-
تأخير فى الدوارة ..
سلام يا زملائى الأعزاء ..
العربية ليها معايا سنة ونص .. آخر صيانة من شهرين كانت صيانة الـ 20 ألف اللى بيتيغير فيها البوجيهات.
ولغاية من أسبوعين كانت بتدور على الشعرة بمجرد تشغيل المفتاح حتى لو كانت مركونة أسبوع مادارتش.
مؤخراً .. لقيت انى لما أكون راكنها يومين واللا حاجة من غير ما أطلع بيها ، وآجى أدورها ، تدور من تانى أو تالت محاولة مارش .. لكن بمجرد ما تدور وأخرج بيها .. ترجع تتظبط تانى وتدور من أول مرة طول ما أنا فى المشاوير فى اليوم ده ..
يعنى التأخير فى الدوارة بيحصل فقط لما تكون مركونة أكثر من يوم بدون دوارة.
يا ترى دى أعراض ضعف بطارية ، واللا مشكلة مارش واللا ايه؟
وهل فيه حد اشتكى من تأخير الدوارة فى اللوجان وكانت الأسباب ايه؟
وشكراً مقدماً للمساعدة.
-
-
طالما الموضوع بيظهر مع الركنة يبقى اكيد بطارية
-
البطاريه شوف كدا ضمانها اد ايه؟؟ مع التوكيل
-
-
ياريت قبل البطارية تكشف على دورة الشحن خلى كهربائى يشوف شحن الدينامو وسير الدينامو لان ممكن تكون المشكلة فى الشحن وليس البطارية بدليل ان البطارية بتحتفظ بشحن اليوم كله وتدور زى الفل طول النهار وإن شاء الله تكون بسيطة وبانتظار ردك على حل المشكلة
-
بطارية ياوحش
متقلقش كده الدينامو بيشحن كويس لانها بتمشى اليوم كله كويس حسب كلامك
بس لما بتتركن البطارية بتسرب الشحنه اللى فيها فبتعتل وتدى مارش بطىء يغييب فى الدوارة
خصوصا الصبح
وتقبل تحياتى عن تجربة اكشف على البطارية عند حد بيفهم بتاع بطاريات ولو تعبانة غيرها
-
أممم .. بطارية يعنى؟؟
فيه حد كان قال ان البطارية الجافة ممكن تقعد لغاية 5 سنين ..
مش شايفين معايا ان سنة ونص قليل قوى؟؟
-
انت بس روح اكشف على البطاريه
ونصيحه اقعد مصمص فى البطاريه لحد متقول كفايه حرام
وهات واحده جديده جافه وتوكل على الله
-
دى اعراض ضعف البطارية حصلت معايا وغيرتها ممكن تجرب بطارية سليمة وحتعرف الفرق
Content Relevant URLs by
vBSEO 3.6.0 PL2