان شيء بديهي ان الاميين فئه يجب الاشفاق عليها و الحد من انتشارها يعني الي جاي من الجيل الجديد امي لا يستحق عناء النظر اليه اصلا لا التفكير فيه
لان مفيش اي حجه لا فقر و لا قله حيله دا جهل مركب
و تفضل التحيه
حق التصويت ده حق للبنى آدم ....مش ممكن تنتزعه منه علشان مستوى تعليمه
العلماء و الجهلاء شركاء فى الوطن..و المسئولية أكبر على من أكرمهم الله و وفقهم لعلم أوسع من غيرهم...
فيكون رد الجميل بمحاولة توعية لمن هم أقل منهم حظا و ليس اقصائهم و استبعادهم أو حتى الاستعلاء عليهم فى حق أصيل
و إلا إعمالا بنفس المنطق فمن الواجب مضاعفة أى عقوبة على من يرتكب جرما ( أى جرم ) من المتعلمين الواعيين .....
يا ترى هل يقبل جمهور الموافقون على هذا الاقتراح الأخير ؟؟؟
بدل ما تمدوا يد العون و تبنوا جسور للتواصل و تؤدوا ما عليكم من دين لله ( هو الذى من بنعمة العلم ووفق للمعرفة مهما بذل الإنسان من جهد ) بإن تنهضوا بالمجتمع و أنتم الأقدر على ذلك....تريدون الحط من قدر الناس !!!!....عاااار عليكم !!!!
بالله عليكم كيف تتصورون شعور الأميين و الأقل حظا عندما تصلهم مثل تلك الأفكار ...
هل يساعد ذلك على أى وفاق أو حدة أو وئام بين أفراد الشعب و طبقاته فى وقت نحتاج فيه إلى كل ذرة تماسك....؟؟