تجربتى مع محلات داندى للملابس بوسط البلد

**M.Mostafa80** · 11-06-2011 01:51 AM

التجربه تتلخص فى انى نزلت فى يوم اشتريت من عندهم تيشرتات منهم تيشيرت بكمولكن خامته خفيفه ويعتبر صيفى والكلام دا من حوال 3 اسابيع ومستخدمتوش غير هى مره او مرتين لبس وظهرلى فى عيب فى النسيج
ظروفى للأسف مسمحتليش ان ارجعلهم فى وقتها فا عديت النهارده عليهم لأنى كنت فى منطقه وسط البلد فقلت ادخل اقلهم ان الحاجه اللى اختها فيها عيب فى النسيج بتاعها على اساس انهم محل محترم وليه اسمه البائع رد عليا بكل احترام قالى حضرتك هاته نوديه الأداره وهما يحددو أذا كان عيب تصنيع او عيب استخدام طبعا بالنسبالى استحاله ارجع عليهم وهو عيب استخدام بس عشان يبقو خدو حقهم فى الكشف على عيوب منتجهم المهم البائع قالى مدير المحل اهو اتكلم معاه بفهمه الوضع يقولى مليش دعوه بيه دا بكم احنا فى الصيف على اساس انى مشتريه من فرع كولالامبور التيشرت مكملش 3 اسابيع عدد مرات الأستخدام مرتين العيب فك نسيج القماش من بعضه يعنى بالبلدى زى ما تكون كانت حاجه مركونه وعته اكلتها واللى يدايق انو بيتكلم معايه زى ما كون بطالب بحاجه غريبه او انى المفروض احمد ربنا انى لبست من عندهم تيشرت مثلا خلانى قلتله اهدى بس كدا انا ثمن التيشرت اللى هو 130 ج ادوس عليهم بجزمتى ومتتكلمش معايا كدا والمفروض انى واخد منتج محترم من مكان محترم ليه اسمه وعمتا دا اخر تعامل ليا مع المكان دا طبعا البيه مش فارقه معاه ووجهه بيقولى وانا خارج من المحل ولا تفرق معايا وبصرحه انا دمى محروق ومش عايز اسيب حقى لأن فعلا دا منتجهم ومتباع من محلهم حبيت افضفض معاكم لأنى ادايقت من الموقف اللى دار بينى وبين اللى ميفهمش يعنى ايه سيلز ويعنى ايه العميل دائما على حق وفى نفس الوقت عشان احذركم من منتجات داندى طبعا مش كلها هتبقى فيها عيوب لكن لو ظهر فيها عيب اعرفو انكم بتتعاملو مع محل مش امين فيما يبيعه
مع ان الواحد اتعامل مع محلات كتير فعلا محترمين وبيخافو على اسمهم وسمعتهم مش زى البيه اللى كانت كل ملامح وشه بتقول مش فارق معايا انك ما تتعاملش معايا تانى

**elmkaneeki** · 11-06-2011 02:00 AM

حصل قبل كدة فى اور وخدوه بدلوه علطول ولله
بس المشكلة ان فات اكتر من 14 يوم عليك ودة فى صالحهم شوية

**matrix_it** · 11-06-2011 02:07 AM

مش طلعت اللى جواك و زعقت و حوار خلاص هدى نفسك و ان شاء الله ربنا يعوضك خير
اهم حاااااااجة فى المواقف دى انك تطلع كل الغل الى جواك على الراجل و هو يسمع الكلام دة وهو ساكت

**wahba87** · 11-06-2011 02:08 AM

جبت قبل كده بنطلون من داندى بس كان رخيص كان ب 90 جنيه تقريبا (هو شبه الجينز بس مش جينز)

قعد حوالى شهرين و بدأ يدوب !

**M.Mostafa80** · 11-06-2011 02:10 AM

انا على فكره مش هيفرق معايا لا التيشيرت ولا فلوسه بس انا بكتب هنا عشان الناس تعرف المحل وادارته بتم ازاى فا يحذرو التعامل معاهم واللى دايقنى اكتر ان البياع رد عليا بكل احترام قال هاتو اوديه المصنع يشفوه والبيه مدير المحل لا دا بكم يعنى شتوى يعنى مليش دعوه بيه على اساس انى جايبه من حته تانيه وبتبلى عليه بيه

**BUNSH** · 11-06-2011 02:15 AM

ولا تضايق حضرتك ,, فدااك
موقف حصل معايا من قريب وكنت شارى قميص وبنطلون من zara وقميص كنت استخدمتة مرة واحدة ومخدتش بالى ان كان فية خرم صغير مكان (قطعة بلاستيك) اللى بيحتوا علشان سرقة .. وكان عدى على قميص 25 يوم روحت وخليت مدير فرع شافوة واخدت واحد بدل منة وانا واااقف ..

**ahmedkhamis** · 11-06-2011 02:38 AM

داندي الاسكندرية (جرين بلازا) بصراحة التعامل معاهم كويس جدا و في قمة الاحترام
للاسف ربنا يعوض عليك

**M.Mostafa80** · 11-06-2011 02:42 AM

المشاركة الأصلية كتبت بواسطة matrix_it

مش طلعت اللى جواك و زعقت و حوار

خلاص هدى نفسك و ان شاء الله ربنا يعوضك خير
اهم حاااااااجة فى المواقف دى انك تطلع كل الغل الى جواك على الراجل و هو يسمع الكلام دة وهو ساكت

القصه مش قصة زعيق ولا حوار لأنى اتصدمت من الرد اللى اخدته من محل اللى المفروض ان له اسمه ومحترم

المشاركة الأصلية كتبت بواسطة wahba87

جبت قبل كده بنطلون من داندى بس كان رخيص كان ب 90 جنيه تقريبا (هو شبه الجينز بس مش جينز)

قعد حوالى شهرين و بدأ يدوب !

دا مش انا بس بقى

المشاركة الأصلية كتبت بواسطة bunsh_fox

ولا تضايق حضرتك ,, فدااك
موقف حصل معايا من قريب وكنت شارى قميص وبنطلون من zara وقميص كنت استخدمتة مرة واحدة ومخدتش بالى ان كان فية خرم صغير مكان (قطعة بلاستيك) اللى بيحتوا علشان سرقة .. وكان عدى على قميص 25 يوم روحت وخليت مدير فرع شافوة واخدت واحد بدل منة وانا واااقف ..

طب دول محترمين وحافظو على اسمهم وسمعتهم لكن دا مش فارقه معاه

المشاركة الأصلية كتبت بواسطة dr.amr

للاسف اصبح داندي من حوالي سنتين او اكثر قليلا محل قمة الردائه
خامات والوان واذواق
واحمد ربنا انها جت في حاجه
والسيلز بقوا اخرهم يمسكوا عربيه بحمار في الشارع

والله التيشرت شكله جميل والبياع رده فى البدايه كان محترم بس مديره اللى ولا بيفهم والله اعلم اذا كان صاحب محل ولا موظف